Korínto Erká 8:10 - Fayam Midhab Yiesu Kiristoká He Hol Af Iđiny Kaanaká

¹⁰ Kálmaréél máá yaalmit hatallo-, kas hí ma hirânyká kó ˈdaalím ˈgayyóóllá ény gaalí waagam hódhoká gaa vivisatká he gaa kokonyo-, muí ko gaa argeka, kó mú waagam hódho-, hatallóóllá suoryamle kóonyle mé ma ki kôny?

Korínto Erká 8:10 ပူးပေါင်းရင်းမြစ်များ

He Ekeny Gál Alb Fimiká 15:20

Ínalleka kí gáál warˈgát ˈdú veero, gaal ˈguom suorle gaalí waagam hodhoká ki ˈgaˈgaloká ubaa so aanyle gaalí himano ki yegeská hí gaa faganat, gaal úba hai fasam igíminy, héétí ubaa gaal hí herginy gálle hol ma shúúnanká hol ká riat.

Róóma 14:14

Hééllá ˈdaa Yiesu Kiristoka yáá ki naan mán: Biiy hé ˈguom níínní hí gaa iđo-, Waag hí gáál ka ririatká mán. Tá máádhat har tawunyleka ˈguom mákártaká ke koeyka ađáábo gáál mé ki kokoyyo yeget-, tá íín har ˈguom kinaal koeyka, af kinaalka ađáábo he hile.

Róóma 14:23

Tá máá so kóony ki nannaat-, kor so kinaal kuoká, hé ˈdeewká he ekey, ˈdaa giri he geer totom gaa ˈgiˈgiteká. Hé lullé mákárta-, tawunykúka tagle muuninyká ekeycheka, af kinaalka ađáábo hille.

Korínto Erká 10:32

Hé hí ekemeychóóllá hai hé gál Yuuˈdi yíekaʼ, gál Hellen yíekaʼ, héétí gál Kiristo yíekaʼ ídho gaa verennoká onnôny.

Korínto Erká 8:4

Aaléka, aany gaalí waagam hódhoká suoryam ki ˈgaˈgaloká sogimle kóonyle hátle yú hí ká geeye. Muun waagam hódho-, gál lesalloká hí vivisatká hát hé káta mánká hé ki óg. Biiy hé waagam éíy taaka hí gaa ijoká mán, Waag biiy gaa iđoká he tikiˈd tákáma.

Korínto Erká 8:7

Tá ˈdéé hót ˈdúwáállá hé gálaat lulle hí muog. Gáál ˈdáá tikiˈd ˈdaa giri hé gaalí waagam yegetallá in eiy kí ˈdeeyká, káána úba aany gaalí waagam kinaal suoryam ki hoyká sogimle koeyka, in gaal hátle sogim kinaal sogim waagam kinaal hí léká ká dhaˈgama. ˈDaa giri gáál kas hí ma hirânyká, in gaal sogim kinaal koeyka, kerka sogim kinaal hí ađááb mé ki kokoo.

Korínto Erká 8:9

Aaléka, hol ˈdeeˈdemíe, mé furit kíchia itle hí he met lulle kokonyoká uˈdáállá hai gál kas hí ma hirânyallá ađaabano hilít mé ki kôny.