Korínto Erká 9:12 - Fayam Midhab Yiesu Kiristoká He Hol Af Iđiny Kaanaká

¹² Tá har gál éíy hí ki ˈdiyeenká hí he gaa aargiroka, nyiin nyáá nyí gál kinaallá ˈdúúw ma ˈdú ˈgâny, giri hí nyí he ká shigichaká? Tá itín hújích ke hí ki níéllá símísle hé ke hí ma héésen. Hé kinaallá afleka, nyiin ílsh lullé nyí mé ki chichirsata, giri Fayam Midhab Kiristóóllá nyí gálaat ma ká ririanká.

Korínto Erká 9:12 ပူးပေါင်းရင်းမြစ်များ

Lúka 11:52

It nyatalaamallá, he ebá hí ki ˈdéen! Itín it kár gaalí ˈdaalím ki aargiroká af gaa koyye. Itín it kár ˈdaalimo kinaallá ma híliny, it gál kar higiloká úba ká moyche, Yíésu hí gáál yie.

He Ekeny Gál Alb Fimiká 18:3

Gálallá he gál đonganaam dhadhaw-, đongaanam mamarsatká. Aalé ˈdaa giri Báulo úba he máá đongaanam dhadhawká onnoyká, gáál hol af yíéđie, gáál hol hujich ˈgar nie.

Róóma 15:22

Aaléka, yú bííykícho ka yiimieká hújích chiallá hí ye ká riridhdhe.

Korínto Erká 13:7

Gielmít he lúl hai ˈdú fafaata, he lulle ˈdaalleka iiy yeenno Waag gaa iđimicha, Waag hé ˈdúwaká hát he ekemeychoká hé óg, héétí he lullé mé ki chichirsata.

Korínto Erká 6:7

Yaalmit hí ar hol ˈdú egeetééllá, it gon hát Kirísto hí ki fedoká ma ká iđiny. Hé kinaal afle, gál hí he ki ˈdeđeneyoká it ma haađîny? Gál hí hát điđamoká gaa buruanká it ma haađîny?

Korínto Erká 9:14

Hát tikiˈde kinaallá in Máá kúnnaa Guđoká ˈdéé mure, giri gál Fayam Midhaballá ˈdiyeenká hé kokuoká hújích kinaal gaa aargiroká.

Korínto Erká 9:15

Tá har káána úba yú ˈduuw gálle gálaat he gaa aargiroká ˈguoka, yáá hé hatallóólla kálta gálaat ma héésen. Yáá úba hí hééllá ma ˈdú gáá vereniny, giri yú hí he gaa aargiroká. Hol meenyééllá har gaalí ye ká ririatka, yú kufeka kalat.

Korínto Erká 9:16

Fayam Midhaballá ˈdiiyiminyle hé hé yú hol gaa ˈduuwayoká muuniny. ˈDiiyiminyééllá Waago hí ye mé ki koyye. Har yú Fayam Midhaballá ma ˈdiyiminyka, he bá ye ki ˈdéen!

Korínto Erká 9:18

Aaléka, hújích yú nannúóllá símísle kor meete yú gaa aargira? Hé yú aargiroká he gielmit yáálle Fayam Midhaballá gálaat ki ˈdiyeen-, gálaat he gúsach ma gaa ˈgeˈgenká.

Korínto Erká 9:2

Har káána gáál ˈbáál ye máá ali gaa kaanyká ma ká dhaˈgaminyka, itín gon it ye máá ali gaa kaanyká ká dhaˈgasanna. ˈDaa giri itín hí Máá kúnnaa Guđoká iiy chie-, hí mú gálle chíéllá, hé kinaallá he kieye, yú he mú máállé ali gaa kaanyká.

Korínto ki Naamaká 11:12

Yú kín ˈgíérích chia gaa igireká ha gaa igira, giri gál kar ˈgeˈgedho-, kieye, gáál hújíchle hát hújích kínyaallá, yegetká fedoká, kár kinaallá ha nyí ká riata.

Korínto ki Naamaká 11:20

Máádhat har káána úba hí hemuumuritle mé gim nannaa yíekaʼ, hí nyiimita yíekaʼ, hé kíchia hí ˈgayyaká hí af ki riridha yíekaʼ, hol máá ˈdúwaká hođia yíekaʼ, héétí hí nee ger gaa tutuna yíekaʼ, it hí mú héllé kinaallá uˈda, hí mú a nee kokoyyoká feˈde.

Korínto ki Naamaká 2:12

Af giri ˈdaa Fayam Midhab Kiristóólláka ˈjien Torowas álle yú ki ˈjieká, Máá kúnnaa Guđóóllá ye kar af kí fure, yú Fayam Midhaballá ˈdiiyime.

Korínto ki Naamaká 6:3

Nyiin hújích Waaˈgietallá nyáá nyí ˈgíérích gálaat Waag gaa faaganoyoká ma ki nanniny. Hújích Waaˈgietallá gálaat hí egesheyoká nyáá nyí ma fediny.