Korínto Erká 13:5 - Fayam Midhab Yiesu Kiristoká He Hol Af Iđiny Kaanaká

⁵ Gielmít hé hát kern mantiká ma ká seseminy, hé hátlé feˈdoká gálaat mé ma ki tatiny, hé ídho ma ˈjobonony. Gielmít hé gálaat héllé ˈdeđewká mé ma ki sisin,

Korínto Erká 13:5 ပူးပေါင်းရင်းမြစ်များ

Matááyo 5:22

Tá yú íín hí geeye, máá nyárle ˈdú idhanoká hé ˈdéé ki iđiny hí met egeto. Máá nyárle chaaro-, kieye, Kó đeechal, yeetká, hé ˈdéé ki iđiny Waaˈgiet hí met egeto. Tá máá nyárle chaaro-, kieye, Kó ˈdúúw mánnal, yeetká hí ˈjiet biiyoká met gaa onnow.

Matááyo 9:4

Yíésu gáál tawunyle kimiteká kieye, Háteka hí hé ˈdeđewká ger ki taawuyyáal?

Márko 3:5

Mu hát idhoká gáál ki fuˈjie, kor gáál met guogintléél hí geer gaa ˈdeeneyche. Mu máá giriká geey, kieye, Gíl fat, yie. Máá giriká gíl fadhe, đo gil hí midhandhe.

Lúka 7:39

Máá giri Farisaay-, Yíésu kiereká héél argeká geerle ki tawue, kieye, Máállá máá Waag hí ˈdéé ka shigichoká onnônyka, hé minnééllá yaalmitlé he taal-, máálle ađááb ˈgúóllá hé óg, yie.

Korínto Erká 10:24

Máádhat hai hé hí ki midhabká table tákámle mé ka ˈgíiny, hí hé gálaat ki midhabká table úba mé ká ˈguo.

Korínto Erká 10:33

Yáá úba lađaan, giri hát lulle gálaat lulle yú ger gaa memeyoká. Yáá hé ye ki midhabká table mé ma ki sisin, hé gál eiy ki midhabká tablé mé ki sisidha, giri gál ilishká rubach aargiroká.

Korínto Erká 11:18

Hé er yú hí geđuoká he hé yú maale-, kieye, itín hí hol ˈdu gáá chiimeto-, hí Waag vivisatoká, hí eiy ˈgiˈgisatoká. Fayam kinaallá yáá a níínni mare ˈdúúw hote.

Korínto Erká 12:25

Hééllá Waag hí ekeychééllá he giri gon hol eiy ma gaa ˈgiˈgisan-, gon lullé met hí hol ká eiyye-, hol ki ˈgiiyyóóllá hol rangʼisamká.

Korínto Erká 7:36

Tá máá ini đarm sidheká tawunyleka ini ˈgíérích midhabká ma ki nannaan-, ini aleđuđugullé eenká af yíé ˈdeeycho-, kor ííni yábká hol mé ˈdú yíéđiny manítaka, hí hát ˈdeˈdeenká ˈdie, gaal hí hol shuunat. Hé kinaallá ˈdaa Waaˈgietka hé ma ˈdeeneny.

Korínto ki Naamaká 5:19

Aaléka, Waag ˈdaa Kiristoka gál lesalloká ínnallé hol ˈdú gáá eeyye, gálaat ađaabanolle gaa eeyye. Tá Waag hé hújíchle nyiin nyí mé ki koyye, giri nyí gálaat fayam Kiristo-, fayamle gálaat ubaa Waag íínííllá hol higilsichoká ki ˈdiyeenneká.

Galátia 5:13

Nyaaramchú, itín mé furinyo Waag hí kí viiyye. Tá mé furitkícho haí kár giri hí balt gón kíchia gaa nyakaridheká ki geymisichoká hôny, hí mé furit gálle hol giel-, hol he ˈdú chichiratká onnoyyo.

Filíbi 2:21

Gaal lulle onnônyka Yiesu Kirísto ˈdeenyle ˈgar aayaˈgoká, íín taalle héllé ˈgar aayaˈga.

Filíbi 4:8

Nyaaramchú, hé eiy taaka-, úba yú hí ka geđuoká hééllá: Hé ˈdúwaká, hé gaalí kian ka ˈguoká, hé tagléká, hé saas mánká, hé gielmít hí gaa iđoká, tá hé gaa ˈdabaanká aadh lulle mé ka ˈgáa. Iiy-hí, hé súm midhab-, ubaa hé ˈdúwa-, gaalí memeyo-, hatallóóllá, aadh lulle mé ka gáa.

Dhesaloníke ki Naamaká 3:7

Itín dhúrkícho yaalmitkínyo hát hí ennianno-, tagléká it óg. Af giri ke hol af ijeká nyiin nyáá nyí gál gon hí he ma uu-urinyká muuniny.

Tímote ki Naamaká 2:10

Aalé gál Waag hí waarateká ˈdaalle ˈdugaka, yú he met lullé mé ki chiirta, giri gaal íín úba rúbách Yiesu Kirísto hí gáál shiguo-, ˈduuwle bííyyóóllá aargiroká.

Tímote ki Naamaká 4:16

ˈDéé hol ˈdú huogon chia erká hé máá níínní ye ˈdéé ˈdú chiˈdeká mán, gaal lulle hé ye hay. Tá hé kinaal ˈdaalleka, Waag hai gáál ˈdéé ki iđîny.

Yákob 1:19

Nyaaram chia yú gielallo, ˈdeenyééllá mé ka ˈgáa: Máádhat hí gálaat af nee kuokuo, hátlé ˈdéé ma húógonká hí erkob kasso, hí nog siet, hai ál ˈjob gáá iiđídhminy.