Korínto Erká 6:5 - Fayam Midhab Yiesu Kiristoká He Hol Af Iđiny Kaanaká

⁵ Yú hééllá hodhééllá itín gon it hawul hí eete. Itín úba it máá tikiˈde-, ˈdaallé-, hurtkícho gaa ijo-, gállé nyaaram-, hol ˈdeem af ma ki mamalinyká ˈdéé eiy ki nannuoká mân?

Korínto Erká 6:5 ပူးပေါင်းရင်းမြစ်များ

He Ekeny Gál Alb Fimiká 1:15

Af kinaal Bétiro les gaa kie, gál giri nyaaram-, Yíésu iiy yieká hurt ki ˈdie. Gál kinaallá amú kúˈd tikiˈde tómón eiy naama giri hol ˈdú gáá yimieká.

He Ekeny Gál Alb Fimiká 9:13

Aalé Ananías mú ˈdéé hol ˈdú nie, kieye, Máá Guđo, gál burnayká máá kinaallá hé ˈdeđew-, muí gál kua Yerúsalem gaa ijoká ki eekemeyká he ye fayamle shie.

Korínto Erká 11:14

Yaalmit aađakáka, máá yab mé dhúúr ˈdeˈdernítaka, hé kinaallá hé mú ˈdúúw ma ˈdaabsîny?

Korínto Erká 15:34

Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Korínto Erká 3:18

Máádhat hai hol nyiimísan. Itín mú tikiˈd hol máá ˈdaalléká ká dhaayka, máá kinaallá innum gál lesallokáka hí máá đeechká yeet, giri mu ˈdaalim Waaˈgiet ˈdaa ki liiletká.

Korínto Erká 4:10

ˈDaa giri nyiin nyí Kirísto hújíchle nanniyyáállá, innum gálaatka nyiin nyí gál đéeská. Itín íín kerka hí gál Kiristo ˈdaallelléká! Nyíín kerka nyí gál đááliská, tá itín kerka hí gál farguogoká. Itín kerka gál gaalí memeyoká, tá nyíín he gál gaalí egesheyoká.

Korínto Erká 4:14

Hééllá yú hí ˈdú gáá veerééllá, yáá hí kern ma ˈgiˈgidhiny, itín hát um chia yú gielká yú hí af ká tataa.

Korínto Erká 6:1

Itín hí hé mákártaká hol ˈdú iidhansichoka, háteka ˈdéé hí gál Kiristo ma ˈdú egeen-, ˈdéé hí gál Kirísto iiy ma yéenká ˈdú egeetóol?

Korínto Erká 6:4

Har ˈdeeny lesallo-, gálle hol af ma maalinyká hí ˈgayyaka, háteka hí ˈdeem kinaal gál arra-, gál Kiristo hí ma kimísanká ˈdú egeetéel?

Yákob 1:5

Har itín máádhat ˈdaalím ˈdabeka, hí Waag ruogono. Waag hé gíl ma gogonony, máá hí rogononká hé ˈdéé ma ki ˈdaraminy, mú ˈdaalím hai shigicha.