Korínto Erká 5:4 - Fayam Midhab Yiesu Kiristoká He Hol Af Iđiny Kaanaká

^4-5 Aalé Máá kúnnaa Guđo Yíésu meenyle ˈdugaka me hí hol argeka, af kinaallá hát it ke hol af ijo. Af kinaallá Máá kúnnaa Guđo Yíésu fargogintle ˈdaalleka máá hééllá ekeyallá kí Sátan gíl geer gaa kaaw, giri mú gónle Sátan hí ˈdeđeneycho-, tá kúlích Máá kúnnaa Guđoká hí gáá ˈjeenká Waag mú sídhle rianká.

Korínto Erká 5:4 ပူးပေါင်းရင်းမြစ်များ

Matááyo 16:19

Guch Uratiká kárle aflé gaalí ki fufuroká ha yú ko ká shigia. Ameeny hé kuun hí lésallá gaa điitoká hé úba Waag hí úratí gaa điite. Ameeny hé kuun hí lésallá iiy gaa cheetoká hé úba Waag hí úratí iiy gaa chie, Yíésu hí mú yie.

Matááyo 18:20

Gáál naam yíekaʼ, seđ yíekaʼ, ˈdaa meenychúka me hí hol argeka, yáá hurt gaa ijo, Yíésu hí gáál yie.

Matááyo 28:18

Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Matááyo 28:20

Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Yuána 20:23

Itín máádhat ađaabanollé ˈguoká hí hayche-, hí mú ˈdú ˈjiiyyeka, máá kinaallá úba Waag haí ˈdú ˈjeenne. Tá har máádhat ađaabanollé ˈguoká hí ma hany-, hí mú ma ˈdú ˈjiinyka, máá kinaallá ađaabanolle hai ˈgaa, Yíésu hí gáál yie.

He Ekeny Gál Alb Fimiká 16:18

Ini aadh lullé nyí el gaa igiˈde, nyí hawul ˈgieˈgete, héél af gaa guđoká ki huogote. Aalé Báulo ini hélléél hí idhansie, mu ini bala ˈdú nie, aryaan ini gaa iđeká geey, kieye, Fargogint meeny Yiesu Kiristo yú ko ki geeye, inííllá yé gaa ˈdé, yie. Tíkíˈdé kinaal aryáán đo ini yé gaa ˈdiiyye.

He Ekeny Gál Alb Fimiká 3:6

Aalé Bétiro kieye, Yáá bíre ˈguo-, ko ka shiguoká mán. Tá hé yú ˈguo-, yú ko ká shiguoká hééllá: ˈDaa meeny Yiesu Kiristo Nasaretkáka, le gaa keʼ, hol gaa sí, Bétiro hí mú yie.

He Ekeny Gál Alb Fimiká 4:30

Gíl kua gáál bibisuoká nyí ˈdú gáá hélish, hé gaal hí il ki aargiro-, gáál af ˈdaˈdabsuoká ˈdaa meeny gédéch kua Saas Mán-, Yíésu léká nyí ki eekemeyche, gaalí yie.

Korínto ki Naamaká 13:10

Aaléka, hátlé ke hol in eiy ka ijóóllá in yú hí ˈdeenyééllá ˈdú gáá veere, giri yú ká yimieka yú hí ma ugufinyká. Fargogint Máá kúnnaa Guđóóllá hí ye ka shíéllá, he giri yú hí eiy ma fufuminy-, yú hí ˈdiˈdisoká.

Korínto ki Naamaká 13:3

Kirísto hát ye ˈdéé gáá hogodhoká ˈduuwle ha yú hí ká aargisia. Kirísto atimlé hí af ka tatuoká hé đalidhe muuniny. Mu fargogintle af haí kí tataa.

Korínto ki Naamaká 2:6

Máállá ˈdeensen it ilish hí ˈdeenseteká hé hí ka gúúđo.

Eféso 5:20

He lúl ˈdugaka, Máá kúnnaa Guđo Yiesu Kirísto meenyle ˈdaalle ˈJaa kúnnaa Waag ki vivitíe, mú aadh lúl gielmít hol ˈdú naannáa.

Kolosááya 3:17

He lullé hí ekemeycho-, ubaa hí hogotoká lulle Máá kúnnaa Guđo Yíésu meenyle ki eekemeyyíe, tá mu íín ˈdaalleka, ˈJaa kúnnaa Waag gielmít hol ˈdú naannáa.

Dhesaloníke ki Naamaká 3:6

Nyaaramkínyo, aaléka, ˈdaa meeny Máá kúnnaa Guđo Yiesu Kiristóólláka hééllá ke hí ki mure: Ameeny gál nyaaram kúnnaa gon hí he ma uu-uriny-, taalle alb ijo-, he onisiny nyí gaa maalleká ma ki iđinyallá hol gáá faganayyíe.