Korínto Erká 9:18 - Fayam Midhab Yiesu Kiristoká He Hol Af Iđiny Kaanaká

¹⁸ Aaléka, hújích yú nannúóllá símísle kor meete yú gaa aargira? Hé yú aargiroká he gielmit yáálle Fayam Midhaballá gálaat ki ˈdiyeen-, gálaat he gúsach ma gaa ˈgeˈgenká.

Korínto Erká 9:18 ပူးပေါင်းရင်းမြစ်များ

Yuána 4:36

Máá ˈguom mé ˈdaraanká hé símísle he gaa arge, ˈguom ˈdaa luolmit biiyoká ki đuorie. Hatallá in máá ˈguom fafuoká ubaa máá ˈguom mé ˈdaraanká hol ˈgar geyyime.

He Ekeny Gál Alb Fimiká 18:3

Gálallá he gál đonganaam dhadhaw-, đongaanam mamarsatká. Aalé ˈdaa giri Báulo úba he máá đongaanam dhadhawká onnoyká, gáál hol af yíéđie, gáál hol hujich ˈgar nie.

Róóma 14:15

Har kúún hé kua kokonyoká máá kua Kiristoká met gaa konye-, mú geer ˈdéént shiicheka, af kinaalka kó mú hát gielmitiká ma ki seseminy. Máá Kirísto hí ˈdú kufééllá ha ˈguom kua kinaallá kóonyle hí bađisîny.

Korínto Erká 10:33

Yáá úba lađaan, giri hát lulle gálaat lulle yú ger gaa memeyoká. Yáá hé ye ki midhabká table mé ma ki sisin, hé gál eiy ki midhabká tablé mé ki sisidha, giri gál ilishká rubach aargiroká.

Korínto Erká 3:8

Máá áár fafúóllá ubaa máá áár bie fafúóllá áwúlle tikiˈde, gaal hullaalle hújíchlé he nannuoká hélle hai aargira.

Korínto Erká 7:31

Héétí gál lésal hélle mé veereká, tawunyle hai hé kinaal tákámle gaa iđîny. Hééllá he ˈdaa giri les káána yaalmitlé he taalallá el ˈginle ká keedneteká.

Korínto Erká 8:9

Aaléka, hol ˈdeeˈdemíe, mé furit kíchia itle hí he met lulle kokonyoká uˈdáállá hai gál kas hí ma hirânyallá ađaabano hilít mé ki kôny.

Korínto Erká 9:12

Tá har gál éíy hí ki ˈdiyeenká hí he gaa aargiroka, nyiin nyáá nyí gál kinaallá ˈdúúw ma ˈdú ˈgâny, giri hí nyí he ká shigichaká? Tá itín hújích ke hí ki níéllá símísle hé ke hí ma héésen. Hé kinaallá afleka, nyiin ílsh lullé nyí mé ki chichirsata, giri Fayam Midhab Kiristóóllá nyí gálaat ma ká ririanká.

Korínto Erká 9:15

Tá har káána úba yú ˈduuw gálle gálaat he gaa aargiroká ˈguoka, yáá hé hatallóólla kálta gálaat ma héésen. Yáá úba hí hééllá ma ˈdú gáá vereniny, giri yú hí he gaa aargiroká. Hol meenyééllá har gaalí ye ká ririatka, yú kufeka kalat.

Korínto Erká 9:17

Fayam Midhaballá ˈdiiyiminyle har yú hol kí muˈdeka, af kinaalka yú he gaa argeka kalat. Tá yáá hújíchallá hol ma kí múran, hújíchallá Waago hí ye kí murate, in yú nannaa.

Korínto ki Naamaká 4:5

Nyiin nyáá nyí dhúrkínyo hékínyo ma ˈdiyiminy, nyiin Yiesu Kirísto hát he Máá Guđoká nyí ˈdiyeenne. Yíésúúllá ˈdaalle in nyí gedekícho ki chie.

Dhesaloníke Erká 2:6

Héétí nyáá nyí itín ubaa gál éíy taaka meeny hí nyí memeychoká ke hí ma ˈdu gáá ˈgéˈgen.