Korínto Erká 6:9 - Fayam Midhab Yiesu Kiristoká He Hol Af Iđiny Kaanaká

⁹ Tá gál hé ˈdúwaká ma gaa seseminyká hát Guch Waaˈgiet ma higilinyká it múog? Aaléka, ha máádhat hí nyimísan, gál herginy buraaká gaa seseenká, gál waagam hódhoká vivisatká, gál hol ˈdú hergisanká, héétí herginy gál hol ki yaabká hí hol hergisanká gálle hé Guch Waaˈgiet ma higiliny.

Korínto Erká 6:9 ပူးပေါင်းရင်းမြစ်များ

Matááyo 19:29

Ameeny máá ˈdaa meenychúka ényle yíekaʼ, nyaaramle yíekaʼ, ˈjaalle yíekaʼ, ˈjielle yíekaʼ, umle yíekaʼ, tá léslé fafuoká yíekaʼ hayoká, héllé hay kinaallá hé éíy taaka hat kinaallo-, hí af ˈdú gíri-, kúˈd nyuoroká hai aargira. Héétí mu luolmit biiyoká hai aargira ubaa hai gaa yíéđima.

Matááyo 25:34

Aalé mu ííni Kansich kinaallá wala hí gíl ˈdaa naaniet ijoká hai geđia, kieye, It ˈJaachú hí ˈdú ˈguunumééllá ka yimedhíe, guch af giri ˈJaachú les ka kuoneká muí itín tág kí koyallá ka hiláa.

Lúka 21:8

Yíésu kieye, Hol ˈdeeˈdemíe, ha gaalí nyimísan. Gál burnayká meenychú hai kí yiimedhe, gálaat hai geđia, kieye, Yú he Kirísto, hai yeedhe. Héétí muuninyka, Ram hé hol kí beeyye, hai yeedhe. Tá itín haí gáál el gaa véériny.

He Ekeny Gál Alb Fimiká 20:32

Yáá hí Waag gíl geerle fie, hí Waag ˈdeenylé gielmitiká ˈdú hay, giri ˈdee hí iiy yeenkícho higirasuo-, ubaa gál Waag hí gálle hosote-, muí taak koyká lulle hí mú áˈjánle hol ˈgar aargiˈdaká.

He Ekeny Gál Alb Fimiká 24:25

Aalé Báulo gálaat hát ˈduwantiká ki ijoká ubaa gálaat hé ˈdeđewká hol gáá momoyoká, tá kúlích ká chiimeto gálaat Waag hí ˈdéé ki iđimichoká yaalmitle gáál geđieká, Felíki đo neey, Báulo geey, kieye, Aalé káánaka sí, af mákártaká ha yú ko ká veeme, mú yie.

Róóma 1:18

Waag hé gálaat geeyche, giri idholle úr gáá haađicho-, gál Waag kian ka mán-, héllé gaa nyakarich-, gaa seseen-, hé ˈdúwaká mé ki yuyuoká lulle ˈdú iđimichoká.

Korínto Erká 15:33

Aaléka, ha gaalí bađisîny. Sheel ˈdeđewká húgúm midhabká hai ˈdeđeneyche.

Korínto Erká 15:50

Nyaaramchú, hé yú hogodhoká hééllá: Gón kúnnaa ke ˈgúóllá hé Guch Waaˈgiet ma higiliny, héétí hé kufunan-, mooˈdowká hé ál luolmit biiyóótíá úba ma lileny.

Korínto Erká 3:16

Itín hí hát ˈbíl Waaˈgiet-, Waag Hím Naasanle hí gaa iđoká it múog?

Korínto Erká 5:1

Aaléka, fayam yú maamaleká kieye, hurtkícho hé gál herginy súm ˈdeew-, gál Waag muogká úba hí ma ekemenyká ekemeyoká hé hí gaa ijo. Yú maaleká, mú tikiˈd min ˈjaalle ˈgaa.

Korínto Erká 5:10

Tá yáá kieye, gál lesallo-, herginy ađááb ˈgayyoká gaa seseenká ubaa gál he lulle hol ki feefedoká, gál buruanká, héétí gál waagam hódhoká vivisatká hol geđîny, ma yegen. Har itín hí gál hatallóóllá hol ma geđinyka, hí lésallá geerle lúl yé gaa ˈdiiyyeka kalat.

Korínto Erká 5:11

Hé yú hatallá ki yieká, he kieye, haí máá hol máá Kiristo yeget-, kor herginy ađááb ˈgayyoká gaa seseme yíekaʼ, he lúl hol ki fede yíekaʼ, waagam hódhoká vivita yíekaʼ, gálaat egesheye yíekaʼ, bersh hí fafaanne yíekaʼ, buruma yíekaʼ, gál hatallóóllá haí hol ˈdônyo, yú yegedhe. Máá hatallóóllá haí úba hol ˈgar golmóson.

Korínto Erká 6:10

Héétí gál buraalléká, gál he lulle hol ki feefedoká, gál bersham hí fafaanká, ubaa gál gálaat meet ˈdeđeneyoká, tá gál gálaat he fargogínt af ki ririatká, gál hatallóóllá úba hé Guch Waaˈgiet ma higiliny.

Korínto Erká 6:18

Herginy ađááb ˈgayyoká met kar gaa ˈdaaramíe. Ađaabano éíy taaka máádhat hí ekemeyoká hé mú gónle ađááb mé ma ki kokony, tá máá herginy ađááb ˈgayyoká hiloká, máá kinaallá gónlé he ađááb mé ki koy.

Korínto Erká 6:19

Tá gónkícho hát Hím Naasan Waaˈgiet Waag hí shiiche-, hí gaa iđóóllá ˈbílléká it múog? Itín it hol ma lileny, Waago hí le,

Korínto Erká 9:24

Af giri gálaat hol ˈdam ki ekemesetká, gál burnayká hát hol ki kirmisat-, tá mú tikiˈd tákámle gáál lulle in ká ˈdeen-, gaalí hé shiicho shiguoká it múog? Aaléka, hát ˈdabaanká kiritíe, giri hí hé shiicho aargiˈdoká.

Korínto ki Naamaká 12:21

Geer chia ye gaa ˈdeewká he giri geđi yú ká yimieka, kálmaréél ˈdaakíchoka Waag kern ha ye ˈgiidhicha, geer súm đo hai ye gaa ˈdeenedhe, ˈdaa giri it burnayyeká hí ađaabano kíchia kissoká hí ma hâny-, hí Waag makan ma fáminyká. It hé kíchia gaa nyakarichká, ubaa herginy hol buraaká, tá hé kern mantiká hátle ma hâny.

Galátia 6:7

Máádhat hai hol nyimísan, Waag egeshêny, Waag hé máá níínní hí af kar gaa ˈdaraanká mán. Máádhat héllé fafuoká in aargira.

Kolosááya 3:5

Aaléka, húgúm lesalloká, hát káána herginy gálle hol ma shúúnanká, féén ˈgany, babát ˈgany, he fedit gaa nyakaridheká, tá gajálti, hol ka ridhdhíe. Máá gajált ˈguoká hé fedo kinaallá he waagle hođita.

Héberew 12:14

Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Héberew 12:16

Máádhat hai hol buraa gaa seséminy. Héétí hai máá hát Ésawka Waag el ma gaa igirinyká onnôny. Ésáwallá he máá guchlé inyi erká haam kóony hí tikiˈdeká hidhdheká.

Héberew 13:4

Gálaat lulle hí hol shuunan ˈduuwle onnow, gál hol shuunneká hai hol ˈdú burúminy. Gál herginy ađááb ˈgayyoká gaa seseenká ubaa gál hol buruanká Waag ˈdéé haí ki iđimicha.

Yákob 1:16

Nyaaram chia yú gielallo, haí hol nyimísan.

Yuána Erká 3:7

Umééllo, ha máádhat hí bađisîny. Hát Kirísto íín ˈdúwáállá, máá hé ˈdúwaká ekemeyoká úba hé ˈdúwa.

Kí Edhesiny 21:8

Tá ameeny gál manyjasiny kiadhe-, Waag gíl sug ki hayká, gál Waag iiy ma yéenká, gál gaa nyakarichká, gál gálaat yegeská, gál herginy gálle hol ma shúúnanká gaa seseenká, gál gilka he ním ˈguoká, gál waagam hódhoká memeyoká, tá gál hođomléká lulle állé Waag hí ki lalaannoká he bás ˈjiete-, waar ˈjiet hí gaa boloonká hí gaa ijoká. Hé kinaallá he kúfách ki naamaká.

Kí Edhesiny 22:15

Tá gál gaa nyakarichká íín hé ˈjien kinaallá ma higiliny. Gál kinaallá he gál gilka he ním ˈguoká ubaa gál herginy gálle hol ma shúúnanká gaa seseenká, tá gál gálaat yegeská, héétí gál waagam hódhoká vivisatká ubaa ameeny gál ˈdeem hođomká giel-, gaa seseenká.