Lúka 10:11 - Fayam Midhab Yiesu Kiristoká He Hol Af Iđiny Kaanaká

¹¹ Shere lés kíchia nyí ˈgas chiˈdééllá ˈgas ha nyí gaa ˈdooto, hí il gíl gaa helitkícho yeet. Tá onnóo, Guch Waaˈgiet hé ka ˈjobonte, yiedhíe.

Lúka 10:11 ပူးပေါင်းရင်းမြစ်များ

Matááyo 10:14

Tá har gálaat hí rokoˈd ki gogoloká điidhe-, ubaa gaal ˈdeenykícho nee ma kokonyka, af giri hí ˈbíl kinaal yíekaʼ, muuninyka, ény kinaal yíekaʼ hí yé gaa ˈdeˈdeennoká ˈgaskícho shére gaa ˈdodhdhíe.

Matááyo 10:7

Tá hí hol gaa seseennoká gálaat ki ˈdiiyimíe, Guch Waaˈgiet hé ká ˈjobonte, yiedhíe.

Matááyo 3:2

Mu gálaat geey, kieye, ˈDaa giri Guch Uratiká ka ˈjobonteká, hé ˈdeđew-, hí gaa seseenneká hayyíe, Waag makan famíe, gáál yie.

Márko 6:11

Ény hí ki faan-, gálle hí ma shuunan-, tá hí af nee ma kokonyká hí gáá kekeennoká ˈgaskícho shére gaa ˈdodhdhíe. Hát kinaallá in hát gaalí he ki ˈdeeneyká gaalí kiimita, yie.

Lúka 10:10

Tá ˈjien hí ki faan-, gálle hí mé guđáan ma yeenká, ˈjien kinaal ˈgíéríchlé hí hurt iifoká ki ˈdée, hatallá yiedhíe,

Lúka 10:9

Gál basham ˈguo-, ál kinaal gaa ijoká bisía, gálaat geeyyíe, Guch Waaˈgiet hé hí kí ˈjobonte, yiedhíe.

Lúka 9:5

Gaal har hí rokoˈd ki gogoloká điidheka, ény kinaallá hí gaa kekeennoká ˈgaskícho shére gaa ˈdodhdhíe. Hát kinaallá in hát gaalí he ki ˈdeeneyká gaalí kiimita, yie.

He Ekeny Gál Alb Fimiká 13:26

It nyaaram chia hídh Abiraayamallo, ubaa it Waag kikiatáállo, fayam rubachietallá múúni Waag hí gáál ali ˈdu gáá kaayye.

He Ekeny Gál Alb Fimiká 13:40

Aaléka tág ˈdée, hé gál Waag hí ˈdéé ka shigicheká hí huogodheká ha il hí árginy, giri kieye,

He Ekeny Gál Alb Fimiká 13:46

Báulo ubaa Barnábas ˈdéé nyaalím ki huogodhe, gaal gáál kieye, ˈDeeny Waaˈgiet erkob it gál Yuuˈdííllá ke hí geđie. Aaléka, it hol ká muˈde, ˈdaa giri hí ˈdéé điita-, gál luolmit biiyoká ma ki ekenenyká hí hol hoycheká. Nyíín aalé kidhdho nyí bala ˈdú nanniyya.

He Ekeny Gál Alb Fimiká 13:51

Aalé Báulo ubaa Barnábas kekemeká gaal ˈgas shére gaa ˈdodhdhe, gáál ˈgas in ká badhdhe, Ikónio mé nie.

Róóma 10:21

Tá ˈdaa gál Yisirayelalláka, Waag úba kieye, Yáá aadh lulle gáál gil ki egefo, giri gaal ye ˈdu gáá yiimetká, kor gaal ˈdaa giri met guogoká hé ye gaa điidhe, he chie.

Róóma 10:8

Warˈgat Waaˈgiet kieye, Fayám hé tág ˈjób. Fayamééllá hé agerkícho ubaa gerkícho gaa iđo, he chie. Fayamééllá he iiy yeen ki Kirísto iiy yie-, káána ke gálaat ki ˈdiyeenallá.

Héberew 1:3

Iny íínííllá édhúm Waaˈgiet ká eedhesia, ííni gáál Waag yaalmitle dhúrle ká aargisia, ííni ˈdeenylé fargogínt ˈguoká he met lulle kí chiiˈda. Aalé mu gáál nyuogim ubaa ađaabano gaa dhiireká, mu hé úratí Waag kansím lulle ˈgayyóóllá gíl ˈdaa naaniet yíéđie.