Korínto Erká 4:1 - Fayam Midhab Yiesu Kiristoká He Hol Af Iđiny Kaanaká

¹ Aaléka, gálaat hí nyí gede Kiristo-, Waag hí héllé geer geđiká ˈdiiyiminyle mé ki reeychééllá ká dhaaˈgasan.

Korínto Erká 4:1 ပူးပေါင်းရင်းမြစ်များ

Matááyo 13:11

Yíésu gáál ˈdéé hol ˈdú nie, kieye, Itíni in hé geer geđi Guch Waaˈgietká Waag hí shiiche. Tá gálaatí íín hé hé kinaallá Waag hí ma shíiny.

Matááyo 24:45

Aalé Yíésu gáál heete, kieye, Gédéch ˈdúwa-, ˈdaallé-, hújíchle hát ˈdabaanká nannuoká he gédéch máre? Gédéch kinaallá he gédéch máállé guđoká hí gede éíy taaka met gaa koyka, géde ˈguom aleđuđugul urgúa gaalí gaa shiguoká gaa shiguoká.

Márko 4:11

Mu gáál geey, Itíni in hé geer geđi Guch Waaˈgietká Waag hí argisiche. Tá gál baaˈd ˈgíétíá in yú he lulle hát hibietká geđia.

Lúka 1:2

Gál er ali gaa ije-, hé kinaal il ki arge-, he fayamle ˈdiiyimeká nyí fayám ká shie.

Lúka 12:42

Aalé Máá Guđo Yíésu kieye, Gédéch ˈdúwa-, ˈdaallé-, hújíchle hát ˈdabaanká nannuoká he gédéch máre? Gédéch kinaallá he gédéch máállé guđoká hí gede éíy taaka met gaa koyka, géde ˈguom aleđuđugul urgúa gaalí gaa shiguoká gaa shiguoká

Lúka 8:10

Aalé mu gáál geey, kieye, Itíni in hé geer geđi Guch Waaˈgietká Waag hí shiiche. Tá gáláátatíá íín he lulle hát hibietká yú geđia, giri gaalí dhaayka, gaalí ma aargiriny-, gaalí maaleka, gaalí ma kiimisanká.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 16:25

Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Korínto Erká 2:7

ˈDaalim nyí ˈdiyeennallá he ˈdeeny geer geđi-, Waag hí hol ki kaayye-, Waag hátlé les ma ka kúóninyká hí murate-, hí muun gáál ki ˈduuwaychoká.

Korínto Erká 3:5

Aaléka, Abóllos he mááya? Héétí Báulo he mááya? Nyíín taalle nyí gede Waaˈgiet, giri hí ˈdaakínyoka fayam Kiristo iiy ki chieká. Nyíín hullaakínyo hújích Máá Guđoká hí nyí met eiy ki kuokoyká nyí nanniyya.

Korínto Erká 4:13

Gálaat nyí he af kaayka, nyiin gáál gillo nyí ki efiyye. ˈJíig káána ke gaa ijóóllá nyiin lésalláka gálaat shâwo nyí ká dhaˈgama, gáál innumleka nyiin hát nyí ége.

Korínto Erká 4:2

Aalé gál máádhat hí hujich mé ki reeyká, máállé guđoká hé hí gaa fedoká he giri hújích muí mé ki reeyká hát ˈdabaanká nannuoká.

Korínto ki Naamaká 11:23

Tá gaal har he gede Kiristo hol yegetka, yaa súm gáál ˈdú gédéch Kiristo. Yú meka hát máá me hí ˈjieˈdeká ˈdéé ká hogodho. Yaa gáál hújích fargogoká súm ˈdú nie, yú ubaa gaal íínka yaa gálaat ye af burnayká ki hiigidhe, yaa gálaat ye af burnayká ki tune, yaa af burnayká kúfach bala gáá bie.

Korínto ki Naamaká 12:6

Tá har yú ˈduuwchú hogodhoka, af kinaalka yáá hát máá đeechká ˈdéé ma ká hogon. Yú hé ˈdúwaká ha hogodho. Tá yáá ˈduuwchú huogonle hol gáá faganay. Yú gálaat ye memeyoká fede muuniny. Tá gálaat har midhantchia mákártaká taawuoka, hé kinaal hí ˈdaa húgúmchú ubaa he onisiny gaalí ye gaa maaleká ˈdaalle ki yaal.

Korínto ki Naamaká 4:5

Nyiin nyáá nyí dhúrkínyo hékínyo ma ˈdiyiminy, nyiin Yiesu Kirísto hát he Máá Guđoká nyí ˈdiyeenne. Yíésúúllá ˈdaalle in nyí gedekícho ki chie.

Korínto ki Naamaká 6:4

ˈDaa kinaallá in hát lullé nyí iđaká ubaa he lullé nyí ekemeychoká ˈdaalleka gálaat hát nyiin nyí gede Waaˈgietká kiimita. Hatallá in hééllá lulle nyí mé ki chichirsata: gálaat nyí maanyjasia, nyí aayˈgasia, nyí he il ká aargisia,

Eféso 1:9

Waag hát giri feˈdeká in ˈdeenylé geer geđiká gáál yíé ˈdu gáá ˈdeeyche. ˈDeeny kinaallá bárle ali kí ˈdieka, ˈdaa Kiristoka, Waag he lullé úr ubaa les gaa ijoká hollo hol fafiyya, Kirísto mé ha ki kokoyyo.

Eféso 6:19

Yú úba ye Waag kí viivitíe, giri aadh lulle yú Fayam Midhaballá ˈdiyeen-, Waag ye ˈdéé af ká fafiyyo-, yú sierm ˈdaabo-, hé kis ˈdaa Fayam Midhaballáka, gaalí moonnoyká yú gáál eiy ki nannuoká.

Kolosááya 2:2

Laatééllá yú hatallá lađaanallá he giri lulkícho hí gofononno-, hí hol gielmít ka ˈgayya-, hí ˈdúˈjím Waaˈgiet aargiˈda-, giri Waag héllé geer geđi-, ˈdaa Kirístoká hí hát ˈdabaanká eiy nannasataká.

Kolosááya 4:3

Tá nyíín úba nyí Waag kí viivitíe, giri Waag nyí kar af kí fuuˈdo-, héllé geer geđi kis ˈgayye-, fayam Kiristóóllá nyí ˈdiyeennoká. Fayamééllá ˈdaalle ˈdugaka in káána yú ˈbíl hiiginallá gaa ija.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Tímote Erká 3:6

Mu hai máá Kirísto ˈjobintééllá iiy gaa yieká onnôny. Máá hatallóóllá gaalí gál Kiristo met gaa koyka, kálmaréél máá ˈdúwaká hollo hol ká dhaˈgama, ˈdéé ki iđiny Waag hí Sátan ki iđimichóóllá úba Waag haí ki iđimicha.

Tímote Erká 3:9

Gaal hí fayam Waag hí geerle ká ˈgayye-, káána ke iiy yíéllá chirat, hí hé óg-, ˈduuˈdúwaká eekemeyo.

Títo 1:7

ˈDaa giri gál Kiristo máállé méteká hújích Waaˈgiet mé ki yaalká, mu hí máá gálaat hí ma ˈdeđensenká onnow. Mu hai máá mé gogo-, ídho ˈjób-, bersh hí fafaan-, aˈgere-, már ˈguoká onnôny.

Bétiro Erká 4:10

Máádhat hé shiicho-, Hím Naasan Waaˈgiet gaa argeká hí héllé shiicho kinaallá hújích Waaˈgiet gálaat ki naannuo, hí ˈdúˈjím Waaˈgiet hát ˈdabaanká hát lulle gálaat aargisuo.