Korínto Erká 8:4 - Fayam Midhab Yiesu Kiristoká He Hol Af Iđiny Kaanaká

⁴ Aaléka, aany gaalí waagam hódhoká suoryam ki ˈgaˈgaloká sogimle kóonyle hátle yú hí ká geeye. Muun waagam hódho-, gál lesalloká hí vivisatká hát hé káta mánká hé ki óg. Biiy hé waagam éíy taaka hí gaa ijoká mán, Waag biiy gaa iđoká he tikiˈd tákáma.

Korínto Erká 8:4 ပူးပေါင်းရင်းမြစ်များ

Márko 12:29

Aalé Yíésu mú ˈdéé hol ˈdú nie, kieye, Hemurit súm hí met iđoká hééllá: Gál Yisirayel, nee kóo, Máá Guđo Waag kúnnaaká tákámlé ká Guđo.

He Ekeny Gál Alb Fimiká 14:15

kieye, Gál yaab, háteka hí héél ekemeychéel? Nyíín úba nyí gálaat, hát itíni! Nyíín Fayam Midhabká ke hí ˈdú gáá sidhe, giri ke hí geđuo-, hí hé ˈdúúw mánnallá haađicha-, Waag giri úr, les, bás, tá héllé hí gaa ijoká tág niiyyeká hí bala ˈdu gáá nanniyyaká.

He Ekeny Gál Alb Fimiká 15:20

Ínalleka kí gáál warˈgát ˈdú veero, gaal ˈguom suorle gaalí waagam hodhoká ki ˈgaˈgaloká ubaa so aanyle gaalí himano ki yegeská hí gaa faganat, gaal úba hai fasam igíminy, héétí ubaa gaal hí herginy gálle hol ma shúúnanká hol ká riat.

He Ekeny Gál Alb Fimiká 19:26

Aalé káána it argiyye, ubaa it maalle, hát máá Báulo léél gál ilishká ˈjien Efesóól ubaa lés Asia hátlé taalal lulle gálaat gaa chure-, gálaat bađisíéllá. Mu hé gálaat geđuoká kieye, Waagam gálaat hí gil tagano ki níéllá hé waagam muuninyo, he yegedhe.

Korínto Erká 8:1

Aalé, yú aany gaalí waagam hódhoká suoryam ki hođuoká sogimle kóonyle yaalmitlé hí ye ka heeseteká yú hí hol ˈdú gáá naa. Muun lulkúnno hát ke hééllá ˈdaalimle ˈguoká hé ki óg. ˈDaalim máádhat hí ˈguoká íín hol meenyo mú yé ˈdú ˈdeđicha, tá gielmít íín máádhato he ˈdiˈdita.

Korínto Erká 8:10

Kálmaréél máá yaalmit hatallo-, kas hí ma hirânyká kó ˈdaalím ˈgayyóóllá ény gaalí waagam hódhoká gaa vivisatká he gaa kokonyo-, muí ko gaa argeka, kó mú waagam hódho-, hatallóóllá suoryamle kóonyle mé ma ki kôny?

Korínto Erká 8:11

Yaalmitééllá in nyár kua kas hí ma hirâny-, Kirísto hí ˈdú kufeká, ˈdaalim kua kinaal hí baađisicha.

Galátia 4:8

Itín af giri hí Waag moonnoyyeká hé gálaat hí waagam yegetká hí gedelle onnoyye.

Eféso 4:6

Waag íín tikiˈde, ííni he lulle ˈJaallé, ííni he lulle mé, ííni he lulle hí ki ija, tá ííni lulkúnno gáál gaa iđa.

Tímote Erká 1:17

Aaléka, Kánsích taalle bííyyo ali ijo-, ki il ma ki argiriny-, íín tákámle Waagallá, taalle bííyyo gaalí meemeyo, gaalí ˈdúúw shiiguo. Iiy-hí, he hí hát kinaallá yeet.

Tímote Erká 2:5

Waag íín tikiˈde, tá Máá gariet-, gálaat ubaa Waag hol higilsuoká úba tikiˈde, hé kinaallá he máá Yiesu Kirísto lé-,

Yúúa 1:25

Waag tikiˈde-, tákámle Rúbách kúnnaallá, ˈdaa Máá kúnnaa Guđo Yiesu Kirísto léélláka, bár giri hátle les ma ka kúóninyká, ubaa bárallá, tá bííyyó biiyo, ˈdúúw, kansím, fargogínt, tá hemuumurít lulle hí hélle yeet. Iiy-hí, he hí hát kinaallá yeet.