Korínto Erká 15:34 - Fayam Midhab Yiesu Kiristoká He Hol Af Iđiny Kaanaká

³⁴ Kas ˈdúwaká ˈgáa, hé ˈdeđew-, Waag hí ma fedinyká hayyíe. Yú hí geeye, hééllá gon he kern ˈgin, ˈdaa giri itín ˈbaal hí Waag muogká.

Korínto Erká 15:34 ပူးပေါင်းရင်းမြစ်များ

Matááyo 22:29

Aalé Yíésu gáál ˈdéé hol ˈdú nie, kieye, Itín Warˈgat Waaˈgiet ˈdeenyle ubaa Waag fargogintle ˈdaa giri hí muogká in hí hééllá ˈdeeneyche.

Yuána 5:14

Aalé waaséél máá midhandheká ˈBíl Waaˈgietká álle mé nieká Yíésu mú ˈdú sedhe, mú geey, kieye, Bá dháash, kó midhante, ha geđi ađááb hol ˈdú náan, hé súm ˈdeewká ko mé gáá ˈjíiny, mú yie.

Yuána 8:11

Min kieye, Máá Guđo, hé mán, chie. Aalé Yíésu kieye, Yáá úba ko ma ˈdeđensen, sí, ha geđi ađááb híliny, yie.]

He Ekeny Gál Alb Fimiká 26:8

Waag gál kufeká uushim yiem gáá ˈdeđichoká hí iiy chegetká, in hatal súm farro hí ki gogínta?

Róóma 1:28

Aalé ˈdaa giri gaal Waag óny hát hé ˈdúwaká ma ká dhaˈgaminy-, ma chichiranká, in Waag gáál kaslé ˈdeenete kinaal ˈdú hayche, hé onnônyka gálaat hí ma ekemenyká ekemeye.

Róóma 13:11

Aaléka, ˈdaa giri báral hát ka beeyyeká hí ógká, ram gaa kée, in banáa. Bár ke Kirísto iiy yieká fag, kúlích muí gáá ˈjeˈjeen-, muí muun gáál gaa ririanká ˈjob.

Korínto Erká 4:14

Hééllá yú hí ˈdú gáá veerééllá, yáá hí kern ma ˈgiˈgidhiny, itín hát um chia yú gielká yú hí af ká tataa.

Korínto Erká 6:5

Yú hééllá hodhééllá itín gon it hawul hí eete. Itín úba it máá tikiˈde-, ˈdaallé-, hurtkícho gaa ijo-, gállé nyaaram-, hol ˈdeem af ma ki mamalinyká ˈdéé eiy ki nannuoká mân?

Korínto Erká 8:7

Tá ˈdéé hót ˈdúwáállá hé gálaat lulle hí muog. Gáál ˈdáá tikiˈd ˈdaa giri hé gaalí waagam yegetallá in eiy kí ˈdeeyká, káána úba aany gaalí waagam kinaal suoryam ki hoyká sogimle koeyka, in gaal hátle sogim kinaal sogim waagam kinaal hí léká ká dhaˈgama. ˈDaa giri gáál kas hí ma hirânyká, in gaal sogim kinaal koeyka, kerka sogim kinaal hí ađááb mé ki kokoo.

Eféso 5:14

ˈdaa giri edhum íín he lulle ka eedhesuoká. Yaalmitééllá ˈdugaka in gálaat kieye, Kó rafanannóóllo, in eiy ˈdéesh, kúfach yé gáá ˈdé, Kirísto édhúmle hí ko gaa veero, gaalí yegedhe.

Dhesaloníke Erká 4:5

Héétí balt ˈdeew-, gál Waag muogallá hí gaa seseenallá úba hí ma gaa seseminyká.