Korínto Erká 14:1 - Fayam Midhab Yiesu Kiristoká He Hol Af Iđiny Kaanaká

¹ Aaléka, gielmít ˈgany ˈdú laađamíe. Héétí hé shiicho Hím Naasan Waaˈgiet hí gálaat shigichoká feditle ˈgáa, tá hé shiicho-, gálle Waag hí ˈdeem ká shigicho-, ˈdiyeenká feditle súm ˈgáa.

Korínto Erká 14:1 ပူးပေါင်းရင်းမြစ်များ

Róóma 12:6

Waag hé múún lulkúnno gáál ˈdúˈjiyye, gáál hujichaam eiy eiy ká shiiche. Hujichaamééllá uritlé ke ki nannuoká he hé shiicho-, Waag hí gálle ka shigichoká. Máádhat héllé shiicho-, Waag hí shiicheká har ˈdeeny Waag hí ká shigichoká ˈdiiyiminy kátaka, hí iiy yeen he Kirísto ká ˈguoká ˈdaalle ki ˈdiiyeen.

Róóma 14:19

Aaléka, hé naanná yé ká ˈdeđuoká ubaa hé ke hol ki gogofsuoká kí ˈdú laađaan.

Róóma 9:30

Aalé hééllá háte ki gaa yeedhe? Har káána úba gál gál Yuuˈdi muuninyká Waag hí gál ˈdúwaká chegetoká kis mé ma ká ˈgiinyka, ˈdaa giri he Kirísto iiy yieká in Waag hí gál ˈdúwaká chie.

Korínto Erká 12:1

Aaléka, nyaaramchú, hé shiicho-, Hím Naasan Waaˈgiet hí gálaat shigichoká yaalmisanolle hí hát ˈdabaanká eiy nannasatoká yú fede.

Korínto Erká 12:31

Aaléka, hé shiicho ˈduuˈdúwaká feditle ˈgáa. Tá káánaka yú yaalmit ˈdúwa-, ke ki ijo-, yaalmisano lulle a mé ˈdú gíriká hí ká geđia.

Korínto Erká 13:13

Aalé káánaka, hé farguogo-, ke ˈguoká he iiy yeen ke Waag ka ˈguoká, ubaa hé ke met egessoká hát he ˈduuwawká ónyi, héétí he gielmíti. Tá hé seđééllá héllé hí a mé ijoká he gielmíti.

Korínto Erká 13:2

Tá yú Waag har ye gállé ˈdéé ka shigichoká mú tikiˈd hôny-, yú hé ger geđiká lulle ubaa ˈdaalím met lulle onnôny-, iiy yeen gumano alb gaa gugursichoká úba ˈgíiny-, kor gielmít mannânyka, yáá máá kátaká mán.

Korínto Erká 14:22

Aaléka, afano gálaat hí muogká huogonle he hé gál Kirísto iiy yieká ˈdiˈdisoká muuniny, he hé gál Kirísto iiy ma yéenká hí argeka, gáál taalle mé guuđanayoká. Tá ˈdeem Waag hí gáál ka shiicheká ˈdiiyiminyle he hé gál Kirísto iiy ma yéenká mé ma guuđanany-, héétí gál Kirísto iiy yieká ˈdiˈdisoká.

Korínto Erká 14:37

Máádhat har máá Waag hí ˈdeem ká shigichoká, muuninyka, máá Hím Naasan Waaˈgiet atimle el gaa igiroká hol ká dhaˈgasanka, hí ˈdeem yú ka veerééllá hát he hemurit Máá kúnnaa Guđoká yé gáá ˈdieká hí ká dhaayo.

Korínto Erká 14:39

Aaléka, nyaaramchú, ˈdeem Waag hí ká shigicho-, hí ˈdiyeennoká feditle súm ˈgáa, tá gál afano Hím Naasan Waaˈgiet yé gáá ˈdeˈdeenká hogodhoká haí afano kinaal huogonle gáá momôny.

Korínto Erká 16:14

He met lullé hí ekemeychoká hát gielmitiká eekemeyyíe.

Eféso 1:3

Máá kúnnaa Guđo Yiesu Kirísto ˈJaallé Waag gáál hé ˈdúwa-, hodhinne-, uratiká lulle gáál Kirísto ˈdaalle kí shieká, gaalí meeyo.

Dhesaloníke Erká 5:20

ˈDeem Waag hí gálaat ká shigichoká haí egeshêny,

Tímote Erká 4:14

Af giri karu Kiristo ko gil ˈdú fieká hé shiicho Waaˈgiet ˈdaa ˈdeeny Waag hí gaal íín ká shiicheká ˈdaalle ki argiyyeká ha hâny, eekémesh.

Tímote Erká 5:10

Héétí, min hiyesidhe-, túóy kinaal higilloká hí min húgúmle midhantle gálaat hí óg-, umle kuol kaayye-, dheeg geelneyye-, gál Kiristoká ˈgas ˈjiˈjiyye-, gál maanyjayká geer hí shâw ˈdú yegie-, tá hé ˈdabaan-, met hí hol ká burnayká ekenyle hol ˈdú silmicheká onnoyyo.

Tímote Erká 6:11

Aaléka, kó máá Waaˈgietallo, hé kinaallá hol ka río. Iđiny ˈdúwa-, Waag hí feˈdoká ubaa iiy yeen Kirísto ka ˈgayyoká, héétí gielmít ˈgany, mé ki chirsan, tá abúnt ˈgany lulle ˈdú laađámo.

Tímote ki Naamaká 2:22

Aaléka, balt gál rúóreká hí ˈguoká hash, hé Waag geer gaa memesuoká, ubaa iiy yeen, tá gielmíti, héétí naanná bala ˈdú naʼ, ˈdú laađámo. Kuun ubaa gál Máá kúnnaa Guđoká hodhinaam saas mánká ki vivisatká hol ˈgar laađamíe.

Héberew 12:14

Itín gálaat lulle hol naanná ki yíéđinyle ˈdú laađamíe. Héétí iđiny ˈdúwa-, Waag hí ki feˈdeká ˈdú laađamíe. Har máádhat iđiny ˈdúwa-, Waaˈgiet kinaal manítaka, hé Máá Guđo Waag ma aargiriny.

Bétiro ki Naamaká 1:7

húgúm Waag hí feˈdoká geer gaa midhánt ˈdú chiˈdíe, geer gaa midhánt gielmít ˈdú chiˈdíe.

Yuána ki Seđeká 1:11

Shééléch, ha hé ˈdeđewká eníminy, hé midhabká tákámle eenímo. Máá hé midhabká ekemeyoká he máá Waaˈgiet. Tá máá hé ˈdeđewká ekemeyoká hé Waag muog.