Korínto Erká 4:5 - Fayam Midhab Yiesu Kiristoká He Hol Af Iđiny Kaanaká

⁵ Aaléka, ˈdaab kúlích ˈdéé ki iđinyká ali ma kí ˈdíiny-, Máá kúnnaa Guđoká hol ma ka náanká, haí máádhat ˈdéé ki iđîny. Máá kúnnaa Guđóóllá íín gálaat héllé ger geđi-, gaa dhátká ubaa kaslé kaadhdheká hai ká eedhesia. Af kinaallá máádhat héllé ˈdúwaká ˈdugaka meeny Waag hí ki memeychoká Waag hai gaa aargira.

Korínto Erká 4:5 ပူးပေါင်းရင်းမြစ်များ

Matááyo 10:26

Tá gál hatallóóllá haí siermle ˈgíiny. Hé níínní gaalí kakaw-, Waag hí yé ma ká ˈdeđinyká mán. ˈDeeny gaalí les đireká yé hai ká ˈdeeme.

Matááyo 24:30

Aalé hé gálaat yáá Iny Máádhátallá ˈjímchú aargisuoká úr ha gaalí gaa aargira. Aaléka, kidh met lullé les gaa ijoká hai beeme. Gaal yáá Iny Máádhátallá hát nyáˈdow kí yiimet-, fargogínt ubaa ˈduuw guđoká kí leledhoká hai aargira.

Matááyo 24:46

Tá gédéch kinaal máállé guđoká hí af kí ˈdie-, hújíchle tág gaa yaalka, ebá geer hí súm gaa meedhe!

Matááyo 25:21

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Matááyo 25:23

Mú máállé guđoká mú geey, kieye, Kó tág hé ˈdúwaká ekeyche! Kuun he gédéch ˈdúwa-, hújíchle tág ki yaalká. Kuun ˈdaa giri hé ninni-, yú ko shieká hujich hát ˈdabaanká ki niiyyeká, hújích chia guđoká máállé hí mé ki yaalká ha yú ko hođia. Káde, kí hol ˈgar geyyuo, mú yie.

Lúka 6:37

Aalé Yíésu geđi kieye, Haí gálaat ˈdeđénsen. Itín hí gálaat ma ˈdeđensenka, it úba Waag hí ma ˈdeđensen. Gál hé ˈdeđewká hí ki ekemeyoká idholle hayyíe, haí ger ka ˈgíiny. Hát kinaallá hí ˈdiiyyeka, Waag úba hé kíchia ˈdeđew-, hí eekemeycheká hai haađicha.

Yuána 21:22

Yíésu mú ˈdéé hol ˈdú nie, kieye, Har yú fedo-, mu les ˈdug ˈdú yíéđian-, ˈjíig af giri yú hol ká nannaatká đig kátaka, hé kinaallá meete kua hí gaa ija? Kúún ye el gáá véer! mú yie.

Yuána 21:23

ˈDeenyéél ˈdugaka, máádhat ˈdéé hótéél gál nyaaramká af ki veere, máá lálííllá hé ma kufuminy, gáál yie. Tá Yíésu íín hé kieye, Mu hé ma kufuminy, ma yéen. Mu hé hodheká kieye, Har yú fedo-, mu les ˈdug ˈdú yíéđian-, ˈjíig af giri yú hol ká nannaatká đig kátaka, hé kinaallá meete kua hí gaa ija? he yie.

Yuána 5:44

Itín hí hol eiy memeychoká hí feˈde, tá Waag ali ka takachká hí itín memeychoká in hí mé ká man háluke, tá háteeye hí ye iiy chegedhe?

Róóma 14:4

Kúún mááya, kó gédéch máá eiy ˈdeđensetóol? Gédéch Waaˈgiet ˈdeđensetóóllá Máállé Guđo Waago hí ˈdeđente, muuninyka, hí máá ˈdúwaká yegedhe. Tá Waag hé mú ma ˈdeđensen, mú yiir hai gaa chiirata.

Róóma 2:1

It halúg gálaat ˈdeđensetéel, itín hát níínní hí hol ˈdéé ˈdú hogotoká mán, ˈdaa giri it tikiˈde hí gáál ˈdeđensetééllá hí hé tikiˈde gaal íín hí ekemeyóóllá úba hí ekemeychóóllá. Af giri hí gálaat hatal ˈdeđensetoká itín dhúr kíchia hí hol ˈdéé ki iđiny Waaˈgiet ˈdú gáá egeyye.

Róóma 2:16

Tá kúlích gaal Waag met ki ˈdeen kinaal ali kí ˈdiiyyeka, Waag ˈdaa Yiesu Kiristoka gálaat lulle héllé ger geđiká hai ká eedhesicha, máádhat hát ˈdúwaká hai hogoto, muuninyka, mu hát ˈdúúw muuninyká hai hogoto. Yaalmitééllá he hé ke Fayam Midhab yú hí ki ˈdiyeenallá gaa argeká.

Róóma 2:29

He Waag geer ubaa mé ki sinno in máádhat máá Waaˈgiet hođia. Hermisan ˈdúwaká hé kinaallá. Hermisan ˈdúwáállá hé hemuumurít el gaa igiritle yé ma gáá ˈdeˈdeminy, Hím Naasan Waaˈgiet af maalíti he yé gáá ˈdeˈdeenne. Hermisanééllá gál hí hermisatká gálaat hí memeyoká hé ma fediny, Waag hí memeychoká he fede.

Róóma 2:7

Gál hé midhabká ekemeyo-, giri aadh ˈdaatika Waag hí meeycho-, muí gál ˈdúwaká yeget-, gón ma kufuminyká muí shiguoká, luolmit biiyoká Waag haí shigicha.

Korínto Erká 1:7

Aalé káána ˈdaab Máá kúnnaa Guđo Yiesu Kirísto hol ká naanle hí súm met egetóóllá, it hé shiicho Waaˈgiet tikiˈd úba ma gaa ˈdaabiny.

Korínto Erká 11:16

Tá har máádhat héél fálaam gaa iđimuoka, nyiin ubaa gál Kiristo Waaˈgiet alb eiy gaa ijoká ˈdéé hótéél ˈdaalleka, nyáá nyí nyátál éíy taaka ˈgayya-, nyí el gaa verenoká mán.

Korínto Erká 11:26

Aaléka, af giri hí taalle balasháállá kokonyo-, hí kulúúllá igiannoká, Máá kúnnaa Guđoká kúfáchlé hí ˈdiyeenne, ˈdaab ˈjíig mu ma ka ˈjînyká.

Korínto Erká 15:23

Uushim yiem gáá ˈdím aleđuđaatle hatallá: erkob Waag Kirísto uushich yé gáá ˈdeeyche, héétí af giri Kirísto hol ká nannaatká gál Kirísto hí léká Waag hí uushim yiem gáá ˈdeđicha.

Korínto Erká 3:13

Kúlích ˈdéé ki iđinyká ali kí ˈdiiyyeka, gálaat lulle hujichaamlé nieká ˈduuwle hai ká eedhee. Hééllá hé hí ká eedhesuoká he ˈjiet hujichaam kinaallá ˈjeˈjeen-, gálaat hujichaamle ˈduuwle eiy nanniyyoká.

Korínto Erká 3:14

Máá ˈbílallá hújíchlé nieká, hújíchlé kinaal har ˈjiet hí ma kony-, ká ˈgiteka, máá kinaallá hé shiicho-, hujich kinaalloká hai aargira.

Korínto Erká 3:8

Máá áár fafúóllá ubaa máá áár bie fafúóllá áwúlle tikiˈde, gaal hullaalle hújíchlé he nannuoká hélle hai aargira.

Korínto ki Naamaká 10:18

Máá innum Waaˈgietka ˈdúwaká hé máá íín ˈduuwle ma hogon-, Waag hí ˈduuwle hogotoká.

Korínto ki Naamaká 10:9

Yáá warˈgasam hí ˈdú gáá verenóóllá hí ma ki biirgisiny.

Korínto ki Naamaká 4:2

Nyíín nyáá nyí hé kern manti-, ubaa hé điđám gaa ijoká gaa láʼ. Nyáá nyí gálaat ma nyiimisan, fayam Waaˈgiet nyí hol ma gaa lalaminy. Nyiin innum Waaˈgietka ˈdeeny ˈdúwa-, leđuđugulleká nyí gálaat met gaa hogoto, giri gálaat lulle ˈduuwkínyo hát ˈdabaanká eiy nannasatká.

Korínto ki Naamaká 5:10

Muun lulkúnno kara Kirísto hí ˈdú yíéđian-, mu gálaat ˈdéé ki iđimuoká metle ha ke ki ˈdeeme, giri máádhat af giri he gónlé lokóólallá lésallá ki ijeká, héllé midhab eekemeyká yiekaʼ, héllé ˈdeđew-, eekemeyká yíekaʼ, héllé shiichoká aargiroká.

Dhesaloníke Erká 5:2

Hát káána máá buraalléká aflé buraa ká iyaanká ke muogallá, in úba kúlích Máá kúnnaa Guđóóllá hí gáá ˈjeˈjeenká ke muog. Hé kinaallá it tág óg.

Héberew 4:13

He met lullé Waag hí ka kuonnééllá hé níínní Waag metleka kaany gaa ijoká mán. Waag hé he lulle argiyyo, innumleka he met lulle hé gaa édhká tákáma. Mu íínííllá he Máá ke hékúnno met gaa hogodhoká.

Yákob 4:11

Nyaaramchú, haí hol meet ˈdeđenêny. Máá nyárle ˈdeđenset-, muuninyka, mú ˈdéé ki iđimuoká, af kinaalka ííni Waag hemuumuritle ˈdeente, ˈdéé ki iđie. Kúún har hemuumurít ˈdéé ki iđimichoka, af kinaalka kó máá hemuumurít el gaa igiroká muuniny. Kuun he máá hemuumurít ˈdéé ki iđimuoká chie.

Yákob 5:7

Aaléka, nyaaramchú, hol táa, ˈjíig Máá Guđoká hí ká ˈjie. Ebá máá les fafuoká hát ˈguomle met egeso-, tá hol tatuo-, ír mísáchle met egesoká dhaayyíe.

Yákob 5:9

Nyaaramchú, horróo! Máá gálaat ˈdéé ki iđimuoká ˈbíl af yaal. Haí hol shalal fafîny, Waag hí ˈdéé ki iđîny.

Bétiro Erká 1:7

Hát hórkí ˈjiet hí ˈgeesicheka ˈdúúwáálláka, manyjany kíchiallá iiy yeenkícho hai ˈduuwasicha. Hórkí íín el met haí ˈgiidha, tá iiy yeen kíchia-, hórkí ˈdú ˈdúwáállá íín hé el met hí ma ˈgiˈgin. Tá af giri Yiesu Kirísto hol ká nannaat-, Waag hí ká eedhesichoká itín meeny ubaa ˈdúúw haí aargiˈda.

Bétiro Erká 5:4

Aalé gál gál Kiristo ˈdeˈdeenká Máállé hí mé ki yaalká hol ká nadheka, itín hé shiicho Waaˈgiet ˈdúúw ˈguo-, taalle bííyyo-, el met hí ma ˈgiˈginká haí aargiˈda.

Bétiro ki Naamaká 3:12

giri hí kúlích Yíésu hí hol gáá nannaatká met egeto-, đo hí kúlích Waaˈgiet kinaal ka ˈjoobonsotoká. Kúlích kinaallá úr ˈjiet af haí ki shugunata. Les ubaa héllé hí gaa ijoká lúl kulkul haí ˈgeesia.

Bétiro ki Naamaká 3:4

Gaal hatal hai yeedhe, Kirísto ˈdeeny hí af iđieká kieye, Yú hollo hol ká naadha, in hí yie háluke, tá har laa? Tá ameeny giri eshim eshimkúnno guraam hí guureká tá ˈjíig ki gaa ijóóllá đig, he lulle in hátlé aađa-, Waag hí ka kuonneká har ija, hálukia! hai yeedhe.

Yúúa 1:14

Áˈdam ˈbíl ílle hátlé hol ka hoycheká, máállé ki tiiyaká he Hénog. Hénog kíssóótí hé yaalmit galallo-, ˈdeenylé Waag hí shiicheká ˈdiiyime, mu kieye, Bá dhaayyíe, Máá Guđoká gállé ˈgasso-, urru-, shíí shííká hollo hol ká egedhdhe.

Kí Edhesiny 1:7

Bá dhaayyíe, mu nyáˈdow hai kí yiimedhe, il lulle haí aargiˈda, gál mú veereká úba mú hai aargira. Kidh lullé les gaa ijoká mú ˈdaalle ˈdugaka af gaa guđoká hai ki beeme. Iiy-hí, he hí hát kinaallá yeet.

Kí Edhesiny 20:12

In aalé yú gál ˈduuˈdúwaká ubaa gál aađa-, kis kufe-, kara guchi kinaal met gaa ˈgieká arge. Warˈgasam gaalí af fure. Warˈgat éíy taaka úba gaalí af fure, warˈgat kinaallá he warˈgat luolmitiká. Tá gál kufeká héllé eekemey-, gaalí warˈgasam gaa veereká ˈdugaka in Waag hí ˈdéé ki iiđimiche.