Korínto Erká 13:13 - Fayam Midhab Yiesu Kiristoká He Hol Af Iđiny Kaanaká

¹³ Aalé káánaka, hé farguogo-, ke ˈguoká he iiy yeen ke Waag ka ˈguoká, ubaa hé ke met egessoká hát he ˈduuwawká ónyi, héétí he gielmíti. Tá hé seđééllá héllé hí a mé ijoká he gielmíti.

Korínto Erká 13:13 ပူးပေါင်းရင်းမြစ်များ

Lúka 10:27

Máá giriká kieye, Warˈgát kieye, Máá Guđo Waag kuaká geerkú lulle ki géélneb, hodhinkú lulle ki géélneb, fargogintkú lulle ki géélneb, ubaa tawunykú lulle ki géélneb. Héétí máá olkú hát kúún dhúrkú hol gielallá úba géélnebo, he chie, yie.

Lúka 22:32

Tá yáá ko Waag kí vite, giri iiy yeenkú mán ma chegenká. Tá kuun ye hayche-, kor ye hol ˈdu gáá naateka, nyaaramkú gúófsish, Yíésu hí mú yie.

Róóma 15:13

Aalé it hí Kirísto iiy chíéllá, Waag ííni gáál ˈdú ˈjeˈjeennóóllá hí ger gaa meen ubaa naanná shiigicho. Héétí ˈdúˈjím Waaˈgiet hát hí aargiˈdaká onyle úba Waag hí shiigicho. Hím Naasan Waaˈgiet fargogintle hí onyééllá ˈdú ookodmicho.

Korínto Erká 14:1

Aaléka, gielmít ˈgany ˈdú laađamíe. Héétí hé shiicho Hím Naasan Waaˈgiet hí gálaat shigichoká feditle ˈgáa, tá hé shiicho-, gálle Waag hí ˈdeem ká shigicho-, ˈdiyeenká feditle súm ˈgáa.

Korínto Erká 16:14

He met lullé hí ekemeychoká hát gielmitiká eekemeyyíe.

Korínto Erká 3:14

Máá ˈbílallá hújíchlé nieká, hújíchlé kinaal har ˈjiet hí ma kony-, ká ˈgiteka, máá kinaallá hé shiicho-, hujich kinaalloká hai aargira.

Korínto Erká 8:1

Aalé, yú aany gaalí waagam hódhoká suoryam ki hođuoká sogimle kóonyle yaalmitlé hí ye ka heeseteká yú hí hol ˈdú gáá naa. Muun lulkúnno hát ke hééllá ˈdaalimle ˈguoká hé ki óg. ˈDaalim máádhat hí ˈguoká íín hol meenyo mú yé ˈdú ˈdeđicha, tá gielmít íín máádhato he ˈdiˈdita.

Korínto Erká 8:3

Tá máá Waag gielká, hé Waag hí óg.

Korínto ki Naamaká 5:10

Muun lulkúnno kara Kirísto hí ˈdú yíéđian-, mu gálaat ˈdéé ki iđimuoká metle ha ke ki ˈdeeme, giri máádhat af giri he gónlé lokóólallá lésallá ki ijeká, héllé midhab eekemeyká yiekaʼ, héllé ˈdeđew-, eekemeyká yíekaʼ, héllé shiichoká aargiroká.

Korínto ki Naamaká 5:15

Kirísto gálaat lulle ˈdú kufééllá, he giri gál les ˈdug ˈdú ijóóllá mú iiy yeget-, hát hol ki fedoká ma yíéđiminy-, Máá hí ˈdú kufe-, geđi loolnodhééllá hol ˈdú silmuoká.

Galátia 5:6

ˈDaa Yiesu Kiristoka, ke hermita yíekaʼ, ke má hermisan yíekaʼ hé kinaallá hé kátaká mán. Hé súm ˈdúwaká he iiy yeen ke Kirísto ka ˈguoká ubaa gielmit iiy yeen kinaallá yé gáá ˈdeˈdeen-, ke gálaat ki gielká.

Filíbi 1:9

Hé yú hí Waag kí vivisatká he giri gielmitkícho súm higirayyo-, hí Waag húgúmle hát ˈdabaanká kiimisato-, Waag hí kas he hol eiy gaa naasanká shigicho-,

Kolosááya 1:27

Waag hé muˈdeká he giri héllé geer geđííllá ˈduuwlé guđoká hát kidh lulle hí léká gálle kí eedhesichoká. Waag héllé geer geđííllá hélle kieye, Kirísto hé hí gaa ijo. ˈDaa kinaallá ˈdugaka in aadh ˈdaatika Guch Waaˈgiet itín hát hí léká hí og.

Kolosááya 1:5

Iiy yeen ubaa gielmit hí ˈgayyáállá he ˈdaa giri Waag hát hí he lullé ˈdabaan-, hí úr ali kí iđicheká hí met gaa ógká. He met esiny kinaallá ˈdeenyle it kis Fayam ˈdúwa-, Midhab-, Kiristoká gaa maalle.

Kolosááya 3:14

Tá hé súm ˈdúwaká gielmít ˈgáa. Gielmít ííni muun gáál hol mé ˈdú gáá egeyye, gáál tikiˈd hođicha.

Dhesaloníke Erká 1:3

Iiy yeenkícho hát hí he gaa eekemeycho-, ubaa hújích kíchiallá gielmit hí ˈgayyáállá hí ki nanniyyo-, héétí har káána úba he hí ki ˈgierˈgernítaka hát hí Máá kúnnaa Guđo Yiesu Kirísto hí ˈdúúw ki ógallá nyáá nyí ˈJaa kúnnaa Waag met táb gaa ˈdoˈdooto.

Dhesaloníke Erká 5:8

Tá múúni ki um kulichká, met hí gáál ˈdú ˈgie. Kí iiy yeen ubaa gielmít hát síbil máá yuoyoká hí bala gaa higisat-, mú ririankáka kí balo gaa hisat. Kí rúbáchkúnno ˈduuwle hát shóte-, síbil-, máá yuoyoká ririankáka kí faat.

Tímote Erká 1:5

Atim kuuní gáál af tatiyyóóllá héllé gálaat yé ˈdú ˈdeđichoká he gielmit giri hodhin saas mánká yé gáá ˈdeˈdeennoká, ubaa hé ˈdúwa-, gaalí ógká ekenylé, tá iiy yeen ˈdúwa-, nyimisan mánká.

Tímote ki Naamaká 1:7

Waag hé muun gáál hodhin siermoká ma ka shíiny. Hodhin muí gáál ka shieká, he hodhin fargogínt, ubaa gielmít, tá ˈdaalím ˈgayyoká.

Héberew 10:35

Aaléka, chirm guogint kíchia-, hí hé shiicho guđoká yé ˈdú ˈdeđichóóllá haí hâny.

Héberew 10:39

Tá múún hé ke gál Waag el hol gaa nannaat-, ál gálaat he il hí gaa aargiˈdoká seseenká muuniny. Muun he ke gál Waag iiy yeget-, luolmit biiyoká aargiroká.

Héberew 6:11

Itín hé ke hí gaa fedoká, he giri ˈdaab hí les ˈdug ˈdú iđáállá yaalmit kíchia gielmitííllá taalle hí ki iđa-, hé biiy meto-, hí súm egeteká hát ˈduuwawká hí met gaa ógká.

Héberew 6:19

Rúbách biiyo-, ke met egesóóllá he hé fargogo-, ke ˈduuwle óg-, gáál el mé les ki chichirat-, ke ma wawaminy-, ke Ál Súm ˈDúwa-, Waag hí gaa iđoká higiloká.

Bétiro Erká 1:21

Itín Kirísto ˈdaallé hí Waag iiy ki chie, ˈdaa giri Waag Kirísto uushich yé gáá ˈdeeyche-, Kirísto ˈduwaycheká. In káána hí iiy yeen ubaa ˈdúúw Waag ká ˈgayya.

Yuána Erká 2:10

Máá nyárle gielká hé bííy gaa édhká gaa ijo. Tá bííy gaa édh kinaallá hé níínní hí gaa ijo-, mú riigirsuoká mán.

Yuána Erká 2:14

It đalbááyáállo, hééllá yú hí ˈdu gáá veerééllá he ˈdaa giri itín hí ˈJaa kúnnaa Waag ógká. It idhaamallo, hééllá yú hí ˈdu gáá veerééllá he ˈdaa giri itín Máá erkob-, Waag hátlé hé níínní ka kuonne mánká ali ijeká hí ógká. It rúórééllo, hééllá yú hí ˈdu gáá veerééllá he ˈdaa giri hí fargogínt ˈgayya-, ˈdeeny Waaˈgiet hí ger gaa ijo-, tá hí máá ˈdeew-, Sátanlééllá ká adhateká.

Yuána Erká 2:24

Itínííllá, fayamééllá he onisinyle hát erkob hí maalleká hí ger gaa yíéđiyyo. Har he onisinyééllá hát erkob hí maalleká hí ger gaa iđoka, af kinaalka it Íny ubaa ˈJaalle taalle gaa iđa.

Yuána Erká 3:3

Ameeny máá he met esinyééllá Kirísto ka ˈguoká, hát tikiˈde Kirísto saas mánnallá, íín úba hé hí saas mé ki kokuoká hol ká riiriat.

Yuána Erká 3:9

Hé máá níínní ˈdalmaat Waag yé gáá ˈdiiyyeká ˈdalidhe-, kor hé ˈdeđewká gaa seseenká mán, ˈdaa giri mú luolmit Waaˈgiet hí gaa iđoká. Máá ˈdalmaat Waag yé gáá ˈdiiyyeká ˈdalidheká, hé hé ˈdeđewká gaa seseenká ma uriny.