Korínto Erká 6:2 - Fayam Midhab Yiesu Kiristoká He Hol Af Iđiny Kaanaká

² Gál Kiristo bár ˈdaatika hát les gálle ˈdéé ki iđimuoká it múog? Itín in hí les gálle ˈdéé ki iđimicha háluke, tá háteeye hí ˈduuw ˈdeem hatallo-, hawul maamanal eiy ki nanniyyoká man?

Korínto Erká 6:2 ပူးပေါင်းရင်းမြစ်များ

Matááyo 19:28

Yíésu lalille geey, kieye, Yú hí hé ˈdúwaká geeye, af giri lés kaanaká ka chiimeto-, yáá Iny Máádhátallá kara chia guchiká ˈdug ˈdú yíéđianká, it hí ye el gáá veeˈdééllá úba karm guguchi-, tomon tikiˈde a naamaká haí ˈdú yíéđianna, giri hí é meet tomon tikiˈde anaama-, Yisirayelká met ki ˈgiiyyaká.

Lúka 22:30

giri guchchú álle ke hol ˈgar gaa golmosot-, ubaa ke he hol ˈgar igianká. Héétí hí karm guguchiká ˈdú yíéđianno-, hí é meet Yisirayel tomon a naamaká ˈdeem eiy ki nanniyyoká, Yíésu hí gáál yie.

Róóma 6:16

Itín hí máádhat ˈdú siete-, hí mú hemuumuritle iiy chie-, hí el gaa veeˈdeka, hát hí mú gedelle chieká, it múog? Aalé itín har hí hé ˈdeđew-, Waag hí ma fedinyká gedelle chieka, kúfacho hí hol mé ki koyye. Tá har hí Waag gedelle chieka, innum Waaˈgietka gál ˈdúwaká hí chie, luolmit biiyoká haí higilla.

Korínto Erká 1:20

Aaléka, gál ˈdaalleléká ubaa gál gálaat nyatalaam oonisuoká, tá gál lésalka ˈdéé huogon súm ógká kor meete gáál ká geđia? Waag hé ˈdaalim lesalloká hé đeeymo hoycheká muuniny?

Korínto Erká 1:21

Waag hé ˈdaallé, tá hé ˈdéé murate, giri gál lesalloká ˈdaalimle Waag ma ki kiimisanká. Héél afleka, Waag fayamle ˈdiiyiminylé gál lesalloká hí hé đeeymoká ka dhaˈgasanallá ˈdaalle ˈdugaka in gál fayám iiy yegetká rubach shigicha.

Korínto Erká 6:4

Har ˈdeeny lesallo-, gálle hol af ma maalinyká hí ˈgayyaka, háteka hí ˈdeem kinaal gál arra-, gál Kiristo hí ma kimísanká ˈdú egeetéel?

Korínto ki Naamaká 4:18

Aaléka, nyiin nyáá nyí hé ke argoká ma dhaˈgaminy, hé ke ma arginyká nyí dhaˈgasanna. Hééllá he ˈdaa giri he lullé ke argóóllá el met hí ˈgiidho-, hé ke ma arginyatíá íín hé biiyo-, yegetká.

Dhesaloníke Erká 3:13

giri hí iiy yeenkícho tagano gaa ˈgiiyya-, Máá kúnnaa Guđo Yíésu ká ˈjieka itín ubaa mú gállé hí iiy yieká lulle hí ˈJaa kúnnaa Waag metle gál ˈdeensen mán-, ˈdúwaká gaa chegetoká.

Kí Edhesiny 20:4

Aalé yú karm guguchiká arge, karm gálaat hí ˈdú yíéđie, gaal hemuumurit gálle gálaat ˈdeem ki iđimuoká Waag hí shiiche. Héétí gál Yiesu Kirísto ˈduuwle hogodhe-, ˈdeeny Waaˈgiet ki ˈgie-, ˈdeeny kinaal ˈdugaka gaalí met gaa mumureká hodhinaamle yú arge. Gaal hátlé les ˈdug ˈdú ijeká hé bíních giri kach ˈguoká ubaa yaalmitlé giri gaalí tág nieká met les kurram ma gaa ˈdaráminy, ma memêny, héétí hé bíních kach ˈguo kinaal gúíyle iiy ma yéen-, met balalle ubaa gille ma gaa gúan. Aalé gaal geđi loogolnodhe, ubaa Kirísto warram shíí tikiˈd hol he ˈgar muumure.

Kí Edhesiny 3:21

Hát káána yú he lulle ká adhdhe-, káána ˈJaachú karallé guchiká nyí ˈdú iđáállá, máá hé lesalloká ká adhatká ˈduuw máálle nyí hol kara chia guchiká ˈgar yíéđianká úba ha yú shigia.