Lúka 11:42 - Fayam Midhab Yiesu Kiristoká He Hol Af Iđiny Kaanaká

⁴² It Farisaayallo, onnóo! He lullé nigini hí aargiˈdoká, hát káána ˈguor met bir hí ˈguom fafaatoká tomon taat hí argiyyeka, taat Waago hí hol ˈdú nanniyya. Hé kinaallá hé midhab. Tá háteka, itín hí ˈdúúw ubaa gielmit Waaˈgiet gíl sug ki haychéel? Hééllá onnônyka ití gíl sug ma ki haađîny. Hé shiicho nigini kinaallá ubaa hééllá onnônyka hollo hí hol ˈdú chiirate.

Lúka 11:42 ပူးပေါင်းရင်းမြစ်များ

Matááyo 23:13

Yíésu geđi gáál geey, kieye, It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! It gálaat Guch Waaˈgiet hilít gáá moyche! Itín dhúrkícho it Guch Waaˈgiet hilít hol ká riate, héétí it gálaat Guch Waaˈgiet hilít ka riate.

Matááyo 23:23

It gálaat nyatalaam oonisicháállo ubaa it gál Farisaayallo, he ebá hí ki ˈdéen! It hol ˈdug gáá sasalláal! Hé ˈduwa, ˈguor met bir hí ˈguom fafaataká hí tomon taat argiyyeka, it taat Waag hol ˈdú nanniyya. Hé shiicho nigini hatallóóllá in hí ma haađiny háluke, tá háteeye he hemuumurit súm farguogo-, hát káána hé ˈdúwaká ekeny, ubaa geer guurá ˈgany, tá hé ˈdúwaká huogon hí gíl sug ki haychéel? Hééllá lulle hol ˈdú chiˈdíe, eekemeyyíe.

Matááyo 23:27

It gálaat nyatalaam oonisicháállo ubaa gál Farisaayallo, he ebá hí ki ˈdéen! It hol ˈdug gáá sasalláal! Itín hí hát uushim waarle gaalí kúl édhká shugudie-, ki dhaˈgasanká ˈdug gáá midhab-, kor gerle laf ubaa moˈd hí ˈdiidheká.

Lúka 18:12

Rám tiiyaká geerle bar lulle ram naam yáá af higisat. Hé tomon yú argoká tikiˈd yáá ko hol ˈdu gáá nannuo, muí yie.

Yuána 5:42

Yú yáá hí tág óg, gielmit Waaˈgiet hát hí ger ka mánká yáá óg.

Yuána Erká 4:20

Har máádhat kieye, Yáá Waag giel, yeget-, kor nyárle nebítaka, máá kinaallá he máá hódholléká. Máá nyárlé il ki argoká ma geelnenyká, hé hát níínní Waag he il ma ki árginyká gielká mán.