Korínto Erká 16:12 - Fayam Midhab Yiesu Kiristoká He Hol Af Iđiny Kaanaká

¹² Aaléka, ˈdaa nyár kúnnaa Abolloskáka, yáá mú af burnayká ki guofsie, giri mu gál nyaaramká hol egeet, gaal itín hí af kí ˈdeˈdeenká. Tá mu íínka, káána hé aleđuđugul muí ka yiimetká muuniny. Mu kar argeka, hai ká yiimedhe, af haí kí ˈdeeme.

Korínto Erká 16:12 ပူးပေါင်းရင်းမြစ်များ

Korínto Erká 1:12

Hé yú hogodhóóllá, itín mú tikiˈd kieye, Yú máá Baulo, máátí kieye, Yú máá Abollos, máátí kieye, Yú máá Kefas, máátí kieye, Yú máá Kiristo, hí chegedhe.

Korínto Erká 3:5

Aaléka, Abóllos he mááya? Héétí Báulo he mááya? Nyíín taalle nyí gede Waaˈgiet, giri hí ˈdaakínyoka fayam Kiristo iiy ki chieká. Nyíín hullaakínyo hújích Máá Guđoká hí nyí met eiy ki kuokoyká nyí nanniyya.

Títo 3:4

Tá Waag Rúbách kúnnaallá af giri geer gaa midhantle ubaa gielmitle gálaat argisicheká, hé muun gáál riiyye.

Korínto Erká 3:22

Hát káána Báulo yíekaʼ, Abóllos yíekaʼ, Kéfas yíekaʼ, lésallá yíekaʼ, luolmít yíekaʼ, kúfach yíekaʼ, báral yíekaʼ, bár ˈdaatika yíekaʼ, hééllá lulle hékícho.

He Ekeny Gál Alb Fimiká 18:24

Aalé máá Yuuˈdi gaalí Abóllos yegie-, Alekesánđara gaa ˈdalidhe mare Eféso kí ˈjie. Mu íín he máá ˈdaalím hí guđo-, Warˈgat Waaˈgiet hát ˈdabaanká ógká.

He Ekeny Gál Alb Fimiká 24:25

Aalé Báulo gálaat hát ˈduwantiká ki ijoká ubaa gálaat hé ˈdeđewká hol gáá momoyoká, tá kúlích ká chiimeto gálaat Waag hí ˈdéé ki iđimichoká yaalmitle gáál geđieká, Felíki đo neey, Báulo geey, kieye, Aalé káánaka sí, af mákártaká ha yú ko ká veeme, mú yie.

Márko 6:21

Waaséél kúlích Heróˈdias hí ˈjiirtle yé ki ˈdeđisatká bííyle ká biˈde. Kúlích kinaallá he kúlích Heróˈde hí gál guguđo-, gubaayá met ki ˈgieká ubaa yuoy gállé kaansúoká, tá gál Galilaaya-, guguđoká golmuo-, muí ˈdalmaatle táb gaa ˈdoˈdootká.

He Ekeny Gál Alb Fimiká 19:1

Aalé af giri Abóllos Korínto gaa ijeká, Báulo lés Galatia ubaa lés Firgia gaa kie, mu ˈgíérích ˈdug iifeká nadhe, Eféso ki ˈjie. Mu ál kinaal gál Yíésu iiy yie mare hol gaa arge.

Títo 3:13

Hát lulle ˈdé, Dhénas hemuumurít eiy ním ógallá ubaa Abóllos ál kinaal gaa kekeenká gaal héllé he ˈgierich ki nannaat-, he biiy ki higiloká ki ebísso.

He Ekeny Gál Alb Fimiká 15:34

Sílas íín ál Antiok kinaal ki ˈgite.]