Lúka 1:70 - Fayam Midhab Yiesu Kiristoká He Hol Af Iđiny Kaanaká

⁷⁰ hát giri héle gál Waag hí taak koyye-, Waag hí ˈdéé ka shigicheká hí gáál ka geey-,

Lúka 1:70 ပူးပေါင်းရင်းမြစ်များ

Márko 12:36

ˈDáwuˈd af giri Hím Naasan Waaˈgiet hí ˈdéé ka shigicheká tuuˈdle kieye, Máá Guđo Waag hé Máá chia Guđoká geey, mu kieye, ˈDaab gál ko ka kídhká yú ko ˈgas gim ma fíinyká, ye gíl ˈdaa naanietallá yíéđig, he mú yie, ˈDáwuˈd hí yie.

Lúka 24:44

Aalé mu gáál geey, kieye, ˈDeenyééllá ˈdeeny giri muun ke hol af ijeká yú hí geeyká, giri yú hí geey-, hé ˈdaachúka Móshe hí warˈgasamlé hemuumuritiká gaa veereká ubaa ˈdeeny chia gál Waag hí ˈdéé ka shigicheká hí warˈgasamle gaa veereká, héétí ubaa ˈdeeny chia gaalí warˈgat Arramká gaa veereká lulle hai ˈduuwaa, yú hí yieká, Yíésu hí gáál yie.

He Ekeny Gál Alb Fimiká 28:25

Aalé gaal hol af ká điidhe. Kor gaal hátlé giri eiy ma kíinyká Báulo ˈdeenylé biiy el ˈdaˈdká gáál geey, kieye, Hím Naasan Waaˈgiet hé ˈdúwaká eshim eshimkícho geeyche, giri Yisááya geeyche-, kieye,

Róóma 1:2

Fayam Midhaballá hé kis Waag hí gállé ˈdeem ka shigicheká ká shiiche, gaalí ˈdiiyime, gaalí Warˈgat Waaˈgiet gaa veere.

Héberew 3:7

Aaléka, Hím Naasan Waaˈgiet kieye, Hát káána gálkícho ˈbakat álleka Waag af ma ˈduwâny-, Waag gíl sug ki hayká, kúlíchallá har hí Waag afle maalleka, haí met googonôny.

Bétiro Erká 1:12

Gaal fayamééllá ˈdiiyimeká Waag hé hát gaal hol hujich ma ki nannîny-, itín hí hujich kí nannieká hé gáál argisiche. Gál káána hí fayam tikiˈdééllá ki ˈdiiyimééllá hé Hím Naasan Waaˈgiet úr yé gáá ˈdiiyyeká fargogintle hí ki ˈdiiyime. Waag gállé ˈgasso-, urruká úba hééllá hol eiy gaa nannasatká hé tág fedo.

Bétiro ki Naamaká 1:21

ˈDeem Waag hí gáál ka shigicheká hé kálta gálaat kasle yé ma gáá ˈdíiny. Gaal íín Hím Naasan Waaˈgieto hí af tatiyye, in ˈdeeny Waaˈgiet hogodhe.

Bétiro ki Naamaká 3:2

Hé yú hí gaa fedoká he giri itín hí ˈdeem héle Waag hí gállé taak kooteká ka shigicheká mé ka ˈgayya-, ubaa hemurit Máá kúnnaa Guđo-, Rubachietká hí ka shieká úba hí mé ka ˈgayyaká. Hemurit kinaallá itín Kirísto gállé alb fimiká hí gaa maalle.

Kí Edhesiny 19:10

Aalé yú đo mú ˈgas met les kurram gaa ˈdoy, giri mú memeyoká, kor mu đo ye geey, kieye, Ha hééllá ekêny! Yú he gedech, hát kúún ubaa nyaaram kua giri Yíésu ˈduuwle hogodho-, tá ki ˈgieká. Waag tákámle méémesh. ˈDeeny Hím Naasan Waaˈgiet hí gálaat shigichoká he Yíésu ˈduuwlé.