Korínto Erká 3:8 - Fayam Midhab Yiesu Kiristoká He Hol Af Iđiny Kaanaká

⁸ Máá áár fafúóllá ubaa máá áár bie fafúóllá áwúlle tikiˈde, gaal hullaalle hújíchlé he nannuoká hélle hai aargira.

Korínto Erká 3:8 ပူးပေါင်းရင်းမြစ်များ

Matááyo 16:27

Yáá Iny Máádhátallá guch ˈJaachú ha kí yiimedhe, ubaa gál chia ˈgasso-, urruká hollo nyí hol ká egeete. Af kinaallá gálaat lulle héllé eekemeyká eiyyo yú hol gaa nannaa, gál hé midhabká eekemeyká hé shiicho ha yú shigia, gál hé ˈdeđewká eekemeyká íín he il haí aargiˈda.

Lúka 19:19

Aalé máá guđoká mú geey, kieye, Kúún aaléka ˈjien met chenno kánsíchle cheedhe, muí mú yie.

Róóma 2:6

Kúlích kinaallá in Waag máádhat héllé he eekemeyká ˈdáble he ki shigicha.

Korínto Erká 15:58

Aaléka, nyaaram chia yú gielallo, taganokícho ˈdée, ha gaalí riitisîny. Aadh lulle Máá kúnnaa Guđoká hújíchle taalle hát ˈdabaanká naannáa. Hujichaam lullé hí Máá kúnnaa Guđoká ki nanniyyóóllá hát hé midhabká hí yé gáá ˈdeˈdeenká it óg.

Korínto Erká 3:14

Máá ˈbílallá hújíchlé nieká, hújíchlé kinaal har ˈjiet hí ma kony-, ká ˈgiteka, máá kinaallá hé shiicho-, hujich kinaalloká hai aargira.

Korínto Erká 3:7

Máá áár fafuoká ubaa máá áár bie fafuoká hé áár ma ˈdiˈdisiny. Áár Waago hí ˈdiˈdisicha.

Korínto Erká 3:9

Nyiin hullaakínyo hújích Waaˈgieto nyí hol ˈgar nanniyya, itín íín he lés Waaˈgiet ke hí fieká. Héétí itín hí ˈbíl Waag hí ˈdiˈditoká.

Korínto Erká 4:15

Har úba káána ˈdaa Kiristoka gál hí ˈdeˈdeenká túóy manânyka, it idhaam burnay-, hí ˈgayyaká mán. ˈDaa giri yú hí Fayam Midhaballá ˈdu gáá sidhe-, hí Yiesu Kirísto iiy chíéllá in yú ˈjaakícho yie.

Korínto Erká 9:7

Máá yúóyó máre mangis hujich ki nannuoká mangis hí bíre les ma ki fafiny? Máá vínna fafuo máre vínnallé fieká hiteka saanolle ma kokony? Héétí máá aany ˈdeˈdeen máre aanylé ˈdeˈdeen kinaal eenle ma igiminy?

Galátia 6:4

Máádhat hí hújíchle hát ˈdabaanká naannuo. Hát kinaallá in mu geerle ki geyyime, mu yaalmitle yaalmit máá eiy ma ki ekemeny,

Galátia 6:5

ˈdaa giri máádhat dhúrle hújíchle ilshle uroká.

Héberew 6:10

Ta Waag hé máá hé ˈdúwaká ma ekemenyká muuniny. Hújích mú ˈdaalleka hí nanniyyeká ubaa gielmit hí mú argisiche-, giri hí mú gálle yiir gaa chichirate-, tá hátle káána úba hí gáál yiir gaa chichiratóóllá hé hí in ma ká baađany.

Bétiro Erká 5:4

Aalé gál gál Kiristo ˈdeˈdeenká Máállé hí mé ki yaalká hol ká nadheka, itín hé shiicho Waaˈgiet ˈdúúw ˈguo-, taalle bííyyo-, el met hí ma ˈgiˈginká haí aargiˈda.

Yuána ki Naamaká 1:8

Aaléka, hol ˈdeeˈdeemíe, giri hújích hí niiyyééllá hélle hí ma ˈdaabiny-, símísle alulle hí aargiˈdaká.

Kí Edhesiny 2:23

Héétí min umle ha yú yeese, giri gál Kiristo lulle hát yú he Máá gálaat kasle ubaa gerle hélle eiy nannasatká kiimisatká. Tá itín lulkícho hé hí ekemeychóóllá hélle hollo yú hol ˈdú gáá nannaa.

Kí Edhesiny 22:12

Yíésu kieye, Bá dhaayyíe, yú ˈjobintééllá ha gáá ˈjeeme. Gálaat héllé eekemeyká eiyyo yú hol gaa nannaa. Gál hé midhabká eekemeyká hé shiicho ha yú shigia, gál hé ˈdeđewká eekemeyká íín he illo yú ká aargisia.