Korínto Erká 8:9 - Fayam Midhab Yiesu Kiristoká He Hol Af Iđiny Kaanaká

⁹ Aaléka, hol ˈdeeˈdemíe, mé furit kíchia itle hí he met lulle kokonyoká uˈdáállá hai gál kas hí ma hirânyallá ađaabano hilít mé ki kôny.

Korínto Erká 8:9 ပူးပေါင်းရင်းမြစ်များ

Matááyo 18:10

Onnóo, haí gál niginííllá mú tikiˈd eeshêny. Yú hí geeye, gál niginííllá gál ˈgasso-, urru-, hí ˈdeˈdeenká hé ˈJaa chia úr ijoká aadh lulle hol af ijo.

Róóma 15:1

Múúni giri ke Fayam Midhab Kiristóóllá ki hirayallá, kí gál Kiristo hátle ma hirânyallá tawunylé đalimmóóllá ˈdaalle ˈdugaka kí yiir gaa chiichirat, ha ke tákámkúnno hol ger gaa memesîny.

Korínto Erká 10:24

Máádhat hai hé hí ki midhabká table tákámle mé ka ˈgíiny, hí hé gálaat ki midhabká table úba mé ká ˈguo.

Korínto Erká 10:28

Tá máádhat hí geey-, kieye, Sóóllá waagam hódhoká gaalí suor ki hoy, hí yieka, máá hí geey kinaal tawunylééllá ˈdaalle ˈdugaka, haí só kinaallá kôny.

Korínto Erká 10:29

Tawunykíchoka hí he kokonyoká taglé, tá máá hí hatallá geeyallá tawunyle ˈdaalle ˈdugaka, haí kônyo, yú hí yegedhe. Tá kálmaréél máádhat kieye, Máá eiy tawunyle háteka mé furit chia yú ˈgúól ˈdeđensete?

Korínto Erká 10:32

Hé hí ekemeychóóllá hai hé gál Yuuˈdi yíekaʼ, gál Hellen yíekaʼ, héétí gál Kiristo yíekaʼ ídho gaa verennoká onnôny.

Korínto Erká 8:10

Kálmaréél máá yaalmit hatallo-, kas hí ma hirânyká kó ˈdaalím ˈgayyóóllá ény gaalí waagam hódhoká gaa vivisatká he gaa kokonyo-, muí ko gaa argeka, kó mú waagam hódho-, hatallóóllá suoryamle kóonyle mé ma ki kôny?

Korínto Erká 8:12

Tá itín hí nyaaram kíchia Kiristo-, kas hí ma hirânyallá he ki ˈdeeneyche-, hé gaal íínka ˈdeewká ekenyle hí gáál mé ki koyye-, gáál ger hí gaa ˈdeenedheka, af kinaalka Kirísto tuuˈdlé hí he ki ˈdeeneyche.

Korínto Erká 9:22

Héétí, af giri yú gál ma hirânyká hurt gaa ijoká, yú gál ma hirâny kinaallá hé hí ki midhabká ki ekemeye, giri gáál Kirísto ˈdú gáá egewká. Yú hát lullé ki ija, ubaa ˈdeˈdeme, giri gaal rubach aargiroká.

Korínto ki Naamaká 11:21

Hééllá hát kern ˈginká yú ká hogodho, nyiin tág nyáá nyí hé kinaallá ekenyle gaa đalit. Yú hátle kír máá đeechká ˈdéé ká hogodho, hé mákárta-, máádhat hí hol ki memeyoká yú úba hí hol ki meeye.

Korínto ki Naamaká 11:29

Mááya đalit, yú íín hí gaa đalit muuniny? Mááya ađááb hileka, yú geer ye ma gaa kakariny?

Korínto ki Naamaká 6:3

Nyiin hújích Waaˈgietallá nyáá nyí ˈgíérích gálaat Waag gaa faaganoyoká ma ki nanniny. Hújích Waaˈgietallá gálaat hí egesheyoká nyáá nyí ma fediny.

Galátia 5:13

Nyaaramchú, itín mé furinyo Waag hí kí viiyye. Tá mé furitkícho haí kár giri hí balt gón kíchia gaa nyakaridheká ki geymisichoká hôny, hí mé furit gálle hol giel-, hol he ˈdú chichiratká onnoyyo.

Kolosááya 2:8

Hol ˈdeeˈdemíe, máádhat haí ˈdeem gáál nee gaa méʼ, kor he mán-, húgúm lesalloká ubaa tawuny gálaat yé gáá ˈdeˈdeen-, ˈdaa Kiristo ma ki taalinyká hí ki úúniny.

Bétiro Erká 2:16

Hát gál Waag hí mé fuˈdeká ka yíéđía, tá mé furit kíchia kinaallá hai mé furit hé ˈdeđewká met yuyuyyoká onnôny, gede Waaˈgiet ka yíéđía.

Bétiro ki Naamaká 2:19

Gaal gáál geđuoká kieye, Yaalmisano kínyaallá mé ha hí fuuˈda, he yegedhe. Tá ˈdaa giri máádhat héllé hol gon oonisieká gédéchle yegetká, in gaal íín dhúrle yaalmisanollé gaa nyakaridhééllá gedelle yie.

Kí Edhesiny 2:14

Tá yú yáá ˈdéé um naama-, hí ˈdú ˈdeenteká ˈguo. Itín hurtkícho hé gál gálaat he onisiny Balam oonisuoká hí gaa ijo. Bálam Bálak yaalmit gál Yisirayel ađaabano mé ki kokuoká onisie. Ađaabano kinaallá he suoryam gaalí waaˈgam hódhoká ki ˈgaˈgaleká kóonylé ubaa herginy gál hol ma shúúnanká hí hol ka ˈgieká.