Lúka 10:2 - Fayam Midhab Yiesu Kiristoká He Hol Af Iđiny Kaanaká

² Mu gáál geey, kieye, ˈGuom hiteká hé tág guđo, tá gál hí mumuroká íín hé iraam mán. Máá Guđo-, ˈguom léká heetíe, muí gállé hí hujich ki nannuoká lesam ali ˈdú fuo, gaal hí mú ˈguom kí muro.

Lúka 10:2 ပူးပေါင်းရင်းမြစ်များ

Matááyo 20:1

Aalé Yíésu gáál hibééllá geey, kieye, Guch Uratiká héllé hol ki égká he yaalmit máá lésle ˈguor saanoká hí gaa ˈgie-, bur a midhab kie-, gál hí léslé kinaal hujich gaa nannuoká ˈgas ˈgeˈgedheká.

Márko 13:34

Hééllá hát máá bííy eiy sienyle hí ká hileká. Mu hátlé ényle ma gaa kíinyká gedelle ényle af iđie-, gáál hujichaamle eiy met ki koy-, tá máá é káráfle ˈdeˈdeenká geey-, kieye, Tág yíéđig, ha mé les ki gân! yieká.

Márko 16:15

Aalé Yíésu gáál geey, kieye, Les lúl gaa sedhíe, gálaat lulle Fayam chia Midhaballá ki ˈdiiyimíe.

Márko 16:20

Aalé Yíésu lalille kie, les lúl gaa sedhe, gálaat Fayam Midhab Yiesúúllá shie. Máá Guđo Yíésu úba hé gáál hol hujich ˈgar nannie. Gaal gálaat ki ˈdiiyimeká gálaat hé hé gaalí af ˈdaˈdaboká úba il ki arge. Hatallá in Yíésu fayamlééllá hát ˈdúwaká gálaat argisie.]

Lúka 9:1

Yíésu gállé tomon a naamaká hol ˈdu gáá vie, mu gáál fargogint gaalí aryáán lulle yé ki ˈdeđuoká ubaa fargogint gaalí basham yiem ki ˈdeđuoká shie.

He Ekeny Gál Alb Fimiká 11:19

Af giri Estéfan gaalí yies-, manyjasiny gál Yíésu iiy yieká biiy gáá ˈdiiyyeká, gál gaalí manyjasie kinaal ˈbáál bííy he kar ˈdú ˈdane-, he mé đig yieká he lés Foinike, lés Kuburos, tá ˈjien Antiok. Gaal gállé Yuuˈdiká tákáma ˈdeeny Yiesuká geey.

He Ekeny Gál Alb Fimiká 13:2

Gaal hátlé Waag vivite-, af higiteká Hím Naasan Waaˈgiet gáál geeyche, kieye, Barnábas ubaa Sáwul hújích yú kí vieká mé ki kóo, chie.

He Ekeny Gál Alb Fimiká 13:4

Aalé Hím Naasan Waaˈgiet Barnábas ubaa Sáwul ali fiiyyeká gaal Selúkia ki fame, đo ál kinaal kadich gaa hile, koro Kuburos mé nie.

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

He Ekeny Gál Alb Fimiká 22:21

Aalé Máá Guđoká ye geey, kieye, Keʼ, sí, yú kidh fágatíá ko ali ˈdú kakaa, muí ye yie, Báulo hí gáál yie.

He Ekeny Gál Alb Fimiká 8:4

Gál giri kar ˈdane-, les eiy ˈdú basandheká fayam Waaˈgiet alb he met naannieká gaa ˈdiiyime.

Korínto Erká 12:28

Tá gál gón Kiristóóllá hé Waag hí hujichaam eiy eiy met ki kuokoyye. Gál erkobká he gál alb fimiká, gál ki naamaká he gál Waag hí ˈdeem ka shigichoká, gál ki seđeká he gál gálaat ˈdeeny Waaˈgiet oonisuoká. Héétí gál hé ki af ˈdaˈdaboká ekemeyoká, ubaa gál gál fursam ˈguoká bibisuoká shíícholle ˈguoká, tá gál gálaat ˈdú ˈjeˈjeenká, ubaa gál gálaat hujichaamle met ki ˈgieká, héétí gál afano éíy taaka hogodhoká.

Korínto Erká 15:10

Tá Waag ˈdúˈjímle ˈdaalleka in yú hát ijóóllá yie. ˈDúˈjím Waag hí ye ká shiichééllá hé hé guđo-, midhabká ekenyle ye yé ˈdú ˈdeeyche, yáá gál alb fimíítí hujich súm ˈdú nie. Tá hújích yú níéllá hé ˈdaa fargogintchú yú ma ki níiny, he ˈdaa ˈdúˈjím Waag hí ye shiichééllá fargogintlé yú Waag hujich ki nie.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Filíbi 2:21

Gaal lulle onnônyka Yiesu Kirísto ˈdeenyle ˈgar aayaˈgoká, íín taalle héllé ˈgar aayaˈga.

Filíbi 2:25

Tá yú tawueká Ebafuroˈdíto yú hí hol ˈdu gáá nannaa. Mu he nyár chia-, nyí hol hujich ˈgar nanniyya-, áwúlle nyí Fayam Midhaballá hol ˈgar lađaannaká. Mu íín úba he máá kíchia ˈgasiet-, hí ye ali ˈdu gáá kaayye-, hé ye ki ˈgeeˈgerneyká ye yiir kí chichiˈdeká.

Filíbi 2:30

ˈdaa giri mu nyíf onnônyka hújích Kiristo ˈdú kufumeká. Mu hé sídhle sillie, hé ye ki ˈgeeˈgerney-, onnônyka itín hí ye ma kí chííranká ye kí chiˈde.

Kolosááya 1:29

Hééllá ˈdugaka in yú lađama, fargogint Kiristo ye gaa iđo-, ye hujich ki nannasatallá yú hujich ki nannaa.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Dhesaloníke Erká 2:9

Nyaaramkínyo, hújích fargogo-, laatle nyí lađaanneká it mé ká ˈgayya. Bár kinaallá ke hí Fayam Midhab Waaˈgietal ki ˈdiyimeká kulich ubaa chúúrélle nyí hujich nanniyye, giri ke hí ílsh ma ki yégenká.

Dhesaloníke Erká 5:12

Nyaaramkínyo, gillo ki hí ki efe, gál hurtkícho hújích Waaˈgiet hát ˈdabaanká gaa nannuo-, ˈdaa Máá kúnnaa Guđóólláka hí met ki ˈgie-, hí af tatúóllá kiikiadhíe.

Dhesaloníke ki Naamaká 3:1

Nyaaramkínyo, aaléka, nyí Waag kí viivitíe, giri Máá kúnnaa Guđoká fayamle đo biiy bash ki chegeto-, tá hát tikiˈde hí fayám iiy chíéllá, fayám gálaat úba hí hé ˈdúwaká ka dhaˈgasan-, gaalí iiy yegetká.

Tímote Erká 4:10

Muun húgúm Waaˈgiet ˈganyo in ke hát ˈdabaanká ˈdú lađama. Hééllá he ˈdaa giri he met esinykúnno ki Waag bííyyo ali iđoká ke gaa iđieká. Waag íínííllá he gálaat lulle Rúbáchlé, tá súm gál hí iiy yieká Rúbáchlé.

Tímote ki Naamaká 4:5

Tá kúún, he met lulle ˈdaalleka, kas midhabká ˈgab, manyjany mé ki chírso, Fayam Midhaballá gálaat gééđish, hújích Waag hí ko shiichééllá hát ˈdabaanká náánnaʼ.

Fílemon 1:1

Yú he Báulo, máá Fayam Midhab Yiesu Kiristóóllá ˈdiiyiminyle ˈdugaka, gaalí hiigidheká. Warˈgatééllá yú ubaa nyár kúnnaa Tímote lééllá, kó nyí ko giel-, ke hujich hol ˈgar nannuo-, Fílemon lééllá nyí ko ˈdu gáá veeˈde.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Kí Edhesiny 2:1

Gál Kiristo ˈjien Efeso gaa ijoká máállé urru-, ˈgassoká ˈdeenyééllá ˈdú véer. Máá hidhino tiiya gíl ˈdaa naaniet ka ˈguo-, hé tiiya-, hórkí-, nyátáá tiiya hí ˈdú iđoká hurt gaa seseenká ˈdeenyle hééllá: