Lúka 10:1 - Fayam Midhab Yiesu Kiristoká He Hol Af Iđiny Kaanaká

¹ Waaséél Máá Guđo Yíésu gáál tomon tiiya tá a naam éíy taaka waaˈde. Mu gáál nanam hol ki ˈdane, gáál hol met nie, giri gaal ˈjien ubaa alb muí sienyle ˈgieká lulle gaalí sedhe.

Lúka 10:1 ပူးပေါင်းရင်းမြစ်များ

Lúka 1:17

Mu Hím Naasan ubaa fargogint Waaˈgiet tikiˈde máá Waaˈgiet Elíya hí ˈgieká hai aargira, mu Máá Guđo Waag met hai ká naadha, giri mu idhaam kasle hol gaa lalaan-, gaal ubaa umle hol higiloká. Mu gál ˈdeeny Waaˈgiet nee ma kokonyká hollo hol gaa laama, giri gaal ˈdaalim gál ˈdúwa-, Waag kikiatká ˈdeenyle iiy yeetká. Mu Máá Guđoká gál hí iiy yegetká met tág hai kokoo, máá ˈgasso-, urruká hí yie.

Lúka 1:76

Kó veel chial, kúún Waag Úr Iđoká máállé ˈdéé ka shigichoká cheedhe. Kúún Máá Guđoká met ha naata, mú ˈgíéríchle met tág ha kooyyo.

Lúka 7:13

Máá Guđo Yíésu min argeká min geer hí ˈdú gudhdhe, min geey, kieye, Ha búony, yie.

Lúka 7:19

mu gáál Máá Guđo Yíésu ali ˈdú fie, giri mú gaalí ká hegeset-, kieye, Kúún he máá giri nyí met egete-, ká yiimetkáa, ebá máá éíyyo nyí met egete? gaalí mú hatal ka hegesetká.

Lúka 9:52

Aalé mu gálaat hol met nie. Gaal sedhe, ˈjien Samaria mare ki fame, giri mú met les ˈdiđianká.