Korínto Erká 15:4 - Fayam Midhab Yiesu Kiristoká He Hol Af Iđiny Kaanaká

⁴ Héétí mú hé gaalí galie, tá gíl ki seđeká mu hé loolnodhe, Waag hí uushich yé gáá ˈdeeyche. Warˈgat Waaˈgiet úba hé hééllá hote.

Korínto Erká 15:4 ပူးပေါင်းရင်းမြစ်များ

Matááyo 12:40

Yónnas hát beech geer kulich ubaa chúúre seđ gaa ijeká, Iny Máádhat úba uushich kulich ubaa chúúre seđ hai gaa rafama.

Matááyo 16:21

Ameeny kinaallá in Yíésu lalille geey, giri Yerúsalem mé nannuo-, ál kinaal káru ubaa gál guguđo-, suoryoká tá gál nyatalaamká hí manyjasiny guđoká mé ki kokuo-, gaalí yeges-, tá kúlích ki seđeká Waag hí logolnoycho-, Waag hí uushich yé gáá ˈdeđichoká.

Matááyo 20:19

Gaal kídh gíl geer hai ye gaa kakaa, giri gál kinaal ye ˈdú kosolon-, ye tuuˈd ki tuuno-, ye ˈgór đarám yaalká ˈdú yegeská. Tá kúlích ki seđeká sídhchú geđi hollo ye hol ˈdu gáá naata, uushich yé ha yú gáá ˈdeeme, Yíésu hí gáál yie.

Lúka 24:26

Messíya hé hééllá il hí ma aargíriny? Tá hé kinaal el ˈdaal hé guchle ma higíliny? Yíésu hí gáál yie.

Lúka 24:46

Mu gáál geey, kieye, Warˈgat Waaˈgiet hatallá gaalí gaa veere: Messíya ha gaalí yeese, tá kúlích ki seđeká sídhle hollo hí hol ˈdú naata, uushich yé hai gaa ˈdeeme.

Lúka 9:22

Mu kieye, Iny Máádhat manyjasiny guđoká gon il haí aargiˈda. Gál káruká, ubaa gál guguđo-, suoryoká, tá gállé nyatalaamká haí điidhma, ha gaalí yeese, tá kúlích ki seđeká Waag uushich yé haí gáá ˈdeđicha, Yíésu hí lalille yie.

Yuána 19:38

Aalé héél el ˈdaal, Yúósef giri máá ˈjien Arimatayaká Bilááto heete, giri gón Yiesu egeetká. Yúósef he máá lali Yiesu, tá ˈdaa giri he gál Yuuˈdi kikiadheká íín ˈgerellé he yiel. Mú Bilááto hí ˈdéé met gaa eedhdheká, mu ká yimie, gón Yiesu eedhdhe.

He Ekeny Gál Alb Fimiká 1:3

Aalé mú manyjasinyle ubaa kúfáchle el ˈdaal, mu gállé waaˈde kinaal af burnayká hol yé ˈdu gáá ˈdeey, tá hé burnay-, máálle hát geđi luolká ˈduuwle gaalí kiimisatká muí gáál argisie. Rám tomonaam afur kinaal mu gáál hol yé ˈdú gáá ˈdeeđieká mu Guch Waaˈgiet ˈdeenyle huogodhe.

He Ekeny Gál Alb Fimiká 17:31

Waag hé kúlích ˈdeeká taak koyye. Kúlích kinaallá máá muí gíl ki helieká ˈdeem hát ˈduwantiká gálaat eiy hai ki nannaa. Waag hééllá ˈduuwle hé gálaat lulle argisiche, hé máá kinaal uushich yé gáá ˈdeeyche, Báulo hí gáál yie.

Róóma 6:4

Aaléka, ˈdaa giri ke bie gim nadhe-, ke Kirísto hol ˈgar kufeká, yíéđiny kúnnaa kissoká úba mán chie. Hát káána ˈJaa kúnnaa Waag fargogintlé ˈdúúw ˈgayyo-, Kirísto uushich yé kí ˈdeeychééllá, in Waag muun úba gáál luolmit kaanaká shiiche, giri ke yíéđiny kaanaká ke ki ijoká.

Kolosááya 2:12

Héétí hát káána Kirísto kufe-, gaalí galie, uushich yé gáá ˈdíéllá, itín úba bie gim hí naateká, it kuyye, hí uushich yé gáá ˈdiiyye, hí luolmit kaanaká argiyye. Hééllá lulle ˈdaa iiy yeen kíchia hí fargogint Waaˈgiet ká ˈgayya-, Waagle Kirísto uushich yé gáá ˈdeeycheká he ká nadhe.

Héberew 13:20

Aaléka, Waag Máá kúnnaa Guđo-, ˈdúwa-, wála ˈdeˈdeen-, Yíésu lé-, ˈdaa fásleka he hol af iđiny biiyóóllá ˈduwayallá uushich yé gáá ˈdeeyche. Waag ííni naanná ˈgayyóóllá hí he lullé ˈduuˈdúwaká gerkícho fiiyyo, giri hé midhab muí itín gaa fedoká hí ekemeychoká. Waag hí ˈdaa Yiesu Kiristoka gerkúnno hujich gaa naanniyyo, hí muun gál mú geer gaa memesuoká hoycho. Aaléka, kí Yiesu Kirístóóllá taalle bííyyo meemeyo. Iiy-hí, he hí hát kinaallá yeet.

Bétiro Erká 1:11

Hé gaalí eiy naasanle fedeká he manyjasiny Kiristo yaalmisanolle ubaa manyjasinyle aleđuđugullé, tá hé ˈdúwa-, burnay-, midhab-, manyjasiny kinaal el gaa igiroká eiy naasanlé. Hím Naasan Kiristo gál kinaallá gaa iđeká hé gáál kíssóótí ˈdeem manyjasiny ubaa hé ˈdúwa kinaal geeyche.