Korínto Erká 9:8 - Fayam Midhab Yiesu Kiristoká He Hol Af Iđiny Kaanaká

⁸ Yú ˈdaalim gálaato ˈdéé ki hogodho? Hemurit Waaˈgiet hé úba hééllá ma hôn?

Korínto Erká 9:8 ပူးပေါင်းရင်းမြစ်များ

Róóma 3:31

Aaléka, ˈdaa giri ke Kirísto iiy yíéllá, he hemuumurit Waag hí gál Yuuˈdi ka shiichééllá kí gadho, ke yeedhe? Híʼi, he hé hát kinaallá muuniny. Hemuumurít hélle ha ke đuusia.

Róóma 3:5

Tá kálmaréel máádhat kieye, Ađaabano kúnnaa ke higilóóllá hé gáál midhant Waaˈgiet aargisuo, tá Waag har múún gáál he il ká aargisichoka, af kinaalka Waag hé ˈdeew, yieka, tá múún háte ke yeedhe? Hééllá hé gáál ˈbaal hí taawuoká yú hogodho.

Róóma 6:19

Yú hí af gálaat ki geđúóllá, he ˈdaa giri tawunykícho tawuny gálaatká. Itín kíssóótíá it metkícho ki seseenne, hé gaa nyakarichká gedelle chie, it ađaabano hí ki fiidhe. Aalé káánaka gede Waaˈgiet hé ˈdúwaká ekemeyo-, saas mánká yeedhíe.

Korínto Erká 14:34

gál ˈdiet íín hí gaa shaballá, itín af giri me hí hol aargiroká gál ˈdiet úba hí shab onnow. ˈDég alb kinaal ˈdeem gaa hogotoká hé tagle muuniny. Hát hemurít hí chiekáka, ˈdég hí gáál af nee kuokoyyo, chieká.

Korínto Erká 7:40

Tá yáá úba hát máá Hím Naasan Waaˈgiet hí gaa iđoká hol ka dhaˈgasanallá, ˈdaachúka, min hatallóóllá ma een-, iđinylé kinaallá ki iđoka, geer haí gaa meedhe.

Galátia 1:11

Nyaaramchú, hééllá hí eiy nannasatoká yú fede. Fayam Midhab-, yú hí ki ˈdiiyimeká hé fayam gálaat hí hol af tág ki koyká muuniny.

Dhesaloníke Erká 2:13

Nyáá nyí aadh lulle Waag gielmít hol ˈdú nanniyya, ˈdaa giri ˈdeeny Waaˈgiet hí nyí gaa maalleká, hát gálaat yé ma gáá ˈdíiny-, Waag yé gáá ˈdieká hí iiy chieká. ˈDeenyééllá he ˈdeeny ˈdúwa-, Waaˈgiet-, it hí iiy chíéllá hí hujich gaa nannuoká.

Dhesaloníke Erká 4:8

Aaléka, máá atimééllá điidhoká, hé máádhat ma đíin, Waag ííni hí itín Hím Naasanle shigichóóllá he điidhe.