Korínto Erká 2:6 - Fayam Midhab Yiesu Kiristoká He Hol Af Iđiny Kaanaká

⁶ Tá nyiin nyáá nyí ˈdeem ˈdaalimoká gál hirayká ki ˈdiyeenne. ˈDaalimééllá hé ˈdaalim lesalloká ubaa ˈdaalim guguch lésallá met ki ˈgiiyyo-, guguchle el met hí ˈgiidhóóllá muuniny.

Korínto Erká 2:6 ပူးပေါင်းရင်းမြစ်များ

Matááyo 13:22

Ár ál híí ˈgayyoká les gaa ˈdaneká hélle he hát máá ˈdeeny Waaˈgiet maaleka, ˈdéé iiy yeet-, kor hé lesalloká ˈgar kirmisat-, kamur lesalloká hí lalaat-, hát Waag hí feˈdoká el ma gaa igirinyká.

Matááyo 19:21

Aalé Yíésu mú geey, kieye, Har he lulle tág gaa taalloká feˈdoka, sí, hé kua ˈgayyoká el gaa mádish, bírellé hí yé gáá ˈdiiyyoká gál he maamanká eiy gis, hát kinaallá in kamúr úratíá ká ˈgayya. Hééllá đusicheka káde, ye el gáá véer, Yíésu hí mú yie.

Matááyo 5:48

Aaléka, hát ˈJaa kíchia úr ijoká hí tagléélláka, itín úba gál tagléká yiedhíe, Yíésu hí gáál yie.

Lúka 16:8

Aalé máá giri guđoká máá hí aanyle mé ki yiel-, aany ki aaˈdumeká hinyamlé koy kinaal meey. Gál lesalloká hé ˈdaalim gállé lesalloká hurt ki seseenká ˈguo. Gál édhúm Waaˈgiet gaa ijoká íín hé ˈdaalim hatallo-, gál lesalloká hurt ki seseenká mán.

Korínto Erká 1:28

Gál lésalka gaalí gál ˈdúúw mánká ka dhaˈgasanká ubaa hé gaalí il bís ki dhaˈgasan-, gaalí egesheyóóllá hé Waag hí waarate, giri hé gál lesalloká hí hé ˈdúwaká ka dhaˈgasanká Waag hí hé káta mánká hođichoká.

Korínto Erká 12:8

Mááká Hím Naasan Waaˈgiet ˈdéé hót ˈdaalimoká hí shigicha, héétí mááká Hím Naasan Waaˈgiet tikiˈdééllá ˈdéé hót he onyiká hí shigicha.

Korínto Erká 14:20

Nyaaramchú, kaskícho hai kas um niginiká onnôny. Hát um nigini-, hé ˈdeđewká muogká yeedhíe, tá kaskícho hí kas gál hirayká cheet.

Korínto Erká 2:1

Nyaaramchú, af giri yú hí ˈdu gáá yimie-, yú hí hé geer geđi-, Waaˈgietká fayamle ki ˈdiiyimeká, yáá hí hát máá ˈdéé huogon súm ógkáka ma ˈdu gáá yímen, yáá ˈdaalimchú ma ki ˈdiiyíminy.

Korínto Erká 2:13

Muun hé ke hogodhóóllá hé ˈdéé hót ˈdaalim gálaat ke gaa onodheká ki ma ki hogon, muun ˈdéé hót Hím Naasan Waaˈgiet hí gáál onisicheká ki hogodho, giri tawuny Hím Naasan Waaˈgiet yé gáá ˈdeˈdeenká ke ˈdeem Hím Naasan Waaˈgiet hí gáál ka shiichééllá ke gálaat eiy ki nannuoká.

Korínto Erká 2:8

ˈDaalimééllá hé guguch lesalloká hé máá níínní hí eiy nanateká mán. Gaal ˈdaalimééllá eiy nannasânka, hé onnônyka Máá kúnnaa Guđo-, ˈdúúw ˈgúóllá ˈgór đarám yaalká ma ˈdú yegésiny.

Korínto Erká 3:1

Nyaaramchú, múún ke hol af ijeká yáá hí hát gál Hím Naasan Waaˈgiet atimle el gaa igiroká ma ka geđîny. Yú af kinaallá itín hát gál hé metle ki seseen-, nigini-, Kirísto ma ki hirânyká hí ká geđie.

Korínto ki Naamaká 1:12

Nyiin hé midhab-, nyí ekemeyche-, nyí ki ˈgađasannoká nyáá nyí ˈgayya. Hé kinaallá he húgúm ˈdúwa-, leđuđugulle-, Waaˈgiet nyí lésallá ki iđa-, ke hí hurt ki ijóóllá. Nyiin nyáá nyí ˈdaalim gálaat lesalloká el ma gaa igiriny, nyíín geer guura Waaˈgieto nyí ki iđa, nyí af tatiyya.

Korínto ki Naamaká 13:11

Aaléka, nyaaramchú, ger hí gaa meet, hiráa, gúóf ˈgáa, kas tikiˈdeká ˈgáa, hol naanná ki yíéđía. Waag kúnnaa gielmít ubaa naanná ˈgayyóóllá hí gaa yíéđiyyo.

Korínto ki Naamaká 4:3

Nyiin Fayam Midhab-, nyí ˈdiyeennallá har hé gálaat kasle ma higilinyká kátaka, af kinaalka gál Kirísto iiy ma yéen-, bađay-, kas hí chúgká tákáma he mé ma híliny.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Kolosááya 1:28

Aaléka, nyáá nyí fayam Kiristo gálaat lulle ki ˈdiyeenne. ˈDaalim kínyaa lúl nyí ˈgayyaká nyáá nyí gálaat af ki tatiyya, nyí gáál ki oonisicha, giri gáál lulle nyí Waag metle egeyyo-, gaal Kirísto ki higirawká.

Kolosááya 4:12

Máá kíchia Ebáfaros giri gédéch Yiesu Kiristoká úba hé hí naa ká yie. Mu hé aadh lulle lađaan-, hí Waag kí vivisat-, giri itín hát Waag hí feˈdoká hí kiimisata-, hí higirayya-, hí tág ˈgiiyyaká.

Héberew 5:14

Tá ˈguom gogiyyoká gálle íín he gál ˈdeeny Waaˈgiet ki hiray-, kás kaadhdhe-, hé midhabká ubaa hé ˈdeewká hol eiy gaa nannasatká.

Héberew 6:1

Aaléka, ha ke he onisiny erkob-, Kiristo-, ke onodheká taalle gaa íđiny, kí biiy met ki siet, giri ke mú ˈdeenyle ki higirawká. Hé erkob ke onodhe-, hát káána he ekeny ˈdúúw mánká ke haađuo-, ke Waag iiy yeen ká ˈguoká, hé kinaallá he hé ke ógká muunîny?

Yákob 3:15

ˈDaalim hatallo-, hódhóóllá hé úr ma gáá léen, ˈdaalimééllá he ˈdaalim lesallá. Hé ˈdaalim Waaˈgiet muuniny, he kídhích Waaˈgiet ˈdaalimlé.

Yákob 3:2

Múún lulkúnno hát burnayká ki he ˈdeđeneye. Máá kálta af ma koˈdosîny-, erelle aadh lulle mé raraatká, he máá súm hiray-, gónle lulle mé ki yaalká.

Bétiro Erká 5:10

Aalé hí á níínni mare manyjayyeka, Waag gáál hát lulle ˈdú ˈjeˈjeenno-, hí ka viiyye-, hí Yiesu Kirísto gáá naate-, hí Waag ˈduuwlé biiyoká ka hilleká, Waag íín dhúrle haí biisicha, haí ˈdiita, far haí googonoycho, hidh haí aruanna.