Korínto Erká 2:12 - Fayam Midhab Yiesu Kiristoká He Hol Af Iđiny Kaanaká

¹² Aalé káána, Hím Naasan muun gáál gaa iđóóllá hé hím naasan lesalloká muuniny, Waag Hím Naasanlé muun gáál ká shiiche, giri hé Waag hí gáál ˈdú ookodmichééllá ki eiy nannasatká.

Korínto Erká 2:12 ပူးပေါင်းရင်းမြစ်များ

Róóma 8:1

Aalé káána ameeny gál Yiesu Kirísto ˈdú fameká, hé Waag hí ma ˈdeđensen.

Róóma 8:32

Waag Inyle ma kulnásan-, ˈdaa kúnnoka ká sillichééllá hé úba he met lulle hát geer gaa midhantiká gáál ma ká shígîny?

Korínto Erká 1:27

Gál lésalka gaalí gál đéeská ka dhaˈgasanká hé Waag hí waarate, giri gál ˈdaalleléká kern ˈgiˈgidhichoká, héétí gál lésalka gaalí gál farguoginsam mánká ka dhaˈgasanká waarate, giri gál farguoginsam ˈguoká kern ˈgiˈgidhichoká.

Korínto Erká 2:6

Tá nyiin nyáá nyí ˈdeem ˈdaalimoká gál hirayká ki ˈdiyeenne. ˈDaalimééllá hé ˈdaalim lesalloká ubaa ˈdaalim guguch lésallá met ki ˈgiiyyo-, guguchle el met hí ˈgiidhóóllá muuniny.

Korínto Erká 3:22

Hát káána Báulo yíekaʼ, Abóllos yíekaʼ, Kéfas yíekaʼ, lésallá yíekaʼ, luolmít yíekaʼ, kúfach yíekaʼ, báral yíekaʼ, bár ˈdaatika yíekaʼ, hééllá lulle hékícho.

Korínto ki Naamaká 4:4

Máá lesallo-, hol Waag hođuo-, Sátanlééllá hé gál Kirísto iiy ma yegenallá kasle chúg hoy, giri gaal Fayam Midhab Kiristo-, máálle ˈdúwa-, yaalmit Waaˈgiet ˈgúóllá ˈduuwle ma kiimisanká.

Eféso 2:2

Af giri hí hé ˈdeđew-, lesalloká gaa seseenneká, it af đuˈdusiny ubaa ađaabano kinaallá gaa iđe. It úba aryáán máállé guđo-, aryáán bííyle kansimle ˈguoká ˈdeenyle el gaa veeˈde. Máá kinaallá ííni gál Waag af đuˈdusanká he gaa mumura.

Yákob 4:5

ˈDéé hót ˈdaa kúnnoka Warˈgat Waaˈgiet gaa iđoká kieye, Sidham muun gáál gaa ijóóllá hé tág gajált ˈguo, chieká, hálééllo hatal chie?

Yuána Erká 2:20

Tá itín it Máá saas mánká hé hí Hím Naasanle shie, lulkícho it hé ˈdúwaká óg.

Yuána Erká 2:27

Tá itín it Hím Naasan Waaˈgiet Kirísto gaa argiyye. Hím Naasanééllá hé hí gaa iđo. ˈDaa kinaallá ˈdugaka in hí máá hí hé ˈdúwaká oonisuoká ma hegesen. Hím Naasanééllá he máá hí he met lulle oonisuoká. Hé Hím Naasanééllá hí oonisichoká hé hé hódhoká muuniny, he hé ˈdúwaká. Hát Hím Naasan Waaˈgietallá hí onisichééllá, Kirísto gaa yíéđía.

Kí Edhesiny 12:9

Aalé áních guđo-, giri chár hele-, gaalí Waag kídhíchle ubaa Sátan yeget-, les gálle lulle nyiimisatallá gaalí les kí lay, mú gállé ˈgassoká úba gaalí les kí laalame.

Kí Edhesiny 22:6

Aalé máá ˈgasso-, urru-, kinaal geđi ye geey, kieye, ˈDeenyééllá he ˈdeeny ˈdúwa-, ˈduuwawká. Máá Guđo Waag gál he ˈdeem ka shigieká Waaglééllá hé máállé ˈgasso-, urruká ali gáá kaay, giri mu Waag gedelle hé ˈjobintéél yé gáá ˈdeˈdeenká aargisuoká, ye yie.