Korínto Erká 9:23 - Fayam Midhab Yiesu Kiristoká He Hol Af Iđiny Kaanaká

²³ He lulle ˈdaa Fayam Midhab Kiristóóllá yú ki ekemeye, giri yú fayamééllá ˈdúˈjímle gaa yíéđianká.

Korínto Erká 9:23 ပူးပေါင်းရင်းမြစ်များ

Márko 8:35

Máá sídhle tág chichiratká fedoká sídhle hai baađisia. Tá máá yú ubaa Fayam Midhaballá ˈdugaka sídhle bađisuoká sídhle hai riima.

Róóma 11:17

ˈGór Waag hí fiiyyééllá hídhle kolmo he golmia. Gál Yuuˈdi Kirísto iiy ma yéenká he kolm Waag hí ˈgórle gaa muˈdeká. It hí Kirísto iiy chíéllá he ˈgór tím gáá ˈdieká kolmlé Waag hí ka muˈde-, muí kolm giri muí mureká albléká gaa kuokoyká.

Korínto Erká 9:12

Tá har gál éíy hí ki ˈdiyeenká hí he gaa aargiroka, nyiin nyáá nyí gál kinaallá ˈdúúw ma ˈdú ˈgâny, giri hí nyí he ká shigichaká? Tá itín hújích ke hí ki níéllá símísle hé ke hí ma héésen. Hé kinaallá afleka, nyiin ílsh lullé nyí mé ki chichirsata, giri Fayam Midhab Kiristóóllá nyí gálaat ma ká ririanká.

Korínto Erká 9:22

Héétí, af giri yú gál ma hirânyká hurt gaa ijoká, yú gál ma hirâny kinaallá hé hí ki midhabká ki ekemeye, giri gáál Kirísto ˈdú gáá egewká. Yú hát lullé ki ija, ubaa ˈdeˈdeme, giri gaal rubach aargiroká.

Korínto Erká 9:24

Af giri gálaat hol ˈdam ki ekemesetká, gál burnayká hát hol ki kirmisat-, tá mú tikiˈd tákámle gáál lulle in ká ˈdeen-, gaalí hé shiicho shiguoká it múog? Aaléka, hát ˈdabaanká kiritíe, giri hí hé shiicho aargiˈdoká.

Korínto ki Naamaká 2:4

Warˈgat kinaallá yú ka vereneká, yáá geer gaa méént ma kí véériny, geer ˈdéént ubaa imiro yú kí veere. Tá yáá kieye, gáál geer gaa ˈdeeneye, ma yéen, he giri gielmit guđo-, yú hí ka ˈguoká hí kiimisatoká.

Galátia 2:5

Tá gáál kár níínní nyí shiicheká mán, giri Fayam Midhab Kiristóóllá ˈduuwle taalle bííyyo itle hí ki iđaká.

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Tímote ki Naamaká 2:6

Máá les fafuo-, símis dhiireká, ííni ˈguom er hiteká kokoo.

Héberew 3:1

Aaléka, it nyaaram chia Waag híllé-, Waag hí urle kí viiyyééllo, Máá Waag hí ali gáá kaayye-, méte suoryo-, Yíésu lé-, ke iiy yíéllá kaskícho gaa iđía.

Héberew 3:14

Iiy yeen kúnnaa er-, ke Kirísto iiy yieká har ke taalle hát ˈdabaanká ke ki ˈgie-, ˈjíig biiy el ˈdaˈd kátaka, af kinaalka muun ke sheel Kiristo.

Bétiro Erká 5:1

It káru-, hí gáál hursam gaa iđáállo, yú he karsich, hát itíni. Yáá giri Kirísto manyjanyle il ki argééllá, af giri Waag ˈduuwle ka eedheyyoká yú úba he máá hí hol ˈduuw kinaal ˈgar aargiˈdoká. Aaléka, gillo yú hí ki efe,

Yuána Erká 1:3

Hé nyí argiyye-, ubaa nyí maalleká ke hí ki ˈdiyime, giri itín ubaa nyiin ke hol ˈdú faan-, ke tikiˈd yegetká. Aalé hát káána nyiin nyí ˈJaa kúnnaa Waag ubaa Inylé Yiesu Kirísto hol ˈdú faannééllá, hol ˈdú famit kúnnaa kinaallá hé ˈJaa kúnnaa Waag ubaa Inylé Yiesu Kirísto hí gaa ijo.