Korínto Erká 7:25 - Fayam Midhab Yiesu Kiristoká He Hol Af Iđiny Kaanaká

²⁵ Aaléka, gál ma shúúnanká ˈdéé hótlé yú hí hol ˈdú gáá nannuoká hééllá: Yáá hemurit Máá kúnnaa Guđoká hí ye ká shie-, tá hí kí geđuoká mán. Yáá Máá kúnnaa Guđoká ye geer guurálle argisie-, it ˈduuwchú ógallá yú kas chia hí kí geđia.

Korínto Erká 7:25 ပူးပေါင်းရင်းမြစ်များ

Korínto Erká 15:10

Tá Waag ˈdúˈjímle ˈdaalleka in yú hát ijóóllá yie. ˈDúˈjím Waag hí ye ká shiichééllá hé hé guđo-, midhabká ekenyle ye yé ˈdú ˈdeeyche, yáá gál alb fimíítí hujich súm ˈdú nie. Tá hújích yú níéllá hé ˈdaa fargogintchú yú ma ki níiny, he ˈdaa ˈdúˈjím Waag hí ye shiichééllá fargogintlé yú Waag hujich ki nie.

Korínto Erká 4:2

Aalé gál máádhat hí hujich mé ki reeyká, máállé guđoká hé hí gaa fedoká he giri hújích muí mé ki reeyká hát ˈdabaanká nannuoká.

Korínto Erká 7:10

Aalé gál hol shuunneká he ki muritle yáá ˈguo. Hemuritééllá hé hemuritchú muuniny, he hemurit Máá kúnnaa Guđoká. Hemurít kieye, min hai bélle gaa gáliny.

Korínto Erká 7:12

Aalé itíníítí, hé yú hí ka geđúóllá kas chia yé gáá ˈdie, hé Máá kúnnaa Guđoká hí ma ka hôn. Gál kúnnaa nyaaramallá mú tikiˈd minlé eedhdheká min Kirísto iiy ma chéenká kátaka, kor min mú hol ki viinatoká feˈdoka, mu hai min đíin.

Korínto Erká 7:28

Tá har eeteka, kó hé ˈdeeneycheká mán. Héétí ini har eeteka, hé hé ˈdeeneycheká mán. Gál hol shuunneká lésallá hé burnayká il haí aargiˈda. Hé kinaallá yú hí ká ririatká yú fede.

Korínto Erká 7:34

in mú he hí mé eiy ki sedhe. Héétí min béél mánká ubaa máá harte tawunyle Máá kúnnaa Guđoká gaa iđimuoká hé uro, giri gaal íín rúbáchle Waag ˈdú haađuoká. Tá min béél ˈgayyoká tawunyle hé lesalloká he gaa iđimicha, yaalmit bélle geer gaa memesichoká he mé ki sisita.

Korínto Erká 7:40

Tá yáá úba hát máá Hím Naasan Waaˈgiet hí gaa iđoká hol ka dhaˈgasanallá, ˈdaachúka, min hatallóóllá ma een-, iđinylé kinaallá ki iđoka, geer haí gaa meedhe.

Korínto Erká 7:6

Hééllá yú hogodhóóllá yáá hí he mé ma ki tatiny, afo yú hí ká tataa.

Korínto ki Naamaká 11:17

Hol meeny chiallá hé hát Máá kúnnaa Guđoká hí ˈdéé ka hogodhoká muuniny, he yaa hát máá đeechká ˈdéé ká hogodho.

Korínto ki Naamaká 2:17

Nyiin nyáá nyí hát gál burnay-, hát tagléká ˈdeeny Waaˈgiet ma ˈdiyiminy-, gálaat birm hát điđamoká gaa shugunatká muuniny. Nyiin nyí gede Kiristo-, giri Waag hí alb fafiyyo-, Waag innumleka hát ˈduwantiká gálaat ˈdeeny Waag gáá yimieká ki ˈdiyeenká.