Korínto Erká 12:8 - Fayam Midhab Yiesu Kiristoká He Hol Af Iđiny Kaanaká

⁸ Mááká Hím Naasan Waaˈgiet ˈdéé hót ˈdaalimoká hí shigicha, héétí mááká Hím Naasan Waaˈgiet tikiˈdééllá ˈdéé hót he onyiká hí shigicha.

Korínto Erká 12:8 ပူးပေါင်းရင်းမြစ်များ

Matááyo 13:11

Yíésu gáál ˈdéé hol ˈdú nie, kieye, Itíni in hé geer geđi Guch Waaˈgietká Waag hí shiiche. Tá gálaatí íín hé hé kinaallá Waag hí ma shíiny.

He Ekeny Gál Alb Fimiká 6:3

Nyaaramkúnno, gál ˈdúwa-, tiiya Hím Naasan Waaˈgiet hí koch chie-, ˈdaallellé-, hí ógká hol gáá shuunáa, gáál nyí hújíchallá mé ki koyyo.

Róóma 15:14

Nyaaramchú, itín hát hí súm ger gaa ˈdabaan-, ˈdaalim hí hol af ki tatiyyaká lulle hí ˈgayyaká, yáá tág óg.

Korínto Erká 1:30

Tá Waag hé itín ubaa Yiesu Kirísto hí hol ˈdú fiiyye, Kirísto ˈdaalimkúnno hoyche. Kirísto ˈdaalleka Waag hé muun gáál gál ˈdúwaká hoyche, gáál gálle hosote, gáál ađaabano gim yé gaa ˈdeeyche.

Korínto Erká 1:5

ˈDaa giri hí Yiesu Kirísto hol ˈdú faannééllá, in Waag hí he met lulle ˈdú ookodmiche, hát káána ˈdéé hót midhabká ubaa ˈdaalím lullé.

Korínto Erká 13:2

Tá yú Waag har ye gállé ˈdéé ka shigichoká mú tikiˈd hôny-, yú hé ger geđiká lulle ubaa ˈdaalím met lulle onnôny-, iiy yeen gumano alb gaa gugursichoká úba ˈgíiny-, kor gielmít mannânyka, yáá máá kátaká mán.

Korínto Erká 13:8

Gielmít íín hé el me hí ma ˈgiˈgin. Tá hé shiicho Waag hí gáál ka shigicho-, hát káána ˈdeem Waag hí gáál ka shigichoká ˈdiiyiminylé, ubaa afano Hím Naasan Waaˈgiet yé gáá ˈdeˈdeenká huogon, tá ˈdaalím ˈdéé hótlé íín lúl el met haí ˈgiidha.

Korínto Erká 14:26

Nyaaramchú, háteeye ki yeedhe? Af giri hí hol ˈdu gáá chiimet-, hí Waag hol ˈgar vivisatoká, mááká hé ár ka ˈdaraanká ˈguo, mááká hé he onisiny gáál af ki tatuoká ˈguo, mááká hé Waag hí kí edhesicheká ˈguo, mááká hé ˈdéé hót af Hím Naasan yé gáá ˈdeˈdeenká kí hogodhoká ˈguo, héétí hé máá ˈdéé hót af kinaal gáál eiy ki nannuoká ˈguo. He lulle hí hé gál Kiristo ˈdiˈdisoká onnow.

Korínto Erká 14:6

Aaléka, nyaaramchú, har yú hí ˈdu gáá yimie-, afano Hím Naasan Waaˈgiet yé gáá ˈdeˈdeenká hogodhoka, hé kinaallá meete ˈdúwa hí gaa aargiˈda? Tá yú hí hé Waag hí ye kí edhesicheká yíekaʼ, ˈdéé hót ˈdaalimoká yíekaʼ, ˈdeeny Waag hí ye ká shiicheká yíekaʼ, héétí he onisiny yíekaʼ, hééllá hé mákártaká yú hí ˈdu gáá sidheka, ití bal mé ma ki kakaan?

Korínto Erká 2:11

Mááya máádhat héllé geer geđiká og? Máádhat héllé hí geerle gaa ijoká tákáma he hol ki og muuniny? Hát tikiˈdééllá hé máá níínní Waag hélle ogká mán, Hím Naasan Waaˈgiet tákáma Waag hélle og.

Korínto Erká 2:16

Mááya Máá Guđo Waag kasle og? Mááya Waag hiibisia?

Korínto ki Naamaká 1:12

Nyiin hé midhab-, nyí ekemeyche-, nyí ki ˈgađasannoká nyáá nyí ˈgayya. Hé kinaallá he húgúm ˈdúwa-, leđuđugulle-, Waaˈgiet nyí lésallá ki iđa-, ke hí hurt ki ijóóllá. Nyiin nyáá nyí ˈdaalim gálaat lesalloká el ma gaa igiriny, nyíín geer guura Waaˈgieto nyí ki iđa, nyí af tatiyya.

Korínto ki Naamaká 11:6

Har úba káána yú gáál ˈbáál innumleka ˈdiiyiminy súm móíytaka, yáá ˈdaalím ˈguo. Nyáá nyí hát lulle ke hí hééllá ká argisie.

Korínto ki Naamaká 2:14

Nyáá nyí Waag gielmít hol ˈdú nanniyya. Waag aadh lulle ˈdaa Kiristoka hé nyí met gaa igiˈdo, fufucho. Waag nyí hújíchle ki nannasata, giri nyí Fayam Kiristóóllá hát sáláb usiyyo-, usle biiy lúl bash ki chegetokáka nyí alb lulle bash ki hođichoká.

Korínto ki Naamaká 4:6

Muun Waag tikiˈde kieye, Edhum hí bííy gaa ongʼoˈdeká yé gáá ˈdie, chieká in muun kaskúnno édhúmle gaa iđiche, giri ke mú ˈduuwle oonnootká. Waag ˈduuwlééllá in gálaat hí Kirísto gaa aargira.

Korínto ki Naamaká 6:6

Hé Waag hí ma fedinyká nyí hol gáá momoycho, nyí ˈdaalím ubaa ger gaa gúch, tá ger guurá ki seseenne. Hím Naasan Waaˈgiet nyí gaa iđóóllá nyí af tatiyya, nyí gielmit ˈdúwaká gálaat ká ˈgayya.

Korínto ki Naamaká 8:7

ˈDaa giri hí he lúl ˈdaa gaa lilete-, hát káána hí iiy yeen fargogoká ˈgayya-, hí ˈdeem huogon óg-, hí ˈdaalim guđoká ubaa gúóf lulle ˈgayya-, héétí it hí nyí súm gielká, hé shiicho gielmitííllá úba hát geer gaa midhantiká hol ˈdu gáá shuunáa.