Korínto Erká 9:16 - Fayam Midhab Yiesu Kiristoká He Hol Af Iđiny Kaanaká

¹⁶ Fayam Midhaballá ˈdiiyiminyle hé hé yú hol gaa ˈduuwayoká muuniny. ˈDiiyiminyééllá Waago hí ye mé ki koyye. Har yú Fayam Midhaballá ma ˈdiyiminyka, he bá ye ki ˈdéen!

Korínto Erká 9:16 ပူးပေါင်းရင်းမြစ်များ

Matááyo 25:16

Máá giri muí bíre shíí chen shieká đo bíre nigíˈd ki nie, bíre éíy taaka shíí chen bíre ˈdug ˈdú arge.

Lúka 9:62

Yíésu mú geey, kieye, Máá arlóngʼoˈd gíl ká ˈguo-, les guguso-, biiy el gaa dhaˈgasanká, hé Guch Waaˈgiet hol ma ki ˈgîn, yie.

He Ekeny Gál Alb Fimiká 4:20

Tá nyiin gon hé nyí argiyyeká ubaa hé nyí maalleká nyáá nyí ma haađiny, ha nyí ˈdiyeenne, gaalí gáál yie.

He Ekeny Gál Alb Fimiká 9:15

Aalé Máá Guđoká mú geey, kieye, Mú ˈdú sí, mu íín he faˈd chia yú galay-, meenychú gál kaansúoká, ubaa kidhlé, tá gál Yisirayel lulle mamalsuoká.

He Ekeny Gál Alb Fimiká 9:6

Le gaa keʼ, é mé naʼ, hé ekemeychoká ény kinaallá ha gaalí ko gaa geđia, ˈdéé hót hí mú chie.

Róóma 1:14

Hújích chiallá gál ushúmbaká ubaa gál ushúm muuninyká, tá gál ˈdaalim warˈgasano ˈguoká ubaa gál ˈdaalim warˈgasano mánká ˈdaallé he ki yaalla.

Róóma 15:17

Aaléka, hújích chia Waaˈgietallá ˈdaalleka yáá Yiesu Kirísto memeyo.

Róóma 4:2

Har Abirááyam héllé eekemeyká ˈdaalle ˈdugaka Waag hí máá ˈdúwaká chieka, af kinaalka onnônyka hé hé hol ki memeyká ˈgie. Tá Waag hé hé kinaallá ˈdaalle ˈdugaka mú máá ˈdúwaká ma chéen.

Korínto Erká 4:15

Har úba káána ˈdaa Kiristoka gál hí ˈdeˈdeenká túóy manânyka, it idhaam burnay-, hí ˈgayyaká mán. ˈDaa giri yú hí Fayam Midhaballá ˈdu gáá sidhe-, hí Yiesu Kirísto iiy chíéllá in yú ˈjaakícho yie.

Korínto Erká 9:12

Tá har gál éíy hí ki ˈdiyeenká hí he gaa aargiroka, nyiin nyáá nyí gál kinaallá ˈdúúw ma ˈdú ˈgâny, giri hí nyí he ká shigichaká? Tá itín hújích ke hí ki níéllá símísle hé ke hí ma héésen. Hé kinaallá afleka, nyiin ílsh lullé nyí mé ki chichirsata, giri Fayam Midhab Kiristóóllá nyí gálaat ma ká ririanká.

Korínto Erká 9:14

Hát tikiˈde kinaallá in Máá kúnnaa Guđoká ˈdéé mure, giri gál Fayam Midhaballá ˈdiyeenká hé kokuoká hújích kinaal gaa aargiroká.

Korínto ki Naamaká 2:12

Af giri ˈdaa Fayam Midhab Kiristóólláka ˈjien Torowas álle yú ki ˈjieká, Máá kúnnaa Guđóóllá ye kar af kí fure, yú Fayam Midhaballá ˈdiiyime.

Kolosááya 4:17

Arkíbos geeyyíe, Hújích Máá kúnnaa Guđo gaal hí ko ka shíéllá bééso, mú yeedhíe.