Korínto Erká 4:16 - Fayam Midhab Yiesu Kiristoká He Hol Af Iđiny Kaanaká

¹⁶ Aaléka, gillo yú hí ki efe, ˈgíérích chiallá ka ennée.

Korínto Erká 4:16 ပူးပေါင်းရင်းမြစ်များ

Korínto Erká 11:1

Aaléka, hát tikiˈde yú Kirísto enníéllá, itín úba ye ka ennée.

Filíbi 3:17

Nyaaramchú, yaalmit chiallá el gáá veerée, tá gál yaalmisano hí nyí gaa argiyyeká el gaa igiróóllá ennée.

Filíbi 4:9

Hé hí ye gaa maalle-, hí ye gaa argiyyeká ubaa hé hí ye gaa onnoteká, eekemeyyíe. Hééllá hí ekemeychoka, Waag naanná ˈgayyoká taalle hollo hí hol ˈgayya.

Dhesaloníke Erká 1:6

Af giri hí fayamééllá iiy chieká it tág he il hí argiyye, tá Hím Naasan Waaˈgiet hé hí ger gaa meen shiiche. Hatallá in nyíín ubaa Máá kúnnaa Guđóóllá hí yaalmitkínyo ká enniyye.

Dhesaloníke ki Naamaká 3:9

Hatallá nyí iđééllá, he hé kieye, hé geere ke hí gaa aargiroká fargogintlé nyí man muuniny, he yaalmit onnônyka hí ka enniannoká ke hí ká argisie.

Héberew 13:7

Gál hí met ki ˈgie-, hí ˈdeeny Waaˈgiet oonisúóllá táb ˈduoˈdodhíe. Gaal húgúmlé he ki ijoká héllé midhab hí yé gáá ˈdeˈdeená mé ka gáa. Gaal iiy yeenlé Waag ka ˈguoká úba ennée.

Bétiro Erká 5:3

Gál Waag hí gil ká fiiyyééllá haí hemuumurít mé gim níiny, gáál yaalmit midhab-, gálle gaalí ka ennianká aargisía.