Korínto Erká 3:16 - Fayam Midhab Yiesu Kiristoká He Hol Af Iđiny Kaanaká

¹⁶ Itín hí hát ˈbíl Waaˈgiet-, Waag Hím Naasanle hí gaa iđoká it múog?

Korínto Erká 3:16 ပူးပေါင်းရင်းမြစ်များ

Yuána 14:17

Máá kinaallá he Hím Naasan hí ˈduuw Waaˈgiet af ki tatuoká. Gál lesalloká ˈdaa giri mú aargiroká điidhe-, ubaa mú muogká in mu gáál ma ˈdú ˈjeˈjeminy. Tá itín ˈdaa giri mu íín hí hol af iđa-, muí gaa ijoká it mú óg.

Róóma 6:16

Itín hí máádhat ˈdú siete-, hí mú hemuumuritle iiy chie-, hí el gaa veeˈdeka, hát hí mú gedelle chieká, it múog? Aalé itín har hí hé ˈdeđew-, Waag hí ma fedinyká gedelle chieka, kúfacho hí hol mé ki koyye. Tá har hí Waag gedelle chieka, innum Waaˈgietka gál ˈdúwaká hí chie, luolmit biiyoká haí higilla.

Róóma 6:3

Múúni lul kúnnaa ke bie gim nadhe-, ke Kirísto hol ˈdú famééllá, hát ke Kirísto hol ˈgar kufeká, it muog?

Róóma 8:11

Aaléka, Hím Naasan Waaˈgiet Yíésu uushich yé gáá ˈdeeychééllá hé hí gaa iđo. Hát káána Yiesu Kirísto Waag hí geđi loolnoyche-, hí uushich yé gáá ˈdeeychééllá, gón kíchia kufunannóóllá úba mú Hím Naasanlé hí gaa iđóóllá ha muí ki loolnoyo.

Róóma 8:9

Tá itín har Hím Naasan Waaˈgiet hí gaa iđoka, it balt gonniet hí he ma ki mumuriny, Hím Naasan Waaˈgieto hí he ki mumuˈda. Máádhat Hím Naasan Kiristo manítaka, hé Kirísto hí ma lileny.

Korínto Erká 3:17

Aaléka, máádhat har ˈbíl Waaˈgiet ˈdeđeneyoka, máá kinaallá Waag haí ˈdeđeneyche. Hé kinaallá he ˈdaa giri ˈbíl Waaˈgiet he ˈbíl saas mantiká. Tá ˈbíl Waaˈgiet he itíni.

Korínto Erká 3:9

Nyiin hullaakínyo hújích Waaˈgieto nyí hol ˈgar nanniyya, itín íín he lés Waaˈgiet ke hí fieká. Héétí itín hí ˈbíl Waag hí ˈdiˈditoká.

Korínto Erká 5:6

Hát hí hol memeychóóllá hé tagle muuniny! Ađaab maa kinaallóóllá hát maat ninni-, ˈdúlo lulle buufaychoká ká taalká, it múog?

Korínto Erká 6:16

Máá gónle gón sharmuut hol higilsuoká hát íín ubaa sharmuut kinaal tikiˈd yeetká it múog? Hát Warˈgat Waaˈgiet hí hote-, kieye, Gaal hullaalle tikiˈd hai yeedhe, chieká.

Korínto Erká 6:19

Tá gónkícho hát Hím Naasan Waaˈgiet Waag hí shiiche-, hí gaa iđóóllá ˈbílléká it múog? Itín it hol ma lileny, Waago hí le,

Korínto Erká 6:9

Tá gál hé ˈdúwaká ma gaa seseminyká hát Guch Waaˈgiet ma higilinyká it múog? Aaléka, ha máádhat hí nyimísan, gál herginy buraaká gaa seseenká, gál waagam hódhoká vivisatká, gál hol ˈdú hergisanká, héétí herginy gál hol ki yaabká hí hol hergisanká gálle hé Guch Waaˈgiet ma higiliny.

Korínto Erká 9:13

Gál ˈBíl Waaˈgiet hújíchle nannuoká héllé geereká hé shiicho-, gaalí ˈbíl kinaal ka sidheká gaa aargiroká it múog? Héétí kúb suoryoká gál hí hújíchle nannuoká suoryam kinaal ˈbaal hát gáál ˈguomléká it múog?

Korínto Erká 9:24

Af giri gálaat hol ˈdam ki ekemesetká, gál burnayká hát hol ki kirmisat-, tá mú tikiˈd tákámle gáál lulle in ká ˈdeen-, gaalí hé shiicho shiguoká it múog? Aaléka, hát ˈdabaanká kiritíe, giri hí hé shiicho aargiˈdoká.

Korínto ki Naamaká 6:16

ˈBíl Waag hí gaa iđoká hé waagam hódhoká úba hí gaa ijo? Múún he ke ˈbíl Waag bííyyo ali iđoká, hát Waag hí héle hote-, kieye, Gáál hurt ha yú gaa yíéđima, gáál hollo nyí hol ˈgayya. Yú gáál Waagle hai yeedhe, gaal íín gálchú hai yeedhe, chieká.

Tímote Erká 3:15

giri gál ˈbíl geer Waaˈgiet húgúmlé ki ijoká kuuní ógká. Gál ˈbíl geer Waaˈgietallá he Waag bííyyo ali iđoká gállé. Gálallá hát ˈbíl áár, gaal hé ˈdúwa-, Waaˈgietká he úr ki chichiˈda.

Tímote ki Naamaká 1:14

Hújích ˈdúwa-, Waag hí ko gíl geer gáá kaayyééllá, fargogint Hím Naasan Waaˈgiet muun gáál gaa iđóóllá ˈdaalleka in ki ˈdé.

Héberew 3:6

Kirísto íín he Iny Waaˈgiet, máá Waag umle hát ˈdabaanká mé ki yaalká. Múún íín he ke um Waaˈgiet. Hé kinaal har muun ke hé ki ˈduuwle óg-, ke hol bal ki ˈdaraan-, ke met egessóóllá hát ˈdabaanká ke ki yaalka.

Yákob 4:4

It Waag af gaa taannéel, hé lesalloká geelnetle hát Waag nebítiká it múog? Máá hé lesalloká geelnetká kídhích Waaˈgieto hol hoy.

Bétiro Erká 2:5

itín úba hát hí waar luogol-, Waag hí ˈbílle ki ˈdiˈdisatoká. Itín úba hí Waag gállé suoryo-, Waag hí taak koote-, suor kíchia hodhinne-, hí Waag shigichoká ˈdaa Yiesu Kiristoka Waag hí met gaa egeetoká.

Yuána Erká 4:12

Hé máá níínní kálta Waag il ki argeká mán. Tá muun har ki hol gielnítaka, Waag hé gáál gaa iđo, gielmitle muun gáál hidh ki ariyye.