Korínto Erká 3:23 - Fayam Midhab Yiesu Kiristoká He Hol Af Iđiny Kaanaká

²³ Itín íín Kirísto hí le, Kirísto íín Waago hí le.

Korínto Erká 3:23 ပူးပေါင်းရင်းမြစ်များ

Matááyo 17:5

Aalé mu hátle ˈdéé af ká ˈgaa, nyáˈdów édh gogoká gáál buanne, gaal ˈdéé hót nyáˈdow gáá ˈgisate-, kieye, Hééllá he Iny chia yú giel-, ye geer gaa meeyká. Mú af nee kóo, chieká maale.

Yuána 17:18

Hát ye les ali ˈdu gáá kaayyééllá, yú úba yáá gáál alb fie.

Yuána 17:21

giri gaal lulle tikiˈd yegetká. Baabá, hát kuun ye gaa iđo-, yú ko gaa ijóóllá, gaal íín úba hí muun gáál gaa yíéđuo, giri les gálle hát kuun ye ali gáá kaayyeká iiy yegetká.

Róóma 14:8

Muun hátlé ke les ˈdug ˈdú ijóóllá, les ˈdug ˈdú iđinykúnno Waago ke gaa ˈduuwasia. Héétí ke kufeka, kúfáchkúnno Waago ke gaa ˈduuwaya. Aaléka, ke les ˈdug ˈdú ija yíekaʼ, ke kuf yíekaʼ, Waago gáál le.

Korínto Erká 11:3

Hééllá hí hol eiy gaa nannasatoká yú fede, máá yab me hí Kirísto, máá ˈdiet me hí máá yáb, tá Kirísto me hí Waag.

Korínto Erká 15:23

Uushim yiem gáá ˈdím aleđuđaatle hatallá: erkob Waag Kirísto uushich yé gáá ˈdeeyche, héétí af giri Kirísto hol ká nannaatká gál Kirísto hí léká Waag hí uushim yiem gáá ˈdeđicha.

Korínto Erká 15:28

Tá af giri he met lulle Kirísto kansimle gim gaa ijoká, mu ííni Iny Waaˈgietallá dhúrle úba Waag gimmo hol gaa iđimia, giri Waag he lúl mé ki taalká.

Korínto Erká 7:22

Gédéch Máá kúnnaa Guđo hí ká vieká, Máá kúnnaa Guđoká ˈdaalleka, he máá Waag hí mé fuˈdeká. Hát tikiˈdééllá máá af giri Máá Guđoká hí ká vevemeká gedech ma onnônyká, íín káánaka, he gédéch Kiristo.

Korínto Erká 8:6

Tá Waag íín hát tikiˈdeká hé ke óg. Waag kúnnaallá he ˈJaa kúnnaa he met lulle ka kuone-, muun ke ki ijoká. Héétí, Máá kúnnaa Guđoká íín hát tikiˈdeká hé úba ke óg. Máá kúnnaa Guđóóllá he Yiesu Kirísto giri he met lulle ˈdaalle Waag hí kí kuonne-, ˈdaalle múún ke ki ijoká.

Korínto ki Naamaká 10:7

Itín gálaat ˈdugo hí gáá dhaˈgasanna. Hurt kíchiallá gál hol gál Kiristo ka dhaˈgasanallá hí geđi tawuo, hí hééllá met ká ˈguo, hát gaal íín he gál Kiristóóllá nyiin úba nyí gál Kiristo.

Galátia 3:29

Itín har hí gál Kiristo kátaka, af kinaalka hí um Abiraayam, um ˈdúˈjím Waag hí Abirááyam af iđicheká aargiroká.

Galátia 5:24

Gál Yiesu Kirísto hí lééllá hé balt gaa nyakaridhe-, hí gónle gaa iđeká ˈgór đarám yaalká ˈdú reey.