Korínto Erká 9:1 - Fayam Midhab Yiesu Kiristoká He Hol Af Iđiny Kaanaká

¹ Yú yáá máá mé furít ˈguoká muuniny? Yú yáá máá ali gaa kaany-, Kiristoká muuniny? Yú íín yáá Máá kúnnaa Guđo Yíésu ma árginy? Hújích yú nannúóllá hé itín hí Máá kúnnaa Guđoká hol ma hilsîny?

Korínto Erká 9:1 ပူးပေါင်းရင်းမြစ်များ

He Ekeny Gál Alb Fimiká 13:2

Gaal hátlé Waag vivite-, af higiteká Hím Naasan Waaˈgiet gáál geeyche, kieye, Barnábas ubaa Sáwul hújích yú kí vieká mé ki kóo, chie.

He Ekeny Gál Alb Fimiká 14:14

Aalé Barnábas ubaa Báulo hé gaalí ekemesetal ˈdeenyle maaleká ger hí gaa ˈdeenedhe, hol đafaraam eiy ki fufue, nyesebich ˈdú kirite, gáál ki ˈday,

He Ekeny Gál Alb Fimiká 14:4

Aalé gál ˈjien kinaalloká eiy ˈgiiˈgite, ˈdáá tikiˈd gál Yuuˈdi Yíésu iiy ma yéenká ˈdú fame, ˈdáá tikiˈd gál alb fimiká ˈdú fame.

He Ekeny Gál Alb Fimiká 23:11

Aalé kúlích kinaal chúúrélle Máá Guđoká Báulo láá ki ˈdie, kieye, Ha binenêny, hát tikiˈde giri ye Yerúsalem gaa ˈdiiyeennééllá, ˈjien Rooma úba ha ye gaa ˈdiyeenne, Máá Guđoká hí mú yie.

He Ekeny Gál Alb Fimiká 9:15

Aalé Máá Guđoká mú geey, kieye, Mú ˈdú sí, mu íín he faˈd chia yú galay-, meenychú gál kaansúoká, ubaa kidhlé, tá gál Yisirayel lulle mamalsuoká.

He Ekeny Gál Alb Fimiká 9:17

Aalé Ananías kie, Sáwul ˈdú sedhe. Mu ˈbíl Sáwul hí gaa ijeká hile, mú gil iifie, kieye, Nyárchia Sáwul, Máá Guđo Yíésu giri kúún ˈgierich gaa igiˈdeká ko yé ˈdu gáá ˈdieká yú ko ye ali ˈdu gáá kaay, giri kúún geđi biiy gaa aargiˈdo-, Hím Naasan Waaˈgiet ko higilloká, Ananías hí mú yie.

He Ekeny Gál Alb Fimiká 9:3

Aalé Sáwul warˈgasam shuunne, sedhe. Mu sienylé gaa igire-, ˈjien ˈDamaskas kí ˈjobondheká, toomareka edhum úr yé gáá ˈdie, hí ˈdinnam lulle gaa veere.

He Ekeny Gál Alb Fimiká 9:5

Aalé Sáwul kieye, Máá Guđóóllo, kuun mááya? yie. ˈDéé hót kieye, Yú he Yíésu giri kuun hí maanyjasichóóllá.

Róóma 1:1

Yú he Báulo, gédéch Yiesu Kiristo-, Waag hí ká viiyye-, hí máállé ali gaa kaanyká hosote-, Waag hí Fayamlé Midhaballá hol gaa sinle mé ki koyyeká.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 11:13

Yú it giri hí gál Yuuˈdi muuninyallá hí geđia. ˈDaa giri yú he máá Waag hí gál gál Yuuˈdi muuninyká ali ˈdu gáá kaayyeká, in yú hújích chiallá ˈduuwasia,

Korínto Erká 1:1

Yú he Báulo, máá Waag hát hí ki feˈdeká hí ká viiyye-, hí máá ali gaa kaany-, Yiesu Kiristoká hoycheká. Warˈgatééllá yú ubaa nyár kúnnaa Sóstenes,

Korínto Erká 10:29

Tawunykíchoka hí he kokonyoká taglé, tá máá hí hatallá geeyallá tawunyle ˈdaalle ˈdugaka, haí kônyo, yú hí yegedhe. Tá kálmaréél máádhat kieye, Máá eiy tawunyle háteka mé furit chia yú ˈgúól ˈdeđensete?

Korínto Erká 10:30

Har hé yú kokuoká ˈdaalle yú Waag gielmít hol ˈdú nannuoka, háteeye he kóonyle gaalí ye ˈdú ˈdeđente? hai yeedhe.

Korínto Erká 11:16

Tá har máádhat héél fálaam gaa iđimuoka, nyiin ubaa gál Kiristo Waaˈgiet alb eiy gaa ijoká ˈdéé hótéél ˈdaalleka, nyáá nyí nyátál éíy taaka ˈgayya-, nyí el gaa verenoká mán.

Korínto Erká 3:6

Máá áár fieká he yú, áár máá hí bie fafieká he Abóllos, tá áár máá hí ˈdisieká he Waag.

Korínto Erká 9:19

Har káána yú máádhat gédéchle muuninyka, yáá káána gálaat lulle gédéchle hol hoy, giri hát lulle lađaan-, gál burnayká Kirísto ˈdu gáá egewká.

Korínto ki Naamaká 10:7

Itín gálaat ˈdugo hí gáá dhaˈgasanna. Hurt kíchiallá gál hol gál Kiristo ka dhaˈgasanallá hí geđi tawuo, hí hééllá met ká ˈguo, hát gaal íín he gál Kiristóóllá nyiin úba nyí gál Kiristo.

Korínto ki Naamaká 11:5

Gál hol gál ˈdúwa-, alb fimiká hol ka hoyallá, tawunychúka, hé ye ma ˈdú ˈduwanany.

Korínto ki Naamaká 6:1

Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.

Galátia 1:1

Yú he Báulo, máá ali gaa kaany-, gálaat, muuninyka, máádhat hí ali ma gáá káany-, Yiesu Kirísto dhúrle ubaa ˈJaa kúnnaa Waag Yíésu uushich yé gáá ˈdeeyká hí ali gáá kaayká.

Galátia 5:1

Kirísto hé muun gáál mé fure, giri ke hemuumurít gim gaa láʼ-, hát Waag hí feˈdoká ke ki ijoká. Aaléka, tág ˈdée, gálaat hai geđ hí hemuumurít mé gimit níiny.

Dhesaloníke Erká 2:6

Héétí nyáá nyí itín ubaa gál éíy taaka meeny hí nyí memeychoká ke hí ma ˈdu gáá ˈgéˈgen.

Tímote Erká 2:7

Yú hé ˈdúwaká hogodho, yáá hódho ma hogon. ˈDeenyéél ˈdugaka in Waag ye máá ˈdiiyiminy-, ubaa máá ali gaa kaany-, tá máá gál gál Yuuˈdi muuninyká iiy yeen ubaa hé ˈdúwa-, Waaˈgietká fayamle oonisuoká hoyche.

Tímote ki Naamaká 1:11

He ˈdaa Fayam Midhaballáka in Waag ye ká eeyye, ye máállé ali gaa kaany-, gálaat fayamééllá ki ˈdiyeen-, ubaa ˈdeeny lééllá gálaat oonisuoká hoyche.