Korínto Erká 3:18 - Fayam Midhab Yiesu Kiristoká He Hol Af Iđiny Kaanaká

¹⁸ Máádhat hai hol nyiimísan. Itín mú tikiˈd hol máá ˈdaalléká ká dhaayka, máá kinaallá innum gál lesallokáka hí máá đeechká yeet, giri mu ˈdaalim Waaˈgiet ˈdaa ki liiletká.

Korínto Erká 3:18 ပူးပေါင်းရင်းမြစ်များ

Matááyo 13:22

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Matááyo 18:4

Máá hol ˈdúúw rio-, hol veel ninni-, hatallóólla hoyoká in Guch Uratiká gálle lulle ˈdú guđo.

Márko 10:15

Yú hí hé ˈdúwaká geeye, máá Guch Waaˈgiet hát umut ninniká ma ka hilinyká hé Guch Waaˈgiet ma higiliny, yie.

Lúka 18:17

Yú hí hé ˈdúwaká geeye, máá Guch Waaˈgiet hát veel ninniká iiy ma ka yeenká hé Guch Waaˈgiet ma higiliny, Yíésu hí gáál yie.

Lúka 21:8

Yíésu kieye, Hol ˈdeeˈdemíe, ha gaalí nyimísan. Gál burnayká meenychú hai kí yiimedhe, gálaat hai geđia, kieye, Yú he Kirísto, hai yeedhe. Héétí muuninyka, Ram hé hol kí beeyye, hai yeedhe. Tá itín haí gáál el gaa véériny.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 12:16

Gálaat hol ki midhanáa. Haí gál gálaat ˈdú ˈdúwaká hol ka dhaˈgáminy, tá gál gaalí gál ˈdúwaká ma ka dhaˈgaminyká úba hol ˈdóo. Haí gál súm ˈdaalle léká hol ka dháany.

Korínto Erká 15:33

Aaléka, ha gaalí bađisîny. Sheel ˈdeđewká húgúm midhabká hai ˈdeđeneyche.

Korínto Erká 3:17

Aaléka, máádhat har ˈbíl Waaˈgiet ˈdeđeneyoka, máá kinaallá Waag haí ˈdeđeneyche. Hé kinaallá he ˈdaa giri ˈbíl Waaˈgiet he ˈbíl saas mantiká. Tá ˈbíl Waaˈgiet he itíni.

Korínto Erká 4:10

ˈDaa giri nyiin nyí Kirísto hújíchle nanniyyáállá, innum gálaatka nyiin nyí gál đéeská. Itín íín kerka hí gál Kiristo ˈdaallelléká! Nyíín kerka nyí gál đááliská, tá itín kerka hí gál farguogoká. Itín kerka gál gaalí memeyoká, tá nyíín he gál gaalí egesheyoká.

Korínto Erká 6:9

Tá gál hé ˈdúwaká ma gaa seseminyká hát Guch Waaˈgiet ma higilinyká it múog? Aaléka, ha máádhat hí nyimísan, gál herginy buraaká gaa seseenká, gál waagam hódhoká vivisatká, gál hol ˈdú hergisanká, héétí herginy gál hol ki yaabká hí hol hergisanká gálle hé Guch Waaˈgiet ma higiliny.

Galátia 6:3

Máá taawuo-, kieye, yaa ˈdúwa, yeget-, kor máá káta-, mánká, hollo hol nyimite.

Galátia 6:7

Máádhat hai hol nyimísan, Waag egeshêny, Waag hé máá níínní hí af kar gaa ˈdaraanká mán. Máádhat héllé fafuoká in aargira.

Eféso 5:6

ˈDaa giri Waag gál hí af đuˈduse-, hé ˈdeđew kinaal gaa seseenká ˈdú idhanne-, gáál he il ká aargisichoká, máádhat haí ˈdeem nyag maamanká ki nyiimísan.

Tímote ki Naamaká 3:13

Héétí gál húgúmle ˈdeđewká ubaa gál hođomlé-, hol gál Waaˈgiet hođuoká biiy súm hai gaa ˈdeđendhe, gálaat hai baađisia, tá íín dhúrle úba ha gaalí baađisia.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.

Yákob 1:22

Haí hol nyimísan, hí hállééllá ˈdéé taalle tákámle nee kokôny, ˈdee héllé hogodhoká eekemeyyíe.

Yákob 1:26

Máádhat har hol máá ˈgíérích Waaˈgiet gaa igiroká ká dhaay-, kor hol ére mé ma dhaˈgaminyka, hollo hol nyiimita, mu ˈgíéríchlé Waaˈgiet gaa igiro kinaallá hé ˈdúúw mán.

Yuána Erká 1:8

Har ki kieye, hé ke nyuogim ubaa ađaabano mán ki yieka, af kinaalka hollo ki hol nyimite, ˈdeeny ˈdúwa-, Kiristóóllá hé gáál ma gaa iđiny.