Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Korínto Erká 3:5 - Fayam Midhab Yiesu Kiristoká He Hol Af Iđiny Kaanaká

5 Aaléka, Abóllos he mááya? Héétí Báulo he mááya? Nyíín taalle nyí gede Waaˈgiet, giri hí ˈdaakínyoka fayam Kiristo iiy ki chieká. Nyíín hullaakínyo hújích Máá Guđoká hí nyí met eiy ki kuokoyká nyí nanniyya.

အခန်းကိုကြည့်ပါ။ ကော်ပီ




Korínto Erká 3:5
30 ပူးပေါင်းရင်းမြစ်များ  

Gálallá hátlé hol nigíˈd ˈdú ooʼógká muí bíre eiy gil fie. Mú tikiˈd muí bíre shíí chen shie, mú tikiˈd muí bíre shíí naam shie, mú tikiˈd muí bíre shíí tikiˈd shie. Mu đo kie, sedhe.


Gál er ali gaa ije-, hé kinaal il ki arge-, he fayamle ˈdiiyimeká nyí fayám ká shie.


Aaléka Yuána gáál ˈdéé hol ˈdú nie, kieye, Máádhat hé hé ˈguoká mán, ˈdaab Waag hí he úr ma gáá shíinyká.


Aalé máá Yuuˈdi gaalí Abóllos yegie-, Alekesánđara gaa ˈdalidhe mare Eféso kí ˈjie. Mu íín he máá ˈdaalím hí guđo-, Warˈgat Waaˈgiet hát ˈdabaanká ógká.


Aalé af giri Abóllos Korínto gaa ijeká, Báulo lés Galatia ubaa lés Firgia gaa kie, mu ˈgíérích ˈdug iifeká nadhe, Eféso ki ˈjie. Mu ál kinaal gál Yíésu iiy yie mare hol gaa arge.


ye gédéch Yiesu Kiristo hoyche-, ye hújíchle mé ki koyye-, Fayam Midhab Waaˈgietallá yú gál gál Yuuˈdi muuninyká ki ˈdiyeenká. Waag ye hújíchallá mé ki koyyééllá, he giri Hím Naasan Waaˈgiet gál gál Yuuˈdi muuninyká dhiiˈdo-, gáál suor ˈdúwa-, Waag hí iiy chegetoká hođichoká.


Tá gál gón Kiristóóllá hé Waag hí hujichaam eiy eiy met ki kuokoyye. Gál erkobká he gál alb fimiká, gál ki naamaká he gál Waag hí ˈdeem ka shigichoká, gál ki seđeká he gál gálaat ˈdeeny Waaˈgiet oonisuoká. Héétí gál hé ki af ˈdaˈdaboká ekemeyoká, ubaa gál gál fursam ˈguoká bibisuoká shíícholle ˈguoká, tá gál gálaat ˈdú ˈjeˈjeenká, ubaa gál gálaat hujichaamle met ki ˈgieká, héétí gál afano éíy taaka hogodhoká.


Aaléka, ˈdaa nyár kúnnaa Abolloskáka, yáá mú af burnayká ki guofsie, giri mu gál nyaaramká hol egeet, gaal itín hí af kí ˈdeˈdeenká. Tá mu íínka, káána hé aleđuđugul muí ka yiimetká muuniny. Mu kar argeka, hai ká yiimedhe, af haí kí ˈdeeme.


ˈDúˈjím Waag hí ye shiicheká in yú hujich ki nie. Hát máá gil óg-, é ˈdiˈdisokáka, yáá ál ˈdúwa-, gaalí ˈbíl ˈdiˈdisoká gáál argisie, gál kinaal hé ál kinaallá ˈbíl gaa ˈdiˈdiso. Tá gálaat hí hol ˈdeeˈdeen, hí ˈbíl hát ˈdabaanká ˈdiiˈdisso.


Hát káána Báulo yíekaʼ, Abóllos yíekaʼ, Kéfas yíekaʼ, lésallá yíekaʼ, luolmít yíekaʼ, kúfach yíekaʼ, báral yíekaʼ, bár ˈdaatika yíekaʼ, hééllá lulle hékícho.


Máá áár fafuoká ubaa máá áár bie fafuoká hé áár ma ˈdiˈdisiny. Áár Waago hí ˈdiˈdisicha.


Fayam Midhaballá ˈdiiyiminyle har yú hol kí muˈdeka, af kinaalka yú he gaa argeka kalat. Tá yáá hújíchallá hol ma kí múran, hújíchallá Waago hí ye kí murate, in yú nannaa.


Tá gaal har he gede Kiristo hol yegetka, yaa súm gáál ˈdú gédéch Kiristo. Yú meka hát máá me hí ˈjieˈdeká ˈdéé ká hogodho. Yaa gáál hújích fargogoká súm ˈdú nie, yú ubaa gaal íínka yaa gálaat ye af burnayká ki hiigidhe, yaa gálaat ye af burnayká ki tune, yaa af burnayká kúfach bala gáá bie.


Hé gaa édhká he kieye, itín hí hát warˈgat hújích kínyaa ke hí hurt gaa nieká ˈdaalleka Kirísto hí veereká. It warˈgátáállá, it Kirísto hí ˈgór mé dhátká ma ki véériny, mu Waag bííyyo ali iđoká hí Hím Naasanle ki veere. Mu hé he veeritééllá waar ˈdug ma gaa véériny, he veeritééllá ger kíchia muí gaa veere.


Nyiin Waago úba nyí he hol af iđinylé kaanáállá hújíchle nímle uritle shiiche. He hol af iđiny kaanáállá hé hemuumurit Móshe hí veereká ˈdaalle ma ki taaliny, Hím Naasan Waaˈgieto ˈdaalle ki taalla. Hemuumurít íín kúfacho gáál mé ki kokoyyo, Hím Naasan Waaˈgiet íín luolmíti gáál yé ˈdú ˈdeđicha.


Aaléka, ˈdaa giri Waag nyí geer guuralle hújíchallá mé ki koyyééllá, nyáá nyí ma giinany.


Nyiin nyáá nyí dhúrkínyo hékínyo ma ˈdiyiminy, nyiin Yiesu Kirísto hát he Máá Guđoká nyí ˈdiyeenne. Yíésúúllá ˈdaalle in nyí gedekícho ki chie.


Nyiin nyí hát ibilaam kamur Waaˈgietallá hí gaa iđoká. Yaalmitééllá in fargogint ˈdúwáállá hát nyiin nyí yé ma gáá ˈdeˈdeminy-, Waag yé gáá ˈdeˈdeennoká gaalí kiimita.


Hééllá lulle Waago hí hatallá ká kokoyyo. Waag íínííllá Kirísto ali gáá kaayye, Kirísto muun ubaa Waag gáál hol hilsie. Waag úba nyíínííllá nyí hujich shiiche, giri gálaat ubaa mu íín nyí hol higilsichoká.


Aaléka, nyííni nyí Waag hol hujich ˈgar nanniyyóóllá, gillo ke hí ki efe, Waag ˈdúˈjímlé hí argiyyééllá haí eeshêny.


ˈDaa kinaallá in hát lullé nyí iđaká ubaa he lullé nyí ekemeychoká ˈdaalleka gálaat hát nyiin nyí gede Waaˈgietká kiimita. Hatallá in hééllá lulle nyí mé ki chichirsata: gálaat nyí maanyjasia, nyí aayˈgasia, nyí he il ká aargisia,


ˈDúˈjím ubaa fargogint Waag hí ye shiicheká in ye máá Fayam Midhaballá hol gaa sisidhoká hoyche.


Tá hát ˈdabaanká ˈgée, iiy yeen kíchia hí ˈgayyáállá taalle chiˈdíe, hé Waag hí af iđiche-, hí Fayam Midhaballá gaa maalle-, hí met egetééllá haí sug ki níiny. Fayamééllá he Fayam Midhab Kiristo-, gaalí les geer lulle gaa ˈdiyime-, yáá Báulo lééllá hí gédéchlé gálaat ki ˈdiyeenká yíéllá.


Yáá gédéch gál Kiristóóllá hújíchallá Waago hí ye mé ki koyye, giri yú hí ˈdeeny Waaˈgiet alulle ki ˈdiyeenká.


Yáá Máá kúnnaa Guđo Yiesu Kirísto ye farguogoyóóllá gielmít hol ˈdú nannuo, ˈdaa giri mu ye máá hí af ˈduwasuoká ká dhaay-, ye hújíchle mé ki koyallá.


Máádhat hé shiicho-, Hím Naasan Waaˈgiet gaa argeká hí héllé shiicho kinaallá hújích Waaˈgiet gálaat ki naannuo, hí ˈdúˈjím Waaˈgiet hát ˈdabaanká hát lulle gálaat aargisuo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ