Korínto Erká 2:4 - Fayam Midhab Yiesu Kiristoká He Hol Af Iđiny Kaanaká

⁴ héétí ˈdéé hótchú ubaa ˈdiiyiminychú yáá hát ˈdéé óny-, ˈdaalimo lesalloká ma ki húógon, Hím Naasan Waaˈgiet fargogintlé yú ki ˈdiyime,

Korínto Erká 2:4 ပူးပေါင်းရင်းမြစ်များ

He Ekeny Gál Alb Fimiká 20:27

He fedit Waaˈgiet hé níínní yú hí in ka kaayká mán, lulle yáá hí ki ˈdiiyime, muí gáál yie.

He Ekeny Gál Alb Fimiká 26:28

Aaléka Agiríba Báulo geey, kieye, ˈDeeny gáá gaaw-, huogotééllo, đo ye máá Kiristo hođicha? yie.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Róóma 15:19

Hím Naasan Waaˈgiet fargogintle ííni hé fargogo-, gálaat hí il ki aargiro-, hí af ˈdaˈdaboká ekemeyche. Hatallá in yú hát ˈdabaanká Fayam Midhab Kiristóóllá ˈjien Yerusalem tá ˈjíig lés Illuriko lulle gaa ˈdiiyime.

Róóma 16:18

Gál hat kinaalloká hé Máá kúnnaa Guđo Kirísto hújíchle ma nanniny, gaal hé metlé hújíchle nannaa. Gaal ˈdeemano salsaloká ubaa ˈdéé hót he gálaat ki memeyoká he gálaat geđia. Yaalmitééllá in gaalí gál met af gaa guguđoká ki nyiimita.

Korínto Erká 1:17

Kirísto hé ye gálaat bie gím nímle ali ma ˈdu gáá káany. Mu Fayamlé Midhaballá ˈdiiyiminylé ye ali ˈdú gáá kaay, giri yú fayamééllá hát ˈdee onyiká ma ki ˈdiiyiminy-, kúfách Kirísto hí ˈgór đarám yaalká ˈdú kufeká ˈdiiyiminyle fargogínt ma ˈdaabinyká.

Korínto Erká 2:1

Nyaaramchú, af giri yú hí ˈdu gáá yimie-, yú hí hé geer geđi-, Waaˈgietká fayamle ki ˈdiiyimeká, yáá hí hát máá ˈdéé huogon súm ógkáka ma ˈdu gáá yímen, yáá ˈdaalimchú ma ki ˈdiiyíminy.

Korínto Erká 2:13

Muun hé ke hogodhóóllá hé ˈdéé hót ˈdaalim gálaat ke gaa onodheká ki ma ki hogon, muun ˈdéé hót Hím Naasan Waaˈgiet hí gáál onisicheká ki hogodho, giri tawuny Hím Naasan Waaˈgiet yé gáá ˈdeˈdeenká ke ˈdeem Hím Naasan Waaˈgiet hí gáál ka shiichééllá ke gálaat eiy ki nannuoká.

Korínto Erká 4:20

Guch Waaˈgiet hé ˈdéé hót ma ki iđiny, Guch Waaˈgiet fargogínti he ki iđa.

Korínto ki Naamaká 6:6

Hé Waag hí ma fedinyká nyí hol gáá momoycho, nyí ˈdaalím ubaa ger gaa gúch, tá ger guurá ki seseenne. Hím Naasan Waaˈgiet nyí gaa iđóóllá nyí af tatiyya, nyí gielmit ˈdúwaká gálaat ká ˈgayya.

Galátia 1:10

Yú hatallá yegetallá in gálaato ger gaa memeyee? Ebá Waago geer gaa memeye? Yú meeny gálaat hí ye memeyoká hol gaa ˈgéˈgédhe? Híʼi, yú hátle meeny gálaat hí ye memeyoká hol gaa ˈgéˈgenka, yáá onnônyka gédéch Kiristo ma yégen.

Kolosááya 2:4

Hééllá yú hí geđúóllá he giri máádhat hí af ma ˈdú nannasan-, ˈdeeny hí ki lalaatká hí ma ki nyiimisanká.

Dhesaloníke Erká 1:5

Hééllá he ˈdaa giri ke hí Fayam Midhaballá hát ˈdééká tákámle ke hí ma ˈdú gáá sîn, tá fayám ˈdaa giri fargogint Waaˈgiet ubaa Hím Naasan Waaˈgiet kí chimieká in itín hí fayám ˈduuwle tág og. Af giri ke hol af ijeká itín yaalmit ˈdaakíchoka nyí ki iđeká it óg.

Bétiro Erká 1:12

Gaal fayamééllá ˈdiiyimeká Waag hé hát gaal hol hujich ma ki nannîny-, itín hí hujich kí nannieká hé gáál argisiche. Gál káána hí fayam tikiˈdééllá ki ˈdiiyimééllá hé Hím Naasan Waaˈgiet úr yé gáá ˈdiiyyeká fargogintle hí ki ˈdiiyime. Waag gállé ˈgasso-, urruká úba hééllá hol eiy gaa nannasatká hé tág fedo.

Bétiro ki Naamaká 1:16

Af giri ke hí geey-, Máá kúnnaa Guđo Yiesu Kirísto fargogínt hollo hol kí nanadha-, ki hí yieká, hé kinaallá hé hib điđamo-, gálaat hí hol af tág kí koyká muuniny. Yíésu ˈduuwle íín íl kínyaa nyí ki argiyye.

Bétiro ki Naamaká 2:18

Gaal ˈdeem churshamo-, ˈdúúw mánká he hogodho. Gaal gál ˈjobintéél hé gaa nyakarichká kar gáá ˈdaneká he laladhdha, balt gónlé gaa nyakaridheká he gáál af ki ˈgoˈgoˈdo.