Korínto Erká 9:5 - Fayam Midhab Yiesu Kiristoká He Hol Af Iđiny Kaanaká

⁵ Nyiin hát tikiˈde gál éíy taaka alb fimiká ubaa Máá kúnnaa Guđoká nyaaramle ˈdegle hol ˈgúóllá, héétí Kéfas úba minle hol ˈgar seseenallá, nyiin nyáá nyí ˈduuw gálle ˈdeg Kirísto iiy chieká hol ˈgar seseenká mân?

Korínto Erká 9:5 ပူးပေါင်းရင်းမြစ်များ

Matááyo 13:55

Máállá hé máá ˈguor hođuoká inyle muunîny? ˈJiellé hí ˈdalloká meenyle hé María muunîny? Mú nyaaramlé yaabká hé mú Yákob, Yúósef, Símon, tá Yúúˈda muunîny?

Matááyo 8:14

Yíésu ˈbíl Betiro ki ˈjieká, Bétiro suoglé les gaa iiyyo-, furs hí ˈgieˈgieká arge.

Márko 1:30

Gaal é ki fameká Símon suogle ˈbíl gaa iiyye, furs ˈdeewká hí ˈgieˈgíe. Gaal Yíésu min geey.

Márko 6:3

Máállá hé máá ˈguor hođuoká muunîny? Mu hé iny Maria giri nyaaramle mú Yákob, Yoséítos, Yúúˈda, tá Símon, héétí mú nyaaramlé ˈdeitká hé ke hol állá af ijóóllá muunîny? gaalí yie. Aalé gaal mú shúón gaa nebedhe.

Lúka 6:15

Matááyo, Tómas, Yákob giri iny Alfaayaká, Símon giri gálaat ˈjegeduoká,

Lúka 8:20

Aalé Yíésu gaalí fayám shie-, gaal kieye, ˈJiekú ubaa nyaaramkú baaˈd ˈgee, ko aargiroká fede, gaalí yieká,

Yuána 1:42

Mu đo Símon Yíésu ˈdú eey. Yíésu Símon ki fuˈjie, kieye, Kúún he Símon, iny Yuanaká. Kúún aaléka Kéfasso gaalí ko yegedhe, muí mú yie. (Meeny Kéfaslééllá hélle kieye, Nyátáábá, af Hellenka Bétiro.)

Yuána 2:12

Aaléka, héél đueká Yíésu kie, ˈjielle ubaa nyaaramle tá lalille hol eedhdhe, Kafarnáum mé nie. Gaal ál kinaal rám iraam mánká gaa rafe.

He Ekeny Gál Alb Fimiká 1:14

Gaal bar lulle ubaa gál ˈdiet, tá Yíésu ˈjiellé ubaa Yíésu nyaaramlé hol Waag ˈgar vivite.

Róóma 16:1

Aalé nyaar kúnnaa ˈdúwa-, Fóíbe lééllá, ebá yú hí fayamle shia. Minnééllá gál Kiristo Kenkéra gaa ijoká he hújích Waaˈgiet totom gaa nanniyya.

Korínto Erká 1:12

Hé yú hogodhóóllá, itín mú tikiˈd kieye, Yú máá Baulo, máátí kieye, Yú máá Abollos, máátí kieye, Yú máá Kefas, máátí kieye, Yú máá Kiristo, hí chegedhe.

Korínto Erká 7:15

Tá máá Kirísto iiy ma yéenká har máá Kirísto iiy yieká điđidhanká fedoka, máá Kirísto iiy yieká hí mú mé furo, muí siet. Yaalmitéélláka, máá Kirísto iiy yieká, máá yab yíekaʼ, min yíekaʼ, hé mé furít ˈguo, giri máá Kirísto iiy ma yéenká hí haađuoká. Hééllá he ˈdaa giri Waag muun gáál naanná kí viiyyeká.

Korínto Erká 7:39

Min ˈdaab bélle les ˈdug ˈdú ijoká béllé kinaallá tákáma hílle. Tá min bélle har guraam hí guureka, af kinaalka egeetká hé uˈdo. Tá máá mú egeet kinaallá hí máá Máá kúnnaa Guđo Kirísto iiy yieká onnow.

Korínto Erká 7:7

Itín onnônyka yaalmit yú ijo-, yáálle min mánnallá hí ka yíéđianna. Tá gálaat lulle shííchollé Waag hí ká shiicheká íín hol ká eiy eiyye.

Korínto Erká 7:8

Aaléka, gál giri hátle ma shúúnanká ubaa ˈdeg híyeská hé yú geđuoká hééllá: Gaal onnônyka yaalmit yú ijóóllá ká yíéđieka kalat.

Galátia 1:19

Yáá gál éíy taaka-, alb fimi-, argeká mán. Yákob giri Máá Guđoká nyárléká tákáma nyí hol argiyye.

Tímote Erká 3:2

Aaléka, máá gál Kiristo ˈdeˈdeenká hí máá ˈdeensen mán-, min hí tikiˈde-, hol tím ˈguo-, me hí bire-, siríg ˈguo-, dheeg mé guđáan yeget-, héétí hí máá hát ˈdaalimietká gálaat he oonisuoká onnow.

Tímote Erká 4:3

Gál hođomlééllá gálaat hol shuunan hát kerka ˈdeewká he gálaat geđia, héétí gaal ˈguom Waag hí ká kuonne-, onnônyka gál Waag iiy yie-, Waag ˈduuwle ógká hí hát gielmitiká Waag met gaa egeet-, hí kokuoká he gálaat ká riridhdha.

Tímote Erká 5:2

ˈDeg káruká hát eekú ki sí, gál ˈdiet rúóreká nyaaramkú ka dháash, gáál hát saas mantiká hol hursam gaa yíéđía, guogófsish.

Títo 1:6

Kársích gál Kiristo mé ki yaalká hí máá gaalí ma ˈdeđensen-, ˈdúwa-, min hí tikiˈde-, umle hí um húgúm midhabká ˈguoká onnow. Mú umle hai um gálaat met ma gaa kekeminy-, kóóros-, gálaat hí ˈdeđensetká onnôny.

Héberew 13:4

Gálaat lulle hí hol shuunan ˈduuwle onnow, gál hol shuunneká hai hol ˈdú burúminy. Gál herginy ađááb ˈgayyoká gaa seseenká ubaa gál hol buruanká Waag ˈdéé haí ki iđimicha.