Korínto Erká 7:34 - Fayam Midhab Yiesu Kiristoká He Hol Af Iđiny Kaanaká

³⁴ in mú he hí mé eiy ki sedhe. Héétí min béél mánká ubaa máá harte tawunyle Máá kúnnaa Guđoká gaa iđimuoká hé uro, giri gaal íín rúbáchle Waag ˈdú haađuoká. Tá min béél ˈgayyoká tawunyle hé lesalloká he gaa iđimicha, yaalmit bélle geer gaa memesichoká he mé ki sisita.

Korínto Erká 7:34 ပူးပေါင်းရင်းမြစ်များ

Yuána 10:13

Máá kinaallá wála in kar ka ˈdaraanallá, he ˈdaa giri mú gaalí he ki gugusso-, wala hí geer ma gaa ˈdeenenyká.

Róóma 6:13

Héétí haí gónkícho hé gaa nyakarichká ˈdú hâny, hí hé ˈdeđewká ekêny. ˈDaa giri yaalmit kíchia kissoká kuyye-, Waag hí luolmit kaanaká shiichééllá hol Waag ˈdú hayyíe, gónkícho hí hé ˈdúwa-, Waag ˈdúúw shiguoká yeet.

Korínto Erká 6:20

ˈdaa giri Waag hí hím guđoká les gaa fiiyyeká. Aaléka, gónkícho Waag ki ˈduwayyíe.

Korínto Erká 7:33

Tá máá eedheká tawunyle hé lesalloká he gaa iđimia, yaalmit minle geer gaa memesichoká he mé ki sisidha,

Korínto Erká 7:35

Hééllá yú hogodhóóllá yáá hí ˈgas massam ma fafiny, yú hé hí ki midhabká hí geđia, giri tawunykícho hí mé eiy ma ki seeminy-, hí Máá kúnnaa Guđoká hát ˈdabaanká hol ˈdú silmichoká.

Korínto ki Naamaká 11:28

Tá hééllá lulle úba kí hayo, gál Kiristo geerle hé aadh lulle úba ye gaa ˈdeew.

Korínto ki Naamaká 8:16

ˈDaa giri Waag góf tikiˈde ke hí ka ˈgúóllá úba Títo geer gaa kaayyeká, nyáá nyí tág Waag gielmít hol ˈdú niiyye.

Filíbi 1:20

Hé yú súm fedo-, yú gófle ˈguoká, he giri hé yú ˈdú seseenká chiralle yú ˈguo-, kern ye ma ˈgiˈgin-, har káána yú kuf yíekaʼ, má kufiny yíekaʼ, yaalmit chia yú lésallá ki ijóóllá taalle Kirísto hí ˈdúúw gaa aargiroká.

Dhesaloníke Erká 5:23

Waag naannaká dhúrle hí gál iđiny ˈdúwa-, Waaˈgietká ki ijoká hoycho, hí tawunykícho ubaa sidhamkícho tá gónkícho hát ˈdabaanká chirat, giri Máá kúnnaa Guđo Yiesu Kirísto ká ˈjieka hí ˈdeensen mánká.

Tímote Erká 3:5

Máádhat har ˈbíl geerle tág chiranle hí ká adhateka, mu háteeye gál ˈbíl geer Waaˈgiet ˈdeˈdeme?

Tímote Erká 5:5

Min hiyesidhe-, gál hí wawayo-, mán-, ˈdúwaká Waago he bala ˈdú niiyye, kulich ubaa chúúrélle Waago gil ki egefiyya, vivisata.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.