Korínto Erká 9:7 - Fayam Midhab Yiesu Kiristoká He Hol Af Iđiny Kaanaká

⁷ Máá yúóyó máre mangis hujich ki nannuoká mangis hí bíre les ma ki fafiny? Máá vínna fafuo máre vínnallé fieká hiteka saanolle ma kokony? Héétí máá aany ˈdeˈdeen máre aanylé ˈdeˈdeen kinaal eenle ma igiminy?

Korínto Erká 9:7 ပူးပေါင်းရင်းမြစ်များ

He Ekeny Gál Alb Fimiká 20:28

Mu geđi gáál geey, kieye, Hol ˈdeeˈdemíe, gál Kiristo lullé Hím Naasan Waaˈgiet hí mé ki koyyééllá úba ˈdeeˈdemíe. Hát máádhat hí aanyle ˈdeˈdeenká Máá Guđo Yíésu gállé he fásle ká hidhdheká lulle hát tikiˈde kinaallá ˈdeeˈdemíe.

Tímote Erká 1:18

Kó iny chia Tímote lééllo, atim yú ko af kí haađúóllá, he atim ˈdaa gál Waag hí ˈdeem ká shigicheká ˈdeenylé kis ˈdaakúka hodheká ki taalká, giri ˈdeenylé kinaal ko yiir gaa chiirat-, oos ke hol yegesallá kuun hí hát ˈdabaanká hol cheeseká.

Tímote Erká 6:12

Iiy yeen Kirísto ka ˈgayyóóllá laatlé ˈdúwáállá laađámo. Luolmit biiyo-, Waag hí ko kí viiyye-, kuuní iiy chie-, kuuní gál burnayká hát ˈdabaanká met gaa huogoteká tág chíro.

Tímote ki Naamaká 4:7

Yáá laat ˈdúwaká laađame, đuulchú beete, iiy yeen chia Kirísto ka ˈgúóllá ki yaal.

Bétiro Erká 5:2

wala Waaˈgiet hí met ki ˈgiiyyáállá hát ˈdabaanká ˈdeeˈdemíe, af taatáa, tá hé kinaallá hé he mé ki tím muuniny, he hát hí uˈda-, Waag hí ki feˈdoká. Haí birm maralle ˈgíiny, hújích hí nanniyyáállá gófle ˈgáa.