Lúka 12:37 - Fayam Midhab Yiesu Kiristoká He Hol Af Iđiny Kaanaká

³⁷ Gál gédeká máállé guđoká hol ká nadheka, íín in bano-, karaf gaa ˈgieka, ger haí gaa meedhe. Hé ˈdúwaká yú hí geeye, máá guđo kinaallá đafaraam gede hí ˈguoká hai higita, gáál kara ˈguomietká álle hai iđimia, gáál hai golmia.

Lúka 12:37 ပူးပေါင်းရင်းမြစ်များ

Matááyo 24:42

Aaléka, met hí ˈdú ˈgie, yáá Máá kíchia Guđóóllá kúlích gáá ˈjeˈjeenká ití muog.

Lúka 12:36

Hát gál géde-, máállé guđo herginy álle sedheká met egesoká yiedhíe, giri mu karaf kí ˈdie-, gáál vieka, a tikiˈdeká mú đo gaalí karaf ki fuuroká.

Lúka 12:43

Tá gédéch kinaal máállé guđoká hí af kí ˈdie-, hújíchle tág gaa yaalka, ebá geer hí súm gaa meedhe!

Lúka 17:8

Mu in hé mú ma géđîny? Ye ˈguom kí or, đafar híso, ye ka golólish, ˈguom kóony ubaa he ím hí ye gaa đuyyeka, tá kuun golólso, he ig, hé mú ma yégên?

Lúka 21:36

Aadh lulle ˈdeeyimíe, Waag vivitíe, hé geđ igiro-, hí hát ˈdabaanká gaa nannaataká fargogintle muí shio, giri úba hí Iny Máádhat met ki ˈdeenká, Yíésu hí gáál yie.

Lúka 22:27

Máá guđoká he mááya? He máá gaalí he ki nannuo-, gaalí ká golmuoká guđóo? Ebá máá mú he ki nannuo-, mú ka golmuoká guđo? Hé máá gaalí he ki nannuo-, gaalí ká golmuoká muuniny? Tá yú hí hurt gaa ijóóllá, hát máá hí he ki nannuoká.

Yuána 12:26

Máá hújíchchú nannuoká, hí ye el gáá veero. Ál yú ijoká in gédéchchú úba hí ija. Máá hújíchchú nannuoká, ˈJaachú haí ˈduuwaya.

Korínto Erká 2:9

Hééllá he hé Warˈgat Waaˈgiet hí hote-, kieye, Hé kálta máádhat hí il ma ki árginy-, hí nétle mán-, hí kasle mánká, hé kinaallá he hé gál Waag gielká Waag hí met tág koyyeká, chieká.

Filíbi 1:21

Yúka, yú les ˈdug ˈdú ijóólláka ye ki midhab, giri yú Kirísto máálle yegetká. Tá yú kufeka, kalat, giri yú Kirísto nyí hol af yíéđiannoká.

Filíbi 1:23

Hé naamáállá hé ye mé eiy ki sedhe. Tá yú íín lésallá haađuo-, Kirísto nyí hol af yíéđiannoká fede. Hé kinaallá in ye súm ki kalat.

Bétiro ki Naamaká 1:11

Tá Máá kúnnaa Guđo-, Rubachiet-, Yiesu Kirísto Guchlé biiyoká hí higilloká, Waag hát ˈdabaanká mé guđáan haí cheedhe.

Bétiro ki Naamaká 3:14

Aaléka, sheel chia yú gielallo, ˈdaa giri hí hééllá met egetoká taalle laađamíe, giri kúlích ka chiimetóótíá hí Waag met ki ˈdeenno-, hí geer ka ˈjakarany mán-, Waag hí gál saas ubaa ˈdeensen mánká ka dhaˈgasannoká.

Kí Edhesiny 14:13

Aalé yú ˈdéé hót úr gaa maale, ˈdéé hót kieye, Hééllá warˈgát gaa véer: Káána ubaa biiy met ki suoyyééllá gál iiy yeenlé ˈdaa Máá Guđo Kirísto ka ˈguoká ˈdaalleka gaal hí yegeská ebá Waag hí ˈdú ˈjiiy! chie. Aalé Hím Naasan Waaˈgiet kieye, Iiy-hí! Gálallá laatlé lađaanallá hefle hai ˈgiita. Gálallá húgúmle ˈduuwle hai hogodho.

Kí Edhesiny 16:15

Yíésu kieye, Bá dhaayyíe, yú hát máá buraallé-, aadh ˈgas hí muogká gáá ˈjeˈjeenká ha gáá ˈjeeme, yie. Máá ˈdeyeen-, đafaraamle ˈguo-, giri gele mantle gálaat hí ma aargiriny-, kern hí ma ˈgiˈginká ebá Waag hí ˈdú ˈjiiy!

Kí Edhesiny 3:21

Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.

Kí Edhesiny 7:17

Élíny giri kara guchiká álle yaalká gáál máállé hí ˈdeˈdeenká hai yeedhe. Mu gáál haˈdam bíé luolmitiká hí gáá fefeenká gáál hai ˈdú egedhdhe. Waag gáál imiro lulle hai gaa shugudmicha, karsich hí yie.