Korínto Erká 14:3 - Fayam Midhab Yiesu Kiristoká He Hol Af Iđiny Kaanaká

³ Tá gál Waag hí ˈdeem ká shigicho-, ˈdiyeenká íín gálaato geđia, ˈdeemle gálaato ˈdiˈdisa, gogofsia, úba aabunsia.

Korínto Erká 14:3 ပူးပေါင်းရင်းမြစ်များ

Lúka 3:18

Aalé mu gáál atim éíy burnayyeká geey, gáál Fayam Midhab Waaˈgietká úba shie.

He Ekeny Gál Alb Fimiká 13:15

Aalé hemuumurit Waag hí Móshe ka shiicheká ubaa gál Waag hí ˈdeem ka shigicheká ˈdeemle túóy hí đuyyeká, ˈbíl ˈdiiyiminyká gállé guguđo-, hí mé ki ˈgieká máádhat mú Báulo ali ˈdú kaay, kieye, Nyaaram kínyia Yuuˈdííllo, har ˈdeeny hí gálallá af ki tatiyyoká hí ˈgayyaka, ka kée, gáál af táa, yie.

He Ekeny Gál Alb Fimiká 14:22

Gaal ˈjien kinaal gál láliká yiir gaa chiˈde, gáál af tie, giri gaal hát ˈdabaanká iiy yeen tág chiiratká. Gaal gáál geey, kieye, Guch Waaˈgiet ki higiloka, hát hé guđoká il hí gáál aargiˈdoká kí onnow, gaalí yie.

He Ekeny Gál Alb Fimiká 15:32

Yúúˈdas ubaa Sílas giri dhúrle Waag hí ˈdéé ka shigicheká gál nyaaramká ˈdeem burnayká af ki tie, gáál guofsie.

He Ekeny Gál Alb Fimiká 4:36

Yúósef giri máá Levi, tá máá lés Kuburos, giri gál alb fimiká hí meeny Barnábas léká shieká léslé he lilayká úba bíre hidhdhe, bíre kinaal gál alb fimiká met ká sidhe. (Barnábas hélle kieye, Máá gáál gogofsuoká.)

He Ekeny Gál Alb Fimiká 9:31

Aalé af kinaal gál Kiristo lés Yuuˈdia ubaa lés Galilaaya tá lés Samaria gaa ijeká lulle hím a níínni mare nie. Gaal Hím Naasan Waaˈgiet hí fargogonoyche, mú ˈdúˈjímle gaa yíéđie, Máá Guđoká a maale, met gaa keekeme, úba heere.

Róóma 12:8

Mu har héllé shiichoká gálaat guofsiny kátaka, hí gálaat ˈdaa Waaˈgiet ki guogofsuo, har héllé shiichoká gálaat kuol gaa chiran kátaka, hí geer gaa midhánt gálaat he ki shiiguo. Mu har héllé shiichoká gálaat hujichaamle mé ki yaalít kátaka, hí aadh lulle tág yaal, har héllé shiichoká gálaat geer guurá argisiny kátaka, hí hodhin midhabká gálaat ki aargisuo.

Róóma 14:19

Aaléka, hé naanná yé ká ˈdeđuoká ubaa hé ke hol ki gogofsuoká kí ˈdú laađaan.

Róóma 15:2

Múún lulkúnno nyaaram kúnnaa iiy yeenle đalidhééllá kí guogofsuo, giri gáál iiy yeenle higirayyoká.

Korínto Erká 10:23

Muun hé ke mé furit ke he lulle ki ekemeyoká ˈguo, kor he lúl hé gáál ma ki midhanany. Muun hé ke mé furit ke he lulle ki ekemeyoká ˈguo, kor he lulle hé gál Kiristo ma higirasiny.

Korínto Erká 14:12

Aaléka, ˈdaa giri hí hé shiicho Hím Naasan Waaˈgiet hí gálaat shigichoká gófle hí ˈgayyoká, hé shiicho gál Kiristo ˈdiˈdisoká laatle laađamíe, gáál kí ˈdiiˈdisáa.

Korínto Erká 14:17

Hé ˈduwa, kó Waag gielmít hát ˈdabaanká hol ˈdú nanniyyo, tá gál kinaallá íín hé Waag visan kuallá hí ma ˈdiˈdisiny.

Korínto Erká 14:26

Nyaaramchú, háteeye ki yeedhe? Af giri hí hol ˈdu gáá chiimet-, hí Waag hol ˈgar vivisatoká, mááká hé ár ka ˈdaraanká ˈguo, mááká hé he onisiny gáál af ki tatuoká ˈguo, mááká hé Waag hí kí edhesicheká ˈguo, mááká hé ˈdéé hót af Hím Naasan yé gáá ˈdeˈdeenká kí hogodhoká ˈguo, héétí hé máá ˈdéé hót af kinaal gáál eiy ki nannuoká ˈguo. He lulle hí hé gál Kiristo ˈdiˈdisoká onnow.

Korínto Erká 14:31

Hatallá in it lul kíchia Waag hí ˈdéé ka shigichóóllá hát taataká haí ˈdiyeenne, giri gálaat lulle he oonoot-, gofononká.

Korínto Erká 8:1

Aalé, yú aany gaalí waagam hódhoká suoryam ki hođuoká sogimle kóonyle yaalmitlé hí ye ka heeseteká yú hí hol ˈdú gáá naa. Muun lulkúnno hát ke hééllá ˈdaalimle ˈguoká hé ki óg. ˈDaalim máádhat hí ˈguoká íín hol meenyo mú yé ˈdú ˈdeđicha, tá gielmít íín máádhato he ˈdiˈdita.

Korínto ki Naamaká 1:4

Mu manyjany nyiin il hí nyí argiyyééllá lulle ˈdaalleka in mu nyí gogofsia, giri gál mákárta-, manyjany il hí argiyyeká ˈdaalleka nyiin úba nyí gál kinaal gogofsichoká. Góf muí nyí gogofsúóllá in nyiin úba nyí gál manyjany il hí argiyyééllá nyí ki gogofsicha.

Korínto ki Naamaká 2:7

Hééllá káána he af giri hí mú ˈdú ˈjeˈjeenne-, hí mú gogofsichaká, giri mú geer ˈdéént hí ma ˈdú iilshananká.

Eféso 4:29

ˈDeem ˈdeđewká haí af ger yé gáá ˈdeˈdéminy, gál hí af nee kokuoká ˈdeeny hí ki midhab-, hí gogofsuoká geeđía.

Eféso 6:22

Yú hí mú ali ˈdu gáá kakawallá he giri hí yaalmitkínyo maalla-, tá muí gogofsuoká.

Kolosááya 4:8

Yú mú hí ali ˈdú gáá kakawallá he ˈdaa yaalmit nyí állá ki iđoká hí mamallo-, mu hí gogofsuoká.

Dhesaloníke Erká 2:11

Nyiin hát urgúaka baabá hí umle ki seseenká úba ke hí ki sedheká, it óg.

Dhesaloníke Erká 2:3

Churiny ke hí chureká, hé ˈdaa nyimisan ubaa hé tagle muuninyká muuniny. Héétí úba hé ˈdaa điđamo muuniny.

Dhesaloníke Erká 3:2

in nyí Tímote giri nyár kínyaa ˈdaa Waaˈgietka nyí hol hújích Fayam Midhab Kiristóóllá ˈgar nanniyyáállá ke hí ali ˈdu gáá kaay, giri mu itín hí iiy yeenkícho gaa higirasuo-, hí gogofsuo-,

Dhesaloníke Erká 4:1

Nyaaramkínyo, aaléka, Máá kúnnaa Guđo Yíésu ˈdaallé ke hí gil ki efe, ke hí gogofsia, giri hát káána iđiny Waag geer gaa memeychoká hí nyí gaa onnote-, hí ki iđóóllá, yaalmit hat kinaallóóllá af ˈdú faafadhdhíe, ki yíéđía.

Dhesaloníke Erká 4:18

Héétí aaléka, hol ˈdéé hótééllá ki guogofsía.

Dhesaloníke ki Naamaká 3:12

Máá Guđo Yiesu Kirísto ˈdaalleka nyáá nyí gál hatallóóllá a tatiyya, gaal hí hujichaamle met hilio, hí héllé geere he kokuoká hujichaamlé kinaal gaa aargiro.

Tímote Erká 1:4

héétí gaal hibano gaalí hol af tág ki koyallá ubaa gáál meet eshim eshimlé túóylé el met ma gáá ˈgiˈginallá ma gaa iđinyká. Hé hatallóóllá in hol ki fálaam iilshanaya, hé he fedit Waaˈgiet-, giri gálaat Kirísto iiy yegetká ˈdaalle ma ki taaliny.

Tímote Erká 4:13

ˈDaab yú ma ka yímenká, gáál Warˈgat Waaˈgiet met gaa tuonyle, ubaa gáál guofsiny, tá he onisinyle hol ˈdú sílish.

Tímote Erká 6:2

Gál gédeká har gállé hí hoteká úba gál Kirísto iiy yieká kátaka, ˈdaa giri gaal ˈdaa Kiristoka hol nyaaraká gede hai gáál kian ka ˈdábiny. Hé kinaallá afleka, gede hí hát ˈdabaanká hujichaamlé kinaal naanuo. Gál gede hí hujichaam midhabká ki nannúóllá he gál úba Kirísto iiy yie-, ki gielallá. Atimééllá lulle hé gille kuuní gáál ki egefiyyo-, kuuní gáál oonisichoká.

Tímote ki Naamaká 4:2

ˈDeeny Waaˈgiet ˈdiiyímo, aadh lulle hát lulle tág yáal, giri gálaat af tatiyyo-, il gíl gaa helisanno-, hát ˈdabaan-, geer gaa guchiká gáál ki gogofsicho-, gáál he oonisichoká.

Títo 1:9

Mu hí fayam Kiristo ˈdúwáállá hát giri gaalí onisieká hát ˈdabaanká ki yaal. Hát kinaallá in mu he onisiny ˈdúwáállá gálaat af ki tataa, tá gál fayam Kiristóóllá fálaam gaa iđimuoká fáláámle hát tagle muuninyká gáál eiy ki nannaa.

Títo 2:15

Aaléka, he lullé yú ko kí tuoyallá gáál onísish, gáál guogófsish. Kuun kó fargogint máá he ˈdeđeneyoká il gíl gaa helisanno-, mú af tatiyyoká ˈgayyo. Máádhat hai ko eeshêny.

Títo 2:6

Gál yááb rúóreká úba af táátaʼ, gaalí kás kaat.

Títo 2:9

Gál gédeká af táátaʼ, giri gállé hí hoteká hát lulle met gaa kekeen-, gáál ger gaa memesuo-, gáál ˈdéé af hol ma ki nanninyká.

Héberew 10:25

Hát káána gáál ˈbaal hí ekemeyóóllá ha ke hol ˈdú síé hâny, kí hol ˈdú seeseen-, kí hol guogofsuo. Biiy el ˈdaˈd hát ka ˈjobonte-, ke kimitééllá kí hol súm guogofsuo.

Héberew 13:22

Nyaaramchú, ˈdéé hót chia gáá gaaw-, yú hí ˈdu gáá veere-, yú hí ki gogofsúóllá ger midhabká ki eedhdhíe.

Héberew 3:13

Aadh lulle, Biiy hátlé ke kúlíchallá, ke yegetallá hol guogofsía, giri itín mú tikiˈd ađaabano điđamle hí mé ma googononyká.

Bétiro Erká 5:12

Yáá hí warˈgat gáá gaaw-, nyár chia Silfáánas yú máá ˈdúwaká ka dhaˈgasanallá hí ye yiir kí chiˈdééllá hí ˈdú gáá veere. ˈDeenyééllá ha yú hí ki gogofsia. Yú hí geeye, af timmééllá he ˈdúˈjím ˈdúwa-, Waaˈgietká. ˈDúˈjím ˈdúwáállá hidh ki aría.

Yúúa 1:20

Sheel chia yú gielallo, itín he onisiny Waag hí ká shiichééllá tág chiˈdíe, ki hiráa, tá Hím Naasan Waaˈgiet hí fargogint hí Waag ki vivisataká shiigicho.