Korínto Erká 14:6 - Fayam Midhab Yiesu Kiristoká He Hol Af Iđiny Kaanaká

⁶ Aaléka, nyaaramchú, har yú hí ˈdu gáá yimie-, afano Hím Naasan Waaˈgiet yé gáá ˈdeˈdeenká hogodhoka, hé kinaallá meete ˈdúwa hí gaa aargiˈda? Tá yú hí hé Waag hí ye kí edhesicheká yíekaʼ, ˈdéé hót ˈdaalimoká yíekaʼ, ˈdeeny Waag hí ye ká shiicheká yíekaʼ, héétí he onisiny yíekaʼ, hééllá hé mákártaká yú hí ˈdu gáá sidheka, ití bal mé ma ki kakaan?

Korínto Erká 14:6 ပူးပေါင်းရင်းမြစ်များ

Matááyo 11:25

Bár kinaal Yíésu kieye, Baabá, Máá Guđo úr ubaa les lééllo! ˈDaa giri kuun hé gál ˈdaalelle-, hínyaská in ká kaayyeká đalbááya eiy naasanle shiicheká, gielmitlé yú ko hol ˈdú gáá nannaa.

Matááyo 16:17

Aaléka, Yíésu Bétiro geey, kieye, Símon, iny Yonnas, kó Waag ko ˈdú ˈjiiyye. Hé hotééllá hé máádhát hí ko ma kí edhesîny, ˈJaa chia úr ijoká hí ko kí edhesie.

Matááyo 16:26

Máádhat he les lulle liledhe-, tá Waag điidhe-, sídhle Waag gaa ˈgisateka, mu in hé ˈdúwa-, yé ˈdú ˈdeˈdeenká hé ˈgúo? Máádhat sídhle hé hé lesalloká in gaa nannuo ririan?

He Ekeny Gál Alb Fimiká 2:42

Gál Yíésu iiy yie kinaallá aalé đo gál alb fimiká hol af yíéđie, gáál he onisinyle nee kuokoy, gáál balashá hol ˈgar goolmote, tá hol Waag ˈgar viivite.

Róóma 15:14

Nyaaramchú, itín hát hí súm ger gaa ˈdabaan-, ˈdaalim hí hol af ki tatiyyaká lulle hí ˈgayyaká, yáá tág óg.

Róóma 16:17

Nyaaramchú, gillo yú hí ki efe, gál gálaat hol eiy gaa ˈgiˈgidhuo-, hé ˈdaa Kiristoka gaalí oonisieká el ˈgiˈgisat-, hí ˈdaa eiy ki riitisuoká hol ˈdeeˈdeemíe, gaa fagandhíe.

Róóma 6:17

Aalé it giri érléká hí hé ˈdeđew-, Waag hí ma fedinyká gedelle onnoyyeká, it káána he onisiny Waaˈgiet hí argiyyeká hol ˈdú hayche, hí el gaa veeˈde. Hé kinaal ˈdugaka Waag hí ˈdúúw eet!

Korínto Erká 10:33

Yáá úba lađaan, giri hát lulle gálaat lulle yú ger gaa memeyoká. Yáá hé ye ki midhabká table mé ma ki sisin, hé gál eiy ki midhabká tablé mé ki sisidha, giri gál ilishká rubach aargiroká.

Korínto Erká 14:1

Aaléka, gielmít ˈgany ˈdú laađamíe. Héétí hé shiicho Hím Naasan Waaˈgiet hí gálaat shigichoká feditle ˈgáa, tá hé shiicho-, gálle Waag hí ˈdeem ká shigicho-, ˈdiyeenká feditle súm ˈgáa.

Korínto Erká 14:7

Fuorit ubaa hé éíy taaka gaalí arram ki ˈdaraan-, sidham mánnallá gaalí hát ˈdabaanká arram ma ki ˈdaraminyka, gálaat hé arram kinaallá hát ˈdabaanká eiy nannasat?

Korínto ki Naamaká 11:6

Har úba káána yú gáál ˈbáál innumleka ˈdiiyiminy súm móíytaka, yáá ˈdaalím ˈguo. Nyáá nyí hát lulle ke hí hééllá ká argisie.

Korínto ki Naamaká 12:1

Har káána hol meeny úba ˈdúúw manítaka, bá yú geđi ˈdéé hol ˈdú hoogodho. Yú hé Máá kúnnaa Guđoká hí ye argisie-, tá hí ye kí edhesieká ˈdeenyle ha yú hí ká geđia.

Korínto ki Naamaká 12:7

Har káána úba yú hé súm ˈdúwa-, Waag hí ye edhesichééllá argeka, Waag hé yú máá súm ˈdúwaká hol ká dhaˈgasanká ma fediny, in hiit ye ki ˈgite. Hiitééllá he Sátan máállé ˈgasso-, ye maanyjasuoká.

Eféso 1:17

Máá kúnnaa Guđo-, Yiesu Kirísto ˈJaallé Waag ˈdúúw ˈguoká taalle ha yú rogonmo, giri muí Hím Naasan ˈdaalimo-, ubaa he hol eiy gaa naasanká ká shiguo-, tá hí mú hát ˈdabaanká eiy nannasatoká.

Eféso 3:4

ˈDeeny yú ka verenóóllá hí tuoycheka, Waag ˈdeenylé geer geđi-, Kiristóóllá hát yú ógká haí kiimisata.

Filíbi 3:15

Múúni ke ˈdaa Kiristoka ki hirayyallá lulkúnno kí kas hatallóóllá ˈguo. Tá itín hí hát eiy tawuyyeka, Waag hééllá úba eiy haí kí nanniyya.

Tímote ki Naamaká 2:14

Gáál hééllá mé gaa káab, gáál Waag metle hát ˈdabaanká gaa géesh, giri gaal ˈdéé hót hol ki fáláámle hurt ma higilinyká. Hol ki fálaam hatallóóllá hé hé níínní midhab hí yé gáá ˈdeˈdeenká mán, gál hí nee kokuoká he baađisicha.

Tímote ki Naamaká 3:10

Aaléka, kó he onisinychú, iđinychú, hé yú ˈdú lađaanká, iiy yeenchú, geer gaa guchchú, gielmitchú, ubaa mé ki chirsanchú kó el gáá veeˈde.

Tímote ki Naamaká 3:16

He lullé Warˈgat Waaˈgiet gaa ijoká Waago yé gáá ˈdie. Hééllá lulle he onisiny, ubaa il gíl gaa helíti, tá atími, héétí gálaat iđiny Waag hí ki feˈdoká yé ˈdú ˈdeenyo ki midhab,

Tímote ki Naamaká 4:2

ˈDeeny Waaˈgiet ˈdiiyímo, aadh lulle hát lulle tág yáal, giri gálaat af tatiyyo-, il gíl gaa helisanno-, hát ˈdabaan-, geer gaa guchiká gáál ki gogofsicho-, gáál he oonisichoká.

Títo 3:8

ˈDeeny yú hí ka geeyallá hé ˈdúwa. ˈDeenyééllá kuun hí af ki googonoychoká yú fede, giri gál Waag iiy yieká hé midhab he ekemeyoká hí mé les gaa ˈdaraanká. ˈDeenyééllá he ˈdeeny ˈdúwa-, gálaat ki midhabká.

Héberew 13:9

Ha he onisiny met hí hol ká eiyye-, ˈdeeny ˈdúwa-, hí onotééllá gaa taakaká hí láan. Gerkícho ˈdúˈjím Waaˈgiet hí fargoogonoychoka kalat. Nyatalaam ˈdaa ˈguomietáka gálaat hí hol af tág ki koyallá gíl sug ki hayyíe. Nyatalaam hatallóóllá gál hí el gaa veereká hé ál níínní yé ˈdú ˈdieká mán.

Bétiro ki Naamaká 1:5

ˈDaa giri Waag muun gáál hatal ˈdú ˈjiiyyeká, hát ˈdabaanká laađamíe. Iiy yeenkícho midhánt ˈdú chiˈdíe, midhánt kás ˈdú chiˈdíe,

Bétiro ki Naamaká 3:18

Tá Máá kúnnaa Guđo-, Rubachiet-, Yiesu Kirísto lééllá ˈdúˈjímle ubaa onyle ki hiráa. Káána ubaa bííyyo, ˈduuw taalle hí mú hélle yeet. Iiy-hí, he hí hát kinaallá yeet.

Yuána ki Naamaká 1:9

Ameeny máá he onisiny Kiristóóllá ma ki yaaliny-, he onisiny hol gaa lalaanká hé Waag hí ma gaa iđiny. Tá máá he onisiny Kiristóóllá ki yaalká hé ˈJaa kúnnaa Waag ubaa Inyle hí gaa ijo.