Korínto Erká 13:4 - Fayam Midhab Yiesu Kiristoká He Hol Af Iđiny Kaanaká

⁴ Gielmít he geer gaa gúchi, gielmít hé geer ka guurá ˈgayyo, hé hinááf mán. Gielmít hé hol meeny mán, hé ma muurshany.

Korínto Erká 13:4 ပူးပေါင်းရင်းမြစ်များ

Matááyo 27:18

Bilááto íín gaal hát Yíésu hinaafle hí faanne-, gaalí mú ˈdu gáá eeyká hé óg.

He Ekeny Gál Alb Fimiká 7:9

Aalé Yákob nyígéénylé kinaal nyárlé Yúósef hinaafle hí faanne, mú gál nigiˈd hol bíre gaa hidhdhe. Gál nigiˈd kinaal đo mú lés Misirayim ˈdú eedhdhe, mú marte, gál les kinaalloká mú gedech hote. Tá Waag íín hé mú ˈdeˈdeenne,

Róóma 1:29

Gáál saas ˈgany, ađááb, he hol ki fedíti, hé gaa nyakarichká, gajálti, nyuogich, hol oosó, ubaa hódho, tá điđám hí koch. Gaal gálaato heengʼeedhe,

Róóma 13:13

Kí hé midhab-, gaalí bííy kulichká gaa ekemeyoká eekemeyo, ha ke hé ˈdeđew-, hát káána herginy kern mantiká, bersh famíti, herginy gálle hol ma shúúnanká, hé gaa nyakarichká, hol gáá mony mánti, héétí hol oosó, ubaa hinááf ˈgany ha ke ˈgíiny.

Korínto Erká 3:3

ˈdaa giri itín hátle hí húgúm lesalloká ki iđaká. Hinááf ubaa hol ki fálaam hurtkícho gaa iđóóllá, hé kinaallá hát hí húgúm lesalloká ki iđa-, hí kas gálaat el gaa igiˈdaká ma ká yaalîny?

Korínto Erká 4:18

Ál kíchia kinaallá gáál ˈdáá tikiˈd hé tág balo buokosuo, amú kieye, mu hé ma ká yiimenno he yegedhe.

Korínto Erká 4:6

Nyaaramchú, ˈdaakícho ˈdugaka, hééllá lulle ˈdaachú ubaa ˈdaa Abollosso yú ki hodhe, giri hí hé Warˈgat Waaˈgiet gaa ijoká af yé ma ˈdeeminyká. Haí mú tikiˈd hol bal ki ˈdaráminy, máátí hí egeshêny.

Korínto Erká 5:2

Tá itín háteeye hí balo buokosicha? Hé kinaal afleka, it ger hí ma gaa ˈdeđenen? Máá hé kinaal ekemeyoká onnônyka hurtkícho haí gaa aruanna.

Korínto Erká 8:1

Aalé, yú aany gaalí waagam hódhoká suoryam ki hođuoká sogimle kóonyle yaalmitlé hí ye ka heeseteká yú hí hol ˈdú gáá naa. Muun lulkúnno hát ke hééllá ˈdaalimle ˈguoká hé ki óg. ˈDaalim máádhat hí ˈguoká íín hol meenyo mú yé ˈdú ˈdeđicha, tá gielmít íín máádhato he ˈdiˈdita.

Korínto ki Naamaká 12:20

Hé geerle ye gaa ˈdeewká, he yú bííykícho ká yimieka, it kálmaréél hát yú hí ki fedoká ma ká iđiny, in aaléka hé yú hí geđuoká kálmareka hí ma fediny. Hé yú hí ma gaa fedinyká, he hol ki fálaam, hinááf, ídho, hol eiy gaa ˈgiiˈgisan, hol méé ˈdeeneny, heengʼeen, hol gál ˈdúwaká ká dhaany, tá hol shalal fiiny.

Korínto ki Naamaká 6:6

Hé Waag hí ma fedinyká nyí hol gáá momoycho, nyí ˈdaalím ubaa ger gaa gúch, tá ger guurá ki seseenne. Hím Naasan Waaˈgiet nyí gaa iđóóllá nyí af tatiyya, nyí gielmit ˈdúwaká gálaat ká ˈgayya.

Galátia 5:26

Ha ke hol gál ˈdúwaká ka dhaˈgáminy, ke hol ídho yé gáá ˈdeđîny, ke gajált ˈgíiny.

Eféso 4:2

He met lulle hol ˈdúúw gaa ría, sáa yiedhíe, hol táa, he ˈdú faafadhdhíe, hát gielmitiká hol ˈdú ˈjeeˈjemíe.

Eféso 4:32

Midhánt ubaa geer guurá hol ka ˈgáa, hát Waag ˈdaa Kiristoka, hí ˈdú ˈjiiyyééllá hol ˈdú ˈjeeˈjemíe.

Filíbi 1:15

Kor gáál ˈdáá tikiˈd Kirísto hát hinaafietká ubaa hát hol af ˈdú eenyká he ˈdiyime, tá gáál ˈbáál tikiˈd hé Kirísto hát ˈduwantiká ˈdiyeen.

Kolosááya 1:11

It úba ke hí Waag kí vivisat, giri Waag guchlé he ˈgayyoká hí fargogintle hí far ki googoyyo-, hí mé ki chirsan ˈgayya-, taalle hí he ˈdú fafaataká. Aaléka ger hí gaa meemeet,

Kolosááya 2:18

Gál hol gál ˈdúúw ririanká hol hođuo-, gál ˈgasso-, urruká vivisat-, hé amádh gaa argoká memeyo-, ˈdeemle mé ˈdeerneyóóllá, hol ˈdeeˈdemíe. Mé furit hí ˈdaa Kiristo ki argiyyééllá ha gál hatallóóllá hí ka rían. Gál hatallóóllá hé hí kasle yé gáá ˈdeˈdeenká, hállééllá in he hol bal ki ˈdarama.

Kolosááya 3:12

Aaléka, it Waag hí waarate-, muí gálle hote-, muí súm gielallá, geer shâw ubaa geer guurá ˈgáa, hol ˈdúúw ría, sáa yeedhíe, he ˈdú faafadhíe.

Dhesaloníke Erká 5:14

Nyaaramkínyo, héétí ha ki hí gogofsia, gál he ma uu-urinyká af taatáa, gál síéramká guogofsía, gál đááliská yiir gaa chiˈdíe, tá gáál lulle ger gaa gúch aargisía.

Tímote Erká 6:4

máá kinaallá máá súm ˈdúwaká hol ká dhaˈgama, kor hé hé níínní ogká mán. Mu ˈdeem met ˈdaraan ubaa ˈdéé hót fálaam gaa iđimuoká taalle he fede. Hééllá hé hí yé gáá ˈdeˈdeenká he hinááf, shalal, ˈdeemano ˈdeđewká, tá hodhin ˈdeew-, gálaat ki nannaatká.

Tímote ki Naamaká 2:25

Héétí hí máá gál hí mé il gaa ˈgieká hát abuntiká af tatuoká onnow. Kálmaréél gál kinaal hodhinaamle Waag đig haí cheedhe, gaal Waag makan hai faama, hé ˈduwa-, Waaˈgietká hai oonoodho,

Tímote ki Naamaká 3:10

Aaléka, kó he onisinychú, iđinychú, hé yú ˈdú lađaanká, iiy yeenchú, geer gaa guchchú, gielmitchú, ubaa mé ki chirsanchú kó el gáá veeˈde.

Tímote ki Naamaká 4:2

ˈDeeny Waaˈgiet ˈdiiyímo, aadh lulle hát lulle tág yáal, giri gálaat af tatiyyo-, il gíl gaa helisanno-, hát ˈdabaan-, geer gaa guchiká gáál ki gogofsicho-, gáál he oonisichoká.

Títo 3:3

Muun úba héle kíssóótí he gál đées-, metle ki seseme-, hé lesalloká hí nyiimite-, bált met lulle ˈgar kirmite-, hé ˈdeđewká gaa seseme-, hinááf ˈgie-, gálaat hí nebeney-, íín úba hol nebeneyká.

Yákob 4:5

ˈDéé hót ˈdaa kúnnoka Warˈgat Waaˈgiet gaa iđoká kieye, Sidham muun gáál gaa ijóóllá hé tág gajált ˈguo, chieká, hálééllo hatal chie?

Bétiro Erká 2:1

Aaléka, he lullé ˈdeđew-, hát káána điđám, nyiimisan, hódho, ubaa hinááf, tá kolkól hí gaa iđoká lulle hol ka ridhdhíe.

Bétiro Erká 3:8

Aaléka, lulkícho kas tikiˈde-, naannaká ki yíéđía. Ger kurshám ubaa gielmit gál hol nyaaramká hí hol ka ˈguoká ˈgáa. Héétí ger guurá ˈgany ubaa hol ˈdúúw rím ˈgáa.

Bétiro Erká 4:8

Hé súm ˈdúwaká hééllá: Hát ˈdabaanká hol geelnedhíe. Hééllá he ˈdaa giri gielmít hé burnay-, ˈdeđewká gíl sug ki haađichoká.

Bétiro ki Naamaká 1:7

húgúm Waag hí feˈdoká geer gaa midhánt ˈdú chiˈdíe, geer gaa midhánt gielmít ˈdú chiˈdíe.

Yuána Erká 4:11

Sheel chia yú gielallo, ˈdaa giri Waag gáál hatal gielká, muun úba kí hol geelnet.