Lúka 12:17 - Fayam Midhab Yiesu Kiristoká He Hol Af Iđiny Kaanaká

¹⁷ Máá kamúrut kinaal geer ki tawue, kieye, Yáá ˈguomchú ál fuo mánnal, háte ˈdeeme? yie.

Lúka 12:17 ပူးပေါင်းရင်းမြစ်များ

Matááyo 16:7

Aalé gál láliká íín hol geey, kieye, Hééllá he ˈdaa giri múún ke balashá ma ka éenká, yie.

Matááyo 5:42

Máá ko he ruogonoká he shíish, máá ko he gaa eergiatká fedoká ha he rîny.

Lúka 10:25

Waaséél máá súm hemuumurit Waag hí Móshe ka shiicheká óg mare le gaa kie, Yíésu ˈdéé a kí dhaay, kieye, Máá gáál he oonisúóllo, háte yú ˈdeeme, tá yú luolmit biiyoká aargira? yie.

Lúka 11:41

Aaléka, hé illam ger gaa ijoká gál he maamanká shía. Bá dhaayyíe, hát kinaallá in hát it gon ˈdug ubaa ger gaa ˈjiate.

Lúka 12:16

Aalé mu hibéél gáál geey, mu kieye, Máá kamúrut mare ˈguom fie, ˈguom hí súm hite.

Lúka 12:18

Aalé mu kieye, Hatallá yú ˈdeeme, bushchú ha yú fufura, bush éíy taaka bushééllá ˈdú guguđoká ha yú ˈgieˈgia, bush ˈguomchú ubaa shokodaamchú lulle ha yú fafaa.

Lúka 12:22

Aalé Yíésu lalille geey, kieye, Hé kinaallá ˈdugaka in yú hí geđia, ˈGuom hí kokonyo-, hí sidh met gaa kokoyyoká gerle haí gaa ˈdeenêny. Đafaraam hí higisataká úba haí neesîny.

Lúka 12:29

Héétí hé hí kokonyoká ubaa hé hí igiannoká haí ˈgar aayáˈginy, ubaa haí ger mare ˈgíiny.

Lúka 12:33

Hé kíchia hí ˈgayyaká birm hidhdhíe, birm gál he maamanká eiy gisáa. Shomodhaam kamur Waaˈgiet ma ˈgiˈginká dhaadhíe. Kamurkícho hí kamur biiyo urati-, ma bebeenyká cheet. Úratíá hé máá buraa léká ál hí ˈdú naatká mán. Kamur Waaˈgiet urati kinaallá hé guur níínní hí ˈdeđeneychoká mán.

Lúka 16:3

Aalé máá aany mé ki yiel kinaal tákámle hol yiete, kieye, Háte yú ˈdeeme, máá chia guđo-, aanyle yú mé ki yielká in ye aanyle gaa aruma háluke? Yáá fargogint ˈguo-, les ki gugusoká mán. Roog úba kerno ye ˈgiˈgidhicha.

Lúka 16:9

Yú hí geeye, kamur lesallóóllá sheel ki muráa, kamurééllá el me hí ˈgidhe-, sheel kinaallá hí hol úratí gaa argiyyeka, sheel ger haí gaa meedhe, lokoˈd haí kí goolo.

Lúka 18:22

Aalé Yíésu héél maaleká mú geey, kieye, He tikiˈd tákáma hátle ko gaa laʼ. He lullé kua ˈgayyoká mádish, birmle gál he maamanká eiy gis, hát kinaallá in kamúr úratíá gaa aargiˈda, tá káde, ye el gáá véer, Yíésu hí mú yie.

Lúka 19:17

Mú máállé guđoká kieye, Hé midhab, kúún he gédéch ˈdúwaká. ˈDaa giri kúún hé ninnííllá gáá ˈdúwaká, kuun aalé ˈjien met tomon kánsíchle ha cheedhe, muí mú yie.

Lúka 3:11

Yuána gáál ˈdéé hol ˈdú nie, kieye, Máá kosam naam ˈguoká hí kóte tikiˈd máá kóte mánká shio. Máá ˈguom ˈguoká úba hí hát tikiˈde kinaal ˈdie, muí yie.

He Ekeny Gál Alb Fimiká 16:30

Aalé mu mú Báulo ˈbíl yé gaa ˈdeey, gáál heete, kieye, Gál yaab! Háte yú ˈdeeme, yú rubach aargira? yie.

He Ekeny Gál Alb Fimiká 2:37

Gálaat héél maaleká gáál ˈdee hí geer hile, gaal Bétiro ubaa gál Yiesu alb fimiká heete, kieye, Nyaaramkínyo, háte nyí ˈdeenne? gaalí yie.

Róóma 12:13

Gál Kiristo he hí ki ˈgierˈgernítaka he shiigía, héétí gáláát hí kí faanká mé guđáan yiegedhíe.

Tímote Erká 6:17

Gál lésalláka kaamúreká af táátaʼ, gaal hai hol egêny, hai kamur el mé mánnallá ˈdúúw hóson. Gaal hí Waag gáál he met lulle ká shigicho-, ke gaa geyyeenallá ˈdúúw hosot.

Yuána Erká 3:16

Gielmít yaalmitééllá ke eiy ki naate: He hát káána Yiesu Kirísto sídhle sillie-, gáál ˈdú kufééllá. Muun onnônyka sidhamkúnno úba gál nyaaramallá ke ˈdú silmia.