Korínto Erká 4:10 - Fayam Midhab Yiesu Kiristoká He Hol Af Iđiny Kaanaká

¹⁰ ˈDaa giri nyiin nyí Kirísto hújíchle nanniyyáállá, innum gálaatka nyiin nyí gál đéeská. Itín íín kerka hí gál Kiristo ˈdaallelléká! Nyíín kerka nyí gál đááliská, tá itín kerka hí gál farguogoká. Itín kerka gál gaalí memeyoká, tá nyíín he gál gaalí egesheyoká.

Korínto Erká 4:10 ပူးပေါင်းရင်းမြစ်များ

Matááyo 24:9

Af kinaallá itín ha gaalí ˈgiiliˈgaa, gál hí maanyjasuoká gil ger ha gaalí fafaa, ha gaalí yeese, ˈdaa meenychú ˈdugaka kidh met lulle haí neebeedhe.

Matááyo 5:11

Itín af giri gaalí egesheyo-, gaalí maanyjasuo-, he met lullé ˈdeđewká ˈdaachúka gaalí ˈdú hogodhoká, it kinaallá Waag hé hí ˈdú ˈjeˈjeenno.

Lúka 10:16

Aalé Yíésu geđi gál alb fimiká geey, kieye, Máá hí af maaloká, yaa ye af maale. Máá hí điidhoká, yaa ye điidhe. Héétí máá ye điidhoká, máá kinaallá Máá ye ali gáá kaayká úba he điidhe, Yíésu hí yie.

Lúka 18:9

Yíésu gál ˈbaal hol gál ˈduuˈdúwa-, saas mánká ka dhaˈgasan-, gálaat eesheyo mare hibéél geey, kieye,

Lúka 6:22

ˈDaa chia yáálle Iny Máádhátallá ˈdugaka gaalí ˈdú nebedhe-, gaalí moonodhe-, gaalí chaachare-, tá gaal meetkícho ˈdeeneyka, Waag hé hí ˈdú ˈjeˈjeenno.

He Ekeny Gál Alb Fimiká 17:18

Mu ál gabaaya kinaal gál gaalí Ebekúre yeget-, ubaa gál éíy taaka gaalí Sitóyik yeget-, lullé kas hí he ká shugunat mare hol ˈdéé ˈdú naannie. Gál kinaal ˈbáál hí kieye, Máá éésh mánnal in meete ká hogodho? yie. Aalé gáál ˈdáá tikiˈd kieye, Máállá in taalle waagam éíy taaka kidhdhoká gáál má ki ˈdiyéen? yie. Gaal hatal yíéllá he ˈdaa giri mu gáál fayam Yiesu ubaa gálaat uushim yé gáá ˈdímle ˈdeenyle ki ˈdiiyimeká.

He Ekeny Gál Alb Fimiká 17:32

Aalé gál giri mú af nee kokoyká ˈbaal ˈdeeny uushich yé gaa ˈdímííl maaleká ˈdéé eeshey, ˈbaal hí kieye, Nyíín ˈdeenyééllá aadh éíy taaka ha nyí ko gaa maalla, gaalí mú yie.

He Ekeny Gál Alb Fimiká 26:24

Aalé Fésitos af les gaa eey, kieye, Báulo, kúún me hé ko ˈjieˈde, warˈgasam burnay kua tuoychééllá hé ko sigír gaa veeˈde, muí mú yie.

He Ekeny Gál Alb Fimiká 9:16

Mú aalé ˈdaa meenychú ˈdugaka hé burnay-, il hí mú aargiˈdoká mú ha yú aargisia, Máá Guđoká hí yie.

Korínto Erká 1:21

Waag hé ˈdaallé, tá hé ˈdéé murate, giri gál lesalloká ˈdaalimle Waag ma ki kiimisanká. Héél afleka, Waag fayamle ˈdiiyiminylé gál lesalloká hí hé đeeymoká ka dhaˈgasanallá ˈdaalle ˈdugaka in gál fayám iiy yegetká rubach shigicha.

Korínto Erká 1:23

Tá nyíín Kirísto gaalí ˈgór đarám yaalká ˈdú yieská nyí ˈdiyeenne. Fayamééllá he fayam gál Yuuˈdi iidhansicho-, gál Hellen íín hí hé đeeymo ka dhaˈgasanká.

Korínto Erká 1:25

Hé gálaat hí đeem Waaˈgiet ka dhaˈgasanká hé gáál ˈdaalimle ˈdú ˈdaallé, héétí hé gálaat hí đalim Waaˈgiet ka dhaˈgasanká hé gáál fargogintle far ˈdú gogo.

Korínto Erká 10:12

Aaléka, máá tawunyleka kieye, Yú tágo yaalla, yegetká, hí hol ˈdeeˈdeen, hai iiy yeenle hâny.

Korínto Erká 2:14

Tá máá Hím Naasan Waaˈgiet mánká, hé Hím Naasan Waaˈgietallá hélle ma aargiriny. Máá hat kinaalloká mu íínka Hím Naasan Waaˈgietallá hélle hé đeeymo, hé muí eiy ma nanasan. Máá Hím Naasan Waaˈgiet ˈguoká tákáma Hím Naasan Waaˈgiet hélle eiy nannata.

Korínto Erká 2:3

Af giri ke hol af ijeká, yáá đalím ubaa sierm ˈgie, súm faađanme,

Korínto Erká 3:18

Máádhat hai hol nyiimísan. Itín mú tikiˈd hol máá ˈdaalléká ká dhaayka, máá kinaallá innum gál lesallokáka hí máá đeechká yeet, giri mu ˈdaalim Waaˈgiet ˈdaa ki liiletká.

Korínto Erká 3:2

Yú af kinaallá eeno hí shigie, yáá hí ˈguom guogiyyoká ma shigîny, ˈdaa giri hí he onisiny farguogoká aleđuđugulle ma ka ˈdônyká. Káána úba ki gaa ijóólláka, it he onisiny farguogoká aleđuđugulle ma ka ˈdôny,

Korínto Erká 4:8

It kerka faaˈgiyyéel! It kerka kamurayyéel! Nyiini nyí gál kaansúoká muuniny, tá itíni kerka hí gál kaansúoká chie! Itín hí gál kansúoká ma onnônyal hemme, itín ubaa nyíín áwúlkúnno ke gál kansúoká ma yéénal!

Korínto ki Naamaká 10:10

ˈDaachúka gáál ˈbáál kieye, Mú warˈgasamlééllá ˈdeem kullaʼ-, farguogoká hí gaa ija, tá af giri mú ke hol af ijoká mú ˈdéé hót hí đalidhe, kor úba hí ˈdúúw mán, gaalí yegedhe.

Korínto ki Naamaká 11:19

It hol gál ˈdaalle léká ka dhaˈgasannóóllo, it tág hí gál đéeská af nee kokoyyoká feˈde.

Korínto ki Naamaká 11:29

Mááya đalit, yú íín hí gaa đalit muuniny? Mááya ađááb hileka, yú geer ye ma gaa kakariny?

Korínto ki Naamaká 13:9

Har káána úba nyiin nyí đáális kátaka, af giri iiy yeenkícho fargogiyyoká nyiin ger ha nyí gaa meedhe. Waag visan ke hí kí vivisatká he giri itín hí higirayyo-, hí tagano ˈgiiyyoká.

Korínto ki Naamaká 4:12

Aaléka, kúfách nyí igiróóllá in itín hí luolmit biiyoká gaa argiyye.

Korínto ki Naamaká 6:8

Gálaat aadhká gál ˈdúwaká hai nyí ká dhaay, aadhká hai nyí eeshey, aadhká hai nyí fichile, aadhká hai nyí meey. Nyiin gál hé ˈdúwaká hogodhoká, kor gáál ˈbaal gál gálaat nyiimisatká he nyí ká dhaˈgama.

Dhesaloníke Erká 4:8

Aaléka, máá atimééllá điidhoká, hé máádhat ma đíin, Waag ííni hí itín Hím Naasanle shigichóóllá he điidhe.

Bétiro Erká 4:14

ˈDaa giri Hím Naasan Waaˈgiet ˈdúúw ˈgayyoká hí buanneká, har gaalí meeny Kiristo ˈdaalle ki chaachareka, it Waag hí ˈdú ˈguunuanne.