Korínto Erká 8:1 - Fayam Midhab Yiesu Kiristoká He Hol Af Iđiny Kaanaká

¹ Aalé, yú aany gaalí waagam hódhoká suoryam ki hođuoká sogimle kóonyle yaalmitlé hí ye ka heeseteká yú hí hol ˈdú gáá naa. Muun lulkúnno hát ke hééllá ˈdaalimle ˈguoká hé ki óg. ˈDaalim máádhat hí ˈguoká íín hol meenyo mú yé ˈdú ˈdeđicha, tá gielmít íín máádhato he ˈdiˈdita.

Korínto Erká 8:1 ပူးပေါင်းရင်းမြစ်များ

He Ekeny Gál Alb Fimiká 15:10

Aalé káána háteka hí Waag ki ekemesete-, hí gál láli kidhdho-, Yíésu iiy yieká ilsh eshim eshimkúnno ubaa muun gáál ka adhdheká hí ˈdú iđimicháal?

He Ekeny Gál Alb Fimiká 15:29

Aaléka, ˈguom suorle gaalí waagam hodhoká ki ˈgaˈgaloká ubaa so aanyle gaalí hím ki yegeská gaa fagandhíe, fasam haí igíminy, héétí herginy gálle hol ma shúúnanká hol ka ridhdhíe. Hééllá lullééllá hí hol ká riateka, af kinaalka hé midhabká hí ekeyche.

He Ekeny Gál Alb Fimiká 21:25

Gál kidhdho-, Yíésu iiy yieká ˈdaalleka, warˈgat hélle nyí muˈdeká íín nyáá nyí gáál ˈdú veeˈde, giri gaal ˈguom suorle gaalí waagam hodhoká ki ˈgaˈgaloká ubaa so aanyle gaalí himano ki yegeská gáá faaganat-, fasam ma igiminy-, tá herginy gálle hol ma shúúnanká hol ká ririatká, nyí chie, gaalí Báulo yie.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 12:16

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Róóma 14:10

Aaléka, kúún háteka nyaaram kua Kiristóól ˈdeđenseto-, muuninyka, egesheychóol? Onnóo, múún lulkúnno bar tikiˈd Waag met ha ke ki ˈdeeme, Waag ˈdéé hai gáál ki iđimicha.

Róóma 14:14

Hééllá ˈdaa Yiesu Kiristoka yáá ki naan mán: Biiy hé ˈguom níínní hí gaa iđo-, Waag hí gáál ka ririatká mán. Tá máádhat har tawunyleka ˈguom mákártaká ke koeyka ađáábo gáál mé ki kokoyyo yeget-, tá íín har ˈguom kinaal koeyka, af kinaalka ađáábo he hile.

Róóma 14:19

Aaléka, hé naanná yé ká ˈdeđuoká ubaa hé ke hol ki gogofsuoká kí ˈdú laađaan.

Róóma 14:22

Yaalmisanóóllá héllé iiy chie-, midhab-, geer ki sisitoká kúún ubaa Waag hol ki onnóo. Máá héllé geer ki sisidhoká hát midhabká óg-, hol ma ˈdú ˈdeđensenká, ebá Waag hí ˈdú ˈjiiy!

Róóma 14:3

Máá he met lulle kokuoká hai máá he met lulle ma kokonyká egeshêny. Héétí máá he met lulle ma kokonyká hai máá he met lulle kokuoká ˈdeđénsen, ˈdaa giri máá kinaallá Waag hí ká ˈjobonsoteká.

Róóma 15:14

Nyaaramchú, itín hát hí súm ger gaa ˈdabaan-, ˈdaalim hí hol af ki tatiyyaká lulle hí ˈgayyaká, yáá tág óg.

Korínto Erká 1:5

ˈDaa giri hí Yiesu Kirísto hol ˈdú faannééllá, in Waag hí he met lulle ˈdú ookodmiche, hát káána ˈdéé hót midhabká ubaa ˈdaalím lullé.

Korínto Erká 10:15

Yú hát gál ˈdaallellé-, he hol eiy gaa nannasatká hí ká geđia, ˈdeeny chia yú hogodhóóllá hát tagléká eiy naatíe.

Korínto Erká 10:28

Tá máádhat hí geey-, kieye, Sóóllá waagam hódhoká gaalí suor ki hoy, hí yieka, máá hí geey kinaal tawunylééllá ˈdaalle ˈdugaka, haí só kinaallá kôny.

Korínto Erká 14:20

Nyaaramchú, kaskícho hai kas um niginiká onnôny. Hát um nigini-, hé ˈdeđewká muogká yeedhíe, tá kaskícho hí kas gál hirayká cheet.

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Korínto Erká 4:10

ˈDaa giri nyiin nyí Kirísto hújíchle nanniyyáállá, innum gálaatka nyiin nyí gál đéeská. Itín íín kerka hí gál Kiristo ˈdaallelléká! Nyíín kerka nyí gál đááliská, tá itín kerka hí gál farguogoká. Itín kerka gál gaalí memeyoká, tá nyíín he gál gaalí egesheyoká.

Korínto Erká 4:18

Ál kíchia kinaallá gáál ˈdáá tikiˈd hé tág balo buokosuo, amú kieye, mu hé ma ká yiimenno he yegedhe.

Korínto Erká 4:6

Nyaaramchú, ˈdaakícho ˈdugaka, hééllá lulle ˈdaachú ubaa ˈdaa Abollosso yú ki hodhe, giri hí hé Warˈgat Waaˈgiet gaa ijoká af yé ma ˈdeeminyká. Haí mú tikiˈd hol bal ki ˈdaráminy, máátí hí egeshêny.

Korínto Erká 5:2

Tá itín háteeye hí balo buokosicha? Hé kinaal afleka, it ger hí ma gaa ˈdeđenen? Máá hé kinaal ekemeyoká onnônyka hurtkícho haí gaa aruanna.

Korínto Erká 5:6

Hát hí hol memeychóóllá hé tagle muuniny! Ađaab maa kinaallóóllá hát maat ninni-, ˈdúlo lulle buufaychoká ká taalká, it múog?

Korínto Erká 8:2

Máá hol bal ˈdaraan-, kerka ˈdaalím ˈguoká, máá kinaallá hátle hé ˈdaalím mán.

Korínto Erká 8:4

Aaléka, aany gaalí waagam hódhoká suoryam ki ˈgaˈgaloká sogimle kóonyle hátle yú hí ká geeye. Muun waagam hódho-, gál lesalloká hí vivisatká hát hé káta mánká hé ki óg. Biiy hé waagam éíy taaka hí gaa ijoká mán, Waag biiy gaa iđoká he tikiˈd tákáma.

Korínto Erká 8:7

Tá ˈdéé hót ˈdúwáállá hé gálaat lulle hí muog. Gáál ˈdáá tikiˈd ˈdaa giri hé gaalí waagam yegetallá in eiy kí ˈdeeyká, káána úba aany gaalí waagam kinaal suoryam ki hoyká sogimle koeyka, in gaal hátle sogim kinaal sogim waagam kinaal hí léká ká dhaˈgama. ˈDaa giri gáál kas hí ma hirânyká, in gaal sogim kinaal koeyka, kerka sogim kinaal hí ađááb mé ki kokoo.

Eféso 4:16

Hát káána gon kuuˈdamle hol af gaa ˈgíéllá, Kirísto gálle úba hát kinaallá he hoy. Gál gón Kiristo hol gielmít ká ˈguo-, hujichaamlé Kirísto hí met ki kuokoyká nannuoka, in gón Kiristo higirayya, fargoogoyyo.

Kolosááya 2:18

Gál hol gál ˈdúúw ririanká hol hođuo-, gál ˈgasso-, urruká vivisat-, hé amádh gaa argoká memeyo-, ˈdeemle mé ˈdeerneyóóllá, hol ˈdeeˈdemíe. Mé furit hí ˈdaa Kiristo ki argiyyééllá ha gál hatallóóllá hí ka rían. Gál hatallóóllá hé hí kasle yé gáá ˈdeˈdeenká, hállééllá in he hol bal ki ˈdarama.

Kí Edhesiny 2:14

Tá yú yáá ˈdéé um naama-, hí ˈdú ˈdeenteká ˈguo. Itín hurtkícho hé gál gálaat he onisiny Balam oonisuoká hí gaa ijo. Bálam Bálak yaalmit gál Yisirayel ađaabano mé ki kokuoká onisie. Ađaabano kinaallá he suoryam gaalí waaˈgam hódhoká ki ˈgaˈgaleká kóonylé ubaa herginy gál hol ma shúúnanká hí hol ka ˈgieká.

Kí Edhesiny 2:20

Tá hé yú hí ˈdú ˈdeenteká hééllá: It min Yésebellé-, hol máá Waag hí ˈdeem ká shigichoká hol ka hoychééllá kar shiiche, min he onisiny hódhoká gedechú onisiche, giri gaal herginy gálle hol ma shúúnanká gaa seseen-, gaal suoryam gaalí waaˈgam hódhoká ki ˈgaˈgaloká kokuoká.