Korínto Erká 3:10 - Fayam Midhab Yiesu Kiristoká He Hol Af Iđiny Kaanaká

¹⁰ ˈDúˈjím Waag hí ye shiicheká in yú hujich ki nie. Hát máá gil óg-, é ˈdiˈdisokáka, yáá ál ˈdúwa-, gaalí ˈbíl ˈdiˈdisoká gáál argisie, gál kinaal hé ál kinaallá ˈbíl gaa ˈdiˈdiso. Tá gálaat hí hol ˈdeeˈdeen, hí ˈbíl hát ˈdabaanká ˈdiiˈdisso.

Korínto Erká 3:10 ပူးပေါင်းရင်းမြစ်များ

Matááyo 24:45

Aalé Yíésu gáál heete, kieye, Gédéch ˈdúwa-, ˈdaallé-, hújíchle hát ˈdabaanká nannuoká he gédéch máre? Gédéch kinaallá he gédéch máállé guđoká hí gede éíy taaka met gaa koyka, géde ˈguom aleđuđugul urgúa gaalí gaa shiguoká gaa shiguoká.

Matááyo 7:24

Aaléka, máá ˈdeeny chiallá maalo-, ˈdéé el gaa igiroká hát máá ˈdaallé-, ˈbílle tiirt waar ˈgayyoká ˈdug gaa ˈdisseká.

Lúka 11:35

Édhúm ko gon gaa ijoká, ebá tág dháash, hai bííy gaa ongʼoˈdeká onnôny.

Lúka 21:8

Yíésu kieye, Hol ˈdeeˈdemíe, ha gaalí nyimísan. Gál burnayká meenychú hai kí yiimedhe, gálaat hai geđia, kieye, Yú he Kirísto, hai yeedhe. Héétí muuninyka, Ram hé hol kí beeyye, hai yeedhe. Tá itín haí gáál el gaa véériny.

He Ekeny Gál Alb Fimiká 18:27

Aalé Abóllos sieny Akaya hí ka hileká, gál nyaaram al kinaalloká hí guofsie. Gál nyaaram kinaal warˈgát gál nyaaram Akayaká ˈdú veere, giri gaal mú egeet-, mú máállé dheeˈgo hođisatká. Aalé Abóllos Akaya ki ˈjieká mu gál ˈdaa gielmit Waaˈgiet ˈdugaka Yíésu iiy yieká hát ˈdabaanká yiir gaa chiˈde.

Róóma 1:5

Mu íín ˈdaalleka in Waag nyí ˈdúˈjímle ká shiiche, nyí gállé alb fimiká hosote, giri kidh hátlé met hí hol ká eiyyeká nyí Fayam Midhaballá ki ˈdiyeenne-, gaal fayám iiy yeget-, Waag met gaa kekeen-, meeny Kiristo ˈduuwayoká.

Róóma 12:3

Hújích ˈdaakíchoka Waag hí ye mé ki koyye-, yú nannúóllá ˈdaalleka, lulkícho yú hí geeye, ˈduuw hí ma lilenyká haí hékícho hóson, tá ˈdaa iiy yeenkícho ˈdaˈdab Waag hí eiy eiy shiichéélláka, máádhat hí hol hát ˈdabaanká eiy naasat.

Róóma 15:15

Tá ˈdeem yú hí ˈdu gáá vereno-, yú ma ka kaanallá, he giri yú hí ˈdeem um ˈbaal tabano kí gagadhoká. Hééllá he ˈdaa giri Waag ye ˈdúˈjímle ká shiiche-,

Róóma 15:20

Yú alb gálle Fayam Midhab Kiristóóllá maaleká yáá sienyle ma ˈdú fafîny, yú alb gálle Kirísto moonnoyká fayamééllá gaa ˈdiyimeká gófle ˈgie.

Korínto Erká 3:11

Hé ál éíy taaka-, gaalí ˈbílallá gaa ˈdidissoká mán. Ál yú gáál argisie-, ˈbíl guogoychóóllá, he Yiesu Kirísto.

Korínto Erká 9:2

Har káána gáál ˈbáál ye máá ali gaa kaanyká ma ká dhaˈgaminyka, itín gon it ye máá ali gaa kaanyká ká dhaˈgasanna. ˈDaa giri itín hí Máá kúnnaa Guđoká iiy chie-, hí mú gálle chíéllá, hé kinaallá he kieye, yú he mú máállé ali gaa kaanyká.

Korínto ki Naamaká 10:15

Nyáá nyí hújích gál eiy hí nieká hol bal ma ki ˈdaraminy. Hé nyí feˈdoká, he giri iiy yeenkícho higirayyo-, hújích kínyaa ki hí hurt kíchiallá gaa nannúóllá biiy bash ki yeget-,

Eféso 2:20

ˈBíl geer Waaˈgietallá gál Waag hí ˈdéé ká shigicheká ubaa gál alb fimiká Waag hí ˈdug gaa ˈdite, Yiesu Kirísto íín he ˈbíl áár.

Kolosááya 1:29

Hééllá ˈdugaka in yú lađama, fargogint Kiristo ye gaa iđo-, ye hujich ki nannasatallá yú hujich ki nannaa.

Kolosááya 4:17

Arkíbos geeyyíe, Hújích Máá kúnnaa Guđo gaal hí ko ka shíéllá bééso, mú yeedhíe.

Dhesaloníke Erká 3:2

in nyí Tímote giri nyár kínyaa ˈdaa Waaˈgietka nyí hol hújích Fayam Midhab Kiristóóllá ˈgar nanniyyáállá ke hí ali ˈdu gáá kaay, giri mu itín hí iiy yeenkícho gaa higirasuo-, hí gogofsuo-,

Tímote Erká 4:16

Iđiny kua iđoká ubaa he onisiny kua gáál oonisichoká ˈdeeˈdémo, taalle gaa yíéđig, ˈdaa giri hééllá ekeycheka, ˈdéé ki iđiny Waaˈgiet kúún dhúrkú ubaa gál ko af nee kokuoká ha ká riata.

Tímote ki Naamaká 2:15

Hát ˈdabaanká laađámo, giri Waag innumle kí ˈdeˈdeenno-, Waag geer gaa memesichoká. Máá hújíchlé nannuoká midhab-, kern hí ma ˈgiˈgin-, ˈdeeny Waaˈgiet ˈdúwáállá hát ˈdabaanká eiy nannasat-, gálaat oonisuoká áat.

Yákob 3:1

Nyaaramchú, itín gúch haí gál gálaat he oonisuoká chéen. Múúni ki gálaat he oonisúóllá hát Waag gáál súm ˈdéé ki iđimichoká hé ki óg.

Bétiro Erká 4:11

Har máádhat héllé shiichoká ˈdeeny Waaˈgiet ˈdiiyiminy kátaka, hí ˈdéé hát ˈdabaan-, lođuđugulleká ˈdiiyeen. Mu har héllé shiichoká gálaat hát lulle kuol gaa chiran kátaka, hí fargogint Waag hí shigichoká hujich ki naannuo, giri he lulle ˈdaa Yiesu Kiristoka, Waag hí ˈdúúw gaa aargiˈdoká. ˈDuuw ubaa fargogínt taalle bííyyó biiyo hí Waag hélle yeet. Iiy-hí, he hí hát kinaallá yeet.

Bétiro ki Naamaká 3:15

Hééllá mé ka ˈgáa, Máá kúnnaa Guđoká geer guurallé ˈguoká in hol ki momoyo, gál burnayká hí rubach ki aargira. Nyár kúnnaa ki giel-, Báulo lééllá, ˈdaalim Waag hí shiicheká ˈdugaka in hí ˈdéé hót tikiˈdééllá úba ˈdu gáá veere.

Kí Edhesiny 21:14

ˈJien đírle waar he ˈdú yaalká tomon tikiˈde a naama. Waar kinaal gaalí meet gál giri tomon tikiˈde a naama-, alb fimi-, Elinyiká gaa veere.

Kí Edhesiny 21:19

Waar ˈjien đírle hí ˈdú yaalká waar ˈduuˈdúwa-, ˈdabaan-, met hí hol ká eiy eiyyeká gaalí ki bukay. Wár erkobká he wár gaalí yásbis yegetká, wár ki naamaká he wár gaalí safíros yegetká, wár ki seđeká he wár gaalí kalkéˈdon yegetká, wár ki afurká he wár gaalí samáragˈdos yegetká,