Korínto Erká 13:2 - Fayam Midhab Yiesu Kiristoká He Hol Af Iđiny Kaanaká

² Tá yú Waag har ye gállé ˈdéé ka shigichoká mú tikiˈd hôny-, yú hé ger geđiká lulle ubaa ˈdaalím met lulle onnôny-, iiy yeen gumano alb gaa gugursichoká úba ˈgíiny-, kor gielmít mannânyka, yáá máá kátaká mán.

Korínto Erká 13:2 ပူးပေါင်းရင်းမြစ်များ

Matááyo 13:11

Yíésu gáál ˈdéé hol ˈdú nie, kieye, Itíni in hé geer geđi Guch Waaˈgietká Waag hí shiiche. Tá gálaatí íín hé hé kinaallá Waag hí ma shíiny.

Matááyo 17:20

Yíésu gáál geey, kieye, Hé kinaallá iiy yeen kíchia ninni. Tá yú hí hé ˈdúwaká geeye, iiy yeen kíchia hí ˈgayyaká har úba káána ninnenêny-, hát heert onnônyka, hí gúmallá geeyche-, hí kieye, Állá gaa siléew, áltí ˈgúo, hí chegetoká it uˈda, gum đo hai sileedhe. It onnônyka hé níínní hí ka aađadhdheká mán.

Matááyo 21:19

Mu kinnach ˈgierich atól gaa arge. Mu kinnach af ˈdú tameká, kinnach nee tákáma, hé erbit tikiˈd úba mán. Aalé mu kinnach geey, kieye, Kuun taalle bííyyo kó geđi um ma lalaminy, yie. Kinnach đo ali gaa gogoy.

Matááyo 21:21

Yíésu gáál geey, kieye, Yú hí hé ˈdúwaká geeye, har hí Waag iiy yeen ká ˈgayya-, hí ger totom ma gaa ˈgiˈgisanka, it hé yú kínnáchallá ki hodhééllá tákámle ma ekemeny, gúmallá úba hí geeyche-, Siléew, hol bás ki lab, hí chieka, he đo hát kinaal hai ˈdie.

He Ekeny Gál Alb Fimiká 13:1

Gál Kiristo Antiokká hé gál Waag hí ˈdéé ka shigicheká ubaa gál gálaat ˈdeeny Yiesu oonisieká hí gaa ije. Gál kinaallá he mú Barnábas, Símion giri Níˈjer léká, Lókias giri máá ˈjien Kureneká, Manáyan giri Heróˈde giri les mé ˈdíne ˈdáá tikiˈd mé ki yielká hol ˈgar ká guguđandheká, héétí ubaa Sáwul.

Róóma 11:25

Nyaaramchú, hé geer geđi-, Waaˈgietallá hí eiy nannasatoká yú fede. Har hí hééllá hát ˈdabaanká eiy ma naasanka, kálmaréél gál súm ˈduuˈdúwaká hollo hí hol ká dhaˈgasanna. Gál Yisirayelallá ˈbaal hé met guogo, tá gaal met guogintlééllá hai ˈgaa, ˈdaab ameeny gál gál Yuuˈdi muuninyká gállé Waag hí rubach shigichoká lúl rubach ma árginyká.

Róóma 15:14

Nyaaramchú, itín hát hí súm ger gaa ˈdabaan-, ˈdaalim hí hol af ki tatiyyaká lulle hí ˈgayyaká, yáá tág óg.

Róóma 16:25

Aaléka, Waag kí meemeyo! Waag hé Fayam Midhab Kiristo-, yú gálaat ki ˈdiyeenallá ˈdaalleka hí higiraycho. Fayam Midhab Yiesu Kiristóóllá he Waag héllé geer geđi kis ˈgayye-, tá káána ka edhesicheká.

Korínto Erká 11:4

Af giri máá yab Waag vivisatká, muuninyka, ˈdeeny Waag hí ka shiicheká gálaat ki ˈdiyeenká, meenyle he ˈdú muˈdeka, meenylé he egesheye.

Korínto Erká 12:28

Tá gál gón Kiristóóllá hé Waag hí hujichaam eiy eiy met ki kuokoyye. Gál erkobká he gál alb fimiká, gál ki naamaká he gál Waag hí ˈdeem ka shigichoká, gál ki seđeká he gál gálaat ˈdeeny Waaˈgiet oonisuoká. Héétí gál hé ki af ˈdaˈdaboká ekemeyoká, ubaa gál gál fursam ˈguoká bibisuoká shíícholle ˈguoká, tá gál gálaat ˈdú ˈjeˈjeenká, ubaa gál gálaat hujichaamle met ki ˈgieká, héétí gál afano éíy taaka hogodhoká.

Korínto Erká 13:1

Har káána úba yú afano gálaatká ubaa afano gál ˈgasso-, urru-, Waaˈgietká onnôny-, kor yú gielmít manítaka, af kinaalka hé chia yú hogodho kinaal hát hé kaal he shesheenno.

Korínto Erká 13:3

Héétí har hé chia lulle yú ˈguoká yú gálaat shigîny-, sídhchú úba sillîny-, giri yú hol memeyoká, kor yú gielmít manítaka, yáá hééllá ˈduuw níínní gaa aargiroká mán.

Korínto Erká 13:8

Gielmít íín hé el me hí ma ˈgiˈgin. Tá hé shiicho Waag hí gáál ka shigicho-, hát káána ˈdeem Waag hí gáál ka shigichoká ˈdiiyiminylé, ubaa afano Hím Naasan Waaˈgiet yé gáá ˈdeˈdeenká huogon, tá ˈdaalím ˈdéé hótlé íín lúl el met haí ˈgiidha.

Korínto Erká 14:29

Gál Waag hí ˈdeem ka shigichoká, naam yíekaʼ, seđ yíekaʼ, hí ˈdeem kinaal ˈdiiyeen, tá gálatí hí ˈdeem kinaal ˈduuwle eiy naanasat.

Korínto Erká 14:39

Aaléka, nyaaramchú, ˈdeem Waag hí ká shigicho-, hí ˈdiyeennoká feditle súm ˈgáa, tá gál afano Hím Naasan Waaˈgiet yé gáá ˈdeˈdeenká hogodhoká haí afano kinaal huogonle gáá momôny.

Korínto Erká 14:4

Máá af Hím Naasan Waaˈgiet yé gáá ˈdeˈdeenká hogodhoká, ínalle tákámlé hol ˈdiˈdisa, tá máá ˈdeem Waag hí ká shigichoká ˈdiyeenká íín gál Kiristo he ˈdiˈdisa.

Korínto Erká 15:51

Bá dhaayyíe, hé geer geđiká yú hí geeye, múún lulkúnno hé ki ma kufuminy, tá lulkúnno hollo ko hol gaa soromo.

Korínto Erká 16:22

Máá Máá kúnnaa Guđóóllá ma geelnenyká hí ˈdortó argo. Máá kínyaa Guđóóllo, ka ˈjé!

Korínto Erká 4:1

Aaléka, gálaat hí nyí gede Kiristo-, Waag hí héllé geer geđiká ˈdiiyiminyle mé ki reeychééllá ká dhaaˈgasan.

Korínto Erká 7:19

Máádhat hermíte yíekaʼ, má hermisan yíekaʼ, hééllá lulle hé kátaká mán. Hé muun gáál ki ˈdúwa-, ke ekemeyoká, he giri muun ke hemuumurit Waaˈgiet el gaa igiroká.

Korínto Erká 8:4

Aaléka, aany gaalí waagam hódhoká suoryam ki ˈgaˈgaloká sogimle kóonyle hátle yú hí ká geeye. Muun waagam hódho-, gál lesalloká hí vivisatká hát hé káta mánká hé ki óg. Biiy hé waagam éíy taaka hí gaa ijoká mán, Waag biiy gaa iđoká he tikiˈd tákáma.

Korínto ki Naamaká 12:11

Yú hát máá đeechká ˈdéé ká hogodhe. ˈDaa giri hí ye ˈdéé ma ˈdú húógonká, hééllá itíni hí ye mé ki koyye. Hár úba káána yú máá káta mánká kátaka, gál hol gál ˈdúwa-, alb fimiká ka hoyallá hé íín ye ma ˈdú ˈduwanany.

Galátia 5:16

Aaléka, yú hí geeye, Hím Naasan Waaˈgiet ki seesemíe, hát kinaallá in hí balt goniet gaa nyakaridheká gaa faaganata.

Galátia 5:22

Hím Naasan Waaˈgiet saanolle he gielmíti, geer gaa meen, naanná, he ˈdú faafaan, geer guurá ˈgany, geer gaa midhánti, af ˈduwany,

Galátia 6:3

Máá taawuo-, kieye, yaa ˈdúwa, yeget-, kor máá káta-, mánká, hollo hol nyimite.

Eféso 3:4

ˈDeeny yú ka verenóóllá hí tuoycheka, Waag ˈdeenylé geer geđi-, Kiristóóllá hát yú ógká haí kiimisata.

Eféso 6:19

Yú úba ye Waag kí viivitíe, giri aadh lulle yú Fayam Midhaballá ˈdiyeen-, Waag ye ˈdéé af ká fafiyyo-, yú sierm ˈdaabo-, hé kis ˈdaa Fayam Midhaballáka, gaalí moonnoyká yú gáál eiy ki nannuoká.

Kolosááya 1:26

ˈDeeny yú hí ki ˈdiyeenallá he Waag héllé geer geđi-, kíssóótí kaate-, hí gál heleká lulle af ˈgidhiche-, tá káána hí gálle kí edhesichééllá.

Tímote Erká 3:16

Hé fálaam mánká he kieye, Waag héllé geer geđi-, káána ke ógallá ebá guđáan! Kirísto hé gon kaadhdhe, lésallá ki ˈdalidhe. Hím Naasan Waaˈgiet hé mú ˈduuwle ká edhesiche. Mu hé gál ˈgasso-, urruká hí arge. Mu hé gaalí kidhano hurt gaa ˈdiiyime. Mu hé gaalí lésallá iiy gaa yie. Héétí hé Waag hí guchlé uratiká mé ki niiyye.

Yuána Erká 4:8

ˈDaa giri Waag íín he gielmítiká, máá gielmít mánká hé Waag muog.