Lúka 12:14 - Fayam Midhab Yiesu Kiristoká He Hol Af Iđiny Kaanaká

¹⁴ Yíésu mú ˈdéé hol ˈdú nie, kieye, Musó, mááya ye máá arra hoy, hí hékícho eiy kí nannaa? mú yie.

Lúka 12:14 ပူးပေါင်းရင်းမြစ်များ

Lúka 12:13

Nyésébích kinaal mú tikiˈd Yíésu geey, kieye, Máá gáál he oonisúóllo, nyárchú géesh, aˈjibaat ˈjaakínyo hí nyí ˈdu gáá hayká, hí ye héchú gáá shuo, yie.

Lúka 22:58

Gaal á níínni mare yíéđieká máá éíy taaka Bétiro arge, kieye, Kúún úba kó gáál máálle muunîny! yie. Bétiro kieye, Musó, yú yáá gál kinaallá máálle muuniny, yie.

Lúka 5:20

Aalé Yíésu gáál iiy yeenle argeká, máá giri héljoká geey, kieye, Musó, ađaabanokú yáá ko gaa eey, yie.

Yuána 6:15

Aalé Yíésu hát gaalí ˈdú kekeen-, gaalí kansím mé ki tatuo-, gaalí kánsíchle hođisatká kimiteká, đo gáál af ˈgite, tákámle geđi gúm bííyle mé nie.

Yuána 8:11

Min kieye, Máá Guđo, hé mán, chie. Aalé Yíésu kieye, Yáá úba ko ma ˈdeđensen, sí, ha geđi ađááb híliny, yie.]

Róóma 2:1

It halúg gálaat ˈdeđensetéel, itín hát níínní hí hol ˈdéé ˈdú hogotoká mán, ˈdaa giri it tikiˈde hí gáál ˈdeđensetééllá hí hé tikiˈde gaal íín hí ekemeyóóllá úba hí ekemeychóóllá. Af giri hí gálaat hatal ˈdeđensetoká itín dhúr kíchia hí hol ˈdéé ki iđiny Waaˈgiet ˈdú gáá egeyye.

Róóma 2:3

Aaléka, it hí gálaat ˈdeđensete-, kor hé gaalí ekemeyo kinaal úba hí ekemeychóol! Hí tawuyyeká itínka Waag ˈdéé ki iđinyle met karro hí gaa ˈdaraanna?

Róóma 9:20

Tá máá kinaal mááya, Waag hatal yegetal? Máá Waag hí ka kuonneká hé Waaglé hí ka kuonneká hatal hegeset, kieye, Háteka ye hatal ka kuonnéel? yeget?